Sarliaq Perorsaasussarsiorpoq aamma Isumaginninnermut ikiortinik

Sarliaq Perorsaasussarsiorpoq aammalu Isumaginninnermut ikiortinik

Atorfinitsitsinerup ullua: 01.02. 2026 imaluunniit isumaqatigiissuteqarnikkut.

Meeqqat angerlarsimaffiup avataanut inissinneqarsimasut suliffingissallungit soqutigaangit? Allanngueqataarusussuseqarpit?

Meeqqat angerlarsimaffiat Sarliaq ulloq unnuarlu meeqqanut angerlarlarsimaffiup avataanut inissinneqarsimasunut paaqqinnittarfiuvoq Ilulissaniittoq. 20-nik inissaqarpoq, ukiut agguataarneranni 0-miit 18-nut ukiulinnut immikkoortortanut pingasunut agguangaalluni. Meeqqat angerlarsimaffiup avataanut inissinneqarsimasut alliartornerminni ilaatigut sumiginnangaanermik; atornerluinermik assigiinngitsutigut misigitinneqarsimasarput, sinerissamiillu tamanit aggertuullutik.

Sarliami perorsaariaaseq (Relationspædagogik i et anderkendende perspektiv) atassuteqaqatigiin-nermut tunngasumik perorsaaneq, ataqqeqatigiinnermik sammivilik aallaavingalugu suleriaaseqarpungut, aaqqissuussaasumillu maleruangassanut pingaartitsilluta ataqqeqatigiinnermik siunertalimmik meeqqanut inuusuttunullu sullissineq pikkorissarnerit assigiinngitsut allaavigalugit ingerlataralutigu.

Ulluinnaat aalaakkaasut pingaartitaraangut, atuarneq, sunngiffimmi soqutigisat kiisalu Sarliap avataani inooqataaneq eqqarsaatigalungit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillungit, Sarliap illuaraanut Oqaatsut eqqaaniittumut, sisorariartillugit allanulluunniit illoqarfiup iluani aaqqissuussanut peqataatillungit.

Makku ilinnut naatsorsuutigaangut:

• Aalaakkaallutit naatsorsuutaasinnaasutit, tarnikkut nukittuujusutit timikkullu peqqissuusutit, sulianullu tunniusimallutit suleqataasinnaassuseqartutit.

• Aaqqissuussamik maleruangassanut atuutsitsillutit suleriaaseqartuusutit, ersarissumillu inersimasutut suleriaaseqartutit.

• Misilittangaqarsimasutit angerlarsimaffiup avataanut inissinneqarsimasunik meeqqanut sullitaqareersimasutit

• Piareersaasiorsinnaassuseqartutit siunertalinnik sammisassaqartitsinikkut meeqqanut inuusuttuaqqanullu uani aamma sanalunnissamut nipilersornermut tunngasinnaapput.

• Aallaarsimaarnernut aasaanerani Sarliap illuaraanut Oqaatsut eqqaaniittumut peqataasinnaassasutit.

• Nikerartumik sulisinnaaneq, ullaakkut, unnukkut, unnuilluni sinittuunerit.

• Allaffissornikkut nalunaaruteqarnermut allatigullu namminersorlutit sulisinnaassuseqarlutit.

Makku ilinnut neqeroorutigisinnaavangut:

• Suliffik pissanganartoq, ilinniakkallu imarisaanut sulinermi ukkissiffiusoq.

• Ilinniakkap imarisaanut suli ineriartorfiusoq, ilinniaqqissinnaanerup saniatigut supervision-eqartarneq.

• Suliffimmi isumassarsiarnik tunniussaqarsinnaasutit piviusunngortitseqataallutillu, meeqqanut inuusuttuaqqanullu tunngatillugu.

• Sap. Ak. 40 tiimi sulisarneq.

Aningaasarsiat atorfininnermilu atungassarititaasut

Aningaasarsiat atorfininnermilu atungassarititaasut pisinnaatitaaffiupput, soraarnermi angalasinnaatitaaneq, nutsersinnaatitaanerlu, atorfininnermi isumaqatigiissutit Namminersorlutik oqartussat kattuffiullu isumaqatigiissutaat atuuttut najoqqutaralungit.

Ineqarneq:

Atorfimmut atatillungu pisataqanngitsumik innersuussisinnaavungut inatsisit piffissaliussallu iluani atuuttumik. Ineqarnermut iserternermilu akiliut ineqarnermut inatsisit malillugit atuuttuupput. Atorfimmut atatillungu ineqarneq atorfeqarnermut attuumassuteqarpoq, artorfimmiillu soraarnermi nutserneq aamma pissalluni.

Ineqarnermut akiliut assigiinngissinnaasarpoq apeqqutaalluni ingingisap pisoqaassusaa, attartuinermullu pissutsit. Utaqqisoqarsinnaasarporlu suliffimmut atatillungu initaarnissamut, taamaammallu utaqqiisaasumik inissiisoqarsinnaalluni, ilaatigut illoqutigiinnut iml. akunnittarfiup inaataanut, akileraarnerlu pisinnaalluni.

Paasissutissat allat

Atorfik pillungu paasisaqarnerorusukkuit saaffiginnissinnaanernut tikilluaqquatsigit uunga: Forstander Atsa Heilmann-imut tlf: +299 94 65 01 email: ah@sarliaq.gl-mut imal. Souschef Dine Mathiassen tlf.: +00299 946502 email: dine@sarliaq.gl .

Qinnuteqaatit allakkatigut Sarliamut aggiunneqarsinnaapput, Sarliap allaffii ulluinnarni 8- 16 ammasarput ataasinngornermiit tallimanngornermut, imaluunniit mail-ikkut qulaani innersuussutinut nassiunneqarsinnaallutik. Qinnuteqarnermi ilanngunneqassapput CV; ilinniarnermut uppernarsaat; aammalu imminut ilisaritilluni allangaq.

Qinnuteqarfissap ullua kingulleq: 19.12.2025.

Qinnuteqaat nassiuguk