Sisimiuni Arctic DTU-mi Ulluinnarni Ataqatigiissaarisoq

Kalaallit Nunaanni ornigulluni sulinermik misilittagalik najukkamilu atassutilikkissaatigineqarpoq.

Assigiinngitsorpassuarnik suliassaqarlutit ulluinnarni ulapaarneq inunnullu assigiinngitsorpassuarnut attaveqarneq nuannarigukku atorfik una immaqa ilinnuttulluassaaq. 

Atorfik Sisimiuniippoq.

Atorfimmut inuttassarsiuussinermi matumani kalaallisuua qallunaatuualu nikingassuteqarpata qallunaatuuani allassimasut atuupput. 

Atorfik

Arctic DTU-mi ulluinnarni ataqatigiissaarisutut ilinniartitsisut ilisimatusartullu campusimiinnerannutilisimatusarfimmiinnerannulluunniit atatillugit sulisut allat peqatigalugit ulluinnarni ataqatigiissaarineq pilersaarusiornerlu akisussaaffigissavatit suliffimmilu avatangiiserissaartitseqataassallutit.

Ilinniartut aallartinneranni Sisimiuniikkunnaarnerannilu suliassaannik iliuusissaannillu ikiussavatitilinniartullu avatangiiserissaarnissaannut ikiorlugit.

Nuna tamakkerlugu suliaqartunik qanimut suleqateqarnermi, pingaartumik KTI-mik, ilinniartutineqarfiisa allaffeqarfiannik, Qeqqata Kommunianik il.il., qitiusumik inissisimassaatit, Sisimiunilu ArcticDTU-mik ineriartortitsinermut peqataassallutit tapersersuillutillu. 

Suliffinni aamma:

• Sisimiuni Arctic DTU-mik ineriartortitsinermut peqataassaatit tapersersuillutillu 

• Arctic DTU-p ilisimatusarfianik Arctic DTU-milu ilinniarfiit ineriartortinneqarnerinut peqataassaatit tapersersuillutillu

• issittumi ornigulluni sulinermi atortuutitsinnik atukkiinermik aserfallatsaaliinermilu aqutsinermut akisussaasuussaatit 

• ilisimatusartunik, ilinniartitsisunik ilinniartunillu ornigullutik suliartortussanik pilersaarusiornermut aqutsinermullu tapersersuissaatit

• campusip ingerlanneqarneranik tapersersuissaatit

• pisuni assigiinngitsuni Arctic DTU-mit aallartitatut peqataasassaatit. Nalinginnaasumik Kalaallit Nunaanni, kiisalu avataaniit Sisimiuni Arctic DTU-mut tikeraanik tikilluaqqusisassallutit

• Arctic DTU-mit avammut attaveqarnernik ingerlataqarnernillu ineriartortitsinerni peqataallutillu ingerlatsisassaatit pingaartumik Sisimiuni nunallu sinnera

• sumiiffimmi saqqumilaarnissamut najukkamilu inuiaqatigiinnut qanimut sunniivigeqatigiinnermut 

Ilinnut naatsorsuutigisavut

Atorfik Sisimiuniimmat nalunaaquttat nikinganerat nunanilu assigiinngitsuniinneq uniffiginagitsuleqatinik qanimut suleqateqarluarsinnaassaatit. Ammasuunissat qaangerniagassanullu angisuunutmikisunullu aaqqiissuteqarniartumik pullaveqarnissat pingaartinneqassapput. 

Ilutigitillugu naatsorsuutigivarput:

• kalaallisut, qallunaatut tuluttullu oqallorissuussasutit

• innarlerniagassaanngitsutit najoqqutassiallu malinneqarnissaannik qulakkeerinnissinnaassasutit

• attaveqallaqqittuussasutit tatiginartumillu periuseqarlutit 

• ulluinnarni ulapaarfiusinnaasumi suliassat sapanginnagit suliarisinnaassagitit pingaarnersiuisinnaallutit pingaarnertut suliassavut isumagineqarsinnaaqqullugit – allaffimmi kiisalu campusimi campusimullu tunngatillugu suliassanik 

Kalaallit Nunaanni ilisimatusarnermut ilinniartitaanermullu avatangiisinik ilisimasaqaruit taakkuluakornanni attaveqaruit iluaqutaassaaq, piumasaqaataanngilarli. Issittumi ornigulluni sulinermik Kalaallit Nunaannilu ilinniartutut misilittagaqarnissat imaluunniit ass. issittumi ingeniøritut ilinniagaqarnissat aamma iluaqutaassapput. 

Qinnuteqartut Kalaallit Nunaanni inuussutissarsiutini misilittagallit piumaneqarnerussapput.

Ilinnut neqeroorutivut

Campusimi peqatigiiffigisatsinni ilaassaatit. Inuiaqatigiinnut iluaqutaasumik DTU-mi ilisimatusartutilinniartitsisullu akornanni kiisalu DTU-p Kalaallit Nunaannilu ilinniarfeqarfiit akornanni atassutaanissarput siunertaraarput.

Inunnut assigiinngitsorpassuarnut attaveqarluni assigiinngisitaartumik ulloqarluni suliffimmi uummaarissumi suliffik neqeroorutigaarput. Eqqortuuguit campusip ilisimatusarfiullu ineriartornerannut sunniuteqarluassaatit. Atorfiup ineriartortinneqarnissaanut kiisalu suliniutinut iliuuserineqartunullu assigiinngitsunut peqataanissamut periarfissaqarluarpoq. Sisimiuni Arctic DTU-mi pisortaq toqqaannartumik pisortarissavat.

Aningaasarsiat artorfeqarnermilu atugassarititaasut

Atorfeqalissaguit Sisimiuni najugaqassaatit. Inissaqartitsisoqassanngilaq, pisariaqassappalli Sisimiuniinissarsiniarnissamut Arctic DTU ikiuutaasinnaavoq.

Aningaasarsianut atorfeqarnermilu atugassarititaasunut Cirkulære om overenskomst mellem Finansministeriet, Medarbejder- og Kompetencestyrelsen, og Sulinermik Inuussutissarsiuteqartut Kattuffiat for kontorpersonale i Grønland imaluunniit Cirkulær om overenskomst for akademikere i statens tjeneste i Grønland malinneqassaaq.

Qinnuteqaat attavissarlu 

Qinnuteqaatit onlinekkut kingusinnerpaamik ulloq 16. novembari 2025 (Danmarkimi nal. 23:59) tigoreersimassavarput. Linki "Ansøg nu" tuussavat, tassanilu qinnuteqarnermi immersugassaq immersorlugu kiisalu qinnuteqaat allassimasat, CV ilinniarsimanermullu uppernarsaatitkakkiussorlugit. 

Daglig Koordinator ved Arctic DTU Sisimiut, Grønland / Sisimiuni Arctic DTU-mi UlluinnarniAtaqatigiissaarisoq

Atorfininnissamut oqaloqatiginninnerit sap.ak. 48-mi ingerlanneqassapput ullorlu 1. februaari 2026 isumaqatigiissuteqarluniluunniit aallartinnissaq naatsorsuutigineqarluni.

Atorfik pillugu paasisaqarnerorusukkuit Sisimiuni Arctic DTU-mi pisortamut Tanja Nielsenimut, oqarasuaammut +45 2035 1971-imut imaluunniit +299 249312-imut attaviginissannuttikilluaqqusaavutit. 

Arctic DTU pillugu nittartakkatsinni paasisaqarnerusinnaavutit https://arctic.dtu.dk/english

Qinnuteqarnissamut killiliussap kingorna qinnuteqaatit tiguneqartut isiginiarneqassanngillat.

Ukiut, suiaassuseq, innarluut, nagguik, upperisaq inuiaassuserluunniit apeqqutaatinnagitsoqutiginnittut tamarmik atorfimmut qinnuteqaqquneqarput. DTU teknologimik pingaarutilimmikilisimatusarnermik suliaqarnera pissutigalugu, taamalu ilaatigut isumannaallisaanikkut avammullutunisinermi nakkutilliinermut immikkut malittarisassaqarnera pissutigalugu atorfimmut piukkunnartuttunuliaqutaannik tamanit takuneqarsinnaasunik misissuisoqarsinnaavoq.

Arctic DTU sullissiviuvoq ilaatigut Sisimiuni Arctic DTU-mik ilisimatusarfimmillu ingerlatsillunilu ineriartortitsisoq. Campusimi ukiumut ilinniartut qallunaat, kalaallit nunanilu tamalaaneersut 80-it missaat aqqusaartarput. Ilutigitillugu ilinniartitsisut ilisimatusartullu assigiinngitsunik sivisussuseqartunik campusimiittarput ilisimatusarfimmiillutilluunniit. Nunaqavissunik sulisoqarpoq ulluinnarnilu sulininni taakku suleqatigissavatit. Ilutigitillugu Sisimiuni Arctic DTU-mi Danmarkimilu Lyngbymi DTU Campusimi aqutsisut sulisullu allat ulluinnarni qanimut aamma suleqatigissavatit.

DTU Namminersorlutik Oqartussanik isumaqatigiissuteqarpoq. Teknikkimik ilisimatusarneq nutaaliornerlu tunngavigalugit ilinniartitsinermi ingerlataqarnissap kiisalu Sisimiuni Arctic DTU-mi ilisimatusarfimmilu ilisimatusarnermik nutaaliornermik campusimillu ataatsimut ineriartortitsinissapqulakkeerneqarnissaat isumaqatigiissummi siunertarineqarpoq.

Teknologi inunnut

DTU inunnut teknologimik ineriartortitsivoq. Nunani tamalaanisulli pitsaanerpaamik ilisimatusarnerputilinniartitsinerpullu nunarsuarmik pitsaanerusumik pilersitseqataavugut nunarsuarmiluakornartorsiutinik Naalagaaffiit Peqatigiit piujuartitsilluni ineriartortitsinermi nunarsuarmianguniagaanni oqaasertalerneqarsimasunik aaqqiissuteqaqataalluta. H.C. Ørstedip DTU 1829-imi tunngavilerpaa inuiaqatigiinnut iluaqutaasumik pinngortitanik ilisimatusartut teknikkikkulluilisimatusaatit ineriartortinneqarnissaannik atorneqarsinnaasunngortinnissaannillu ersarissumikanguniagaqarluni. Anguniagaq tamanna ulloq manna tikillugu atorpoq. DTU 13.500-nik ilinniartoqarpoq 6.000-inillu sulisoqarluni. Nunani tamalaanisut ittumi sulivugut suliffimmilu avatangiisit peqataatitsisumik, ineriartornartumik ilumoorsaanngitsumillu periuseqarlutik. DTU DanmarkimiKalaallit Nunaannilu campuseqarpoq nunarsuarmilu tamarmi universitetinik pitsaanerpaaniksuleqateqarluni.