Staben-mi tullersorti

Atugarissaarnermut immikkoortortami Stabemut pisortamut tullersorti

Qeqqata Kommuniani Maniitsumi Atugarissaarnermut immikkoortortami Allatseqarfimmut, Aningaasaqarnermut Inatsisilerinermilu Stabemut pisortap tullersortaatut pisortaanerup sulisuinut pisortaq stabemik aqutsinermik ingerlatsinermillu kiisalu Atugarissaarnermut immikkoortortap iluani aningaasaqarnikkut inatsisilerinerullu iluani ikiornissaa ilanngullugu inatsit atuuttoq naapertorlugu atugarissaarnermut immikkoortortap aningaasaqarnerata ingerlanneqarnerata qulakkeerneqarnissaanut qitiusumik inissisimassaatit. Pisortaanerup sulisuinut pisortaq nalinginnaasumik Sisimiuni inissisimavoq.

Pisortaanerup sulisuinut pisortap tulliattut sulinermi ilisimasassaq tassaavoq, stabschef Maniitsumi, Sisimiuni nunaqarfinnilu ikiorsiissarnermut immikkoortortami allatseqarfimmilu atorfeqartunut kommunip sulisuinut tamanut akisussaasuummat.

Pisortamut tullersortitut akisussaaffik suliassallu pingaarutillit

Qeqqata Kommunia nunap pissusaatigut kommuni angisoorujussuuvoq aammalu illoqarfiit nunaqarfiillu akornanni pitsaasumik attaveqaqatigiinnissaq suleqatigiinnissarlu immikkut pingaaruteqarluni. Taakkununnga Sisimiuni Maniitsumilu immikkoortortat akornanni suleqatigiinnerup pingaaruteqassusaa ilaalluni. Fagchefitut Sisimiuni Maniitsumilu immikkoortortanut suleriaatsit periutsillu assigiinnissaannut akisussaasuuvutit. Ilutigitillugu pisortaanerup sulisuinut pisortaq immikkoortortanilu aqutsisut suleqatigalugit illoqarfinni nunaqarfinnilu suleqataasut akornanni ilisimasanik avitseqatigiittarnissap siunersiueqatigiinnissallu qulakkeerneqarnissaannut akisussaasuuvutit.

Atorfeqarnermi Pisortaanerup sulisuinut pisortamik qanimut suleqateqarnermi pingaarnertut akisussaaffeqarfigisat:

1. Ulluinnarni ingerlatsineq aqutsinerlu

• Maniitsumi immikkoortortami sulisunik ulluinnarni aqutsinermut pisortamut tullersorti akisussaasuussaaq.
• Suliassanik pilersaarusiornerit pingaarnersiuinerillu.
• Atugarissaarnermut immikkoortortap immikkoortortaata sinnerinut allatseqarfittut atuunnissap qulakkeerneqarnera
• Atugarissaarnermut Ataatsimiititaliamut allatseqarfittut atuunnissap qulakkeerneqarnera

2. Aningaasaqarnermik aqutsineq ingerlatsinerlu

• Atugarissaarnermut immikkoortortap aningaasaqarnerata illersorsinnaasumik ingerlanneqarnissaata qulakkeerneqarnera.
• Missingersuutit naatsorsuutillu pillugit takunnissinnaanermi pilersitsisoqarsimanissaa
• Kommunimi politikkikkut aalajangiussanik periusissianillu naapertuuttumik atugarissaarnermut immikkoortortami aningaasaqarnikkut aqutsinerup Pisortaanerup sulisuinik pisortaq aamma Atugarissaarnermut pisortaaneq peqatigalugit qulakkeerneqarnissaa
• Immikkoortortanik qanittumik suleqateqarluni aningaasaqarnikkut suliassanik allaffissornermillu pilersitsinissaq

3. Inatsisitigut siunnersuineq nakkutilliinerlu

• Atugarissaarnermut immikkoortortap iluani inatsisinut tunngatillugu siunnersuineq
• Ombudsmandimit sulianik Naammagittaalliuuteqartarfimmiillu suliassanik suliaqarneq

4. Politikkikkut allaffissornikkullu uppernarsaatinik ataqatigiissaarineq

• Atugarissaarnermut ataatsimiititaliani suliassanik suliaqannginnermi suliassatut saqqummiussanik pitsaassutsikkut qulakkeerineq
• Politikkikkut ataatsimiititalianut kommunalbestyrelsimullu tusarniaanermi akissuteqaatinut allakkianullu peqataaneq

5. Sulisunik aqutsineq, ineriartortitsineq atugarissaarnerlu

• Pisortamut tullersortip immikkoortortami sulisut sulianik ilisimasaqarnikkut avitseqatigiinneq atorlugu aamma avatangiisit ineriartorfiusut atugarissaarfiusullu pilersinneratigut piginnaasanik qaffassaaqataassaaq. Taassuma iluaniilluni Sisimiuni Maniitsumilu akimortumik suleriiatsinik assigiissaarinissaq pingaaruteqartoq.
• Kommunip allaffiani immikkoortortami atorfilinnut 14-iusunut aamma kommunip illorsuata avataani atorfilinnut (angerlarsimaffeqanngitsut unnuisarfiat aamma qimarnguiit) akisussaaqataaneq.
• Aqutsisut sulisullu ataatsimiinnissaannut ataatsimiigiaqqusisussaatitaaneq.
• Pisortamut tullersorti pisortaanerup sulisuinut pisortap sulinngiffeqarnerani imaluunniit allatigut ullut 14-it sinnerlugit sulinnginnerani paarlattaasuusassaaq.

6. Suliniutinik aqutsineq

• Pisortamut tullersorti immikkoortortami aalajangersimasuni suliniutini aqutsissaaq – pilersaarusiornermit, atuutilersitsinermut isumalluutinik aqutsineq aamma malitseqartitsineq ilanngullugit. Matumunnga ilanngullugu suliniutit piffissaq eqqorlugu tunniunneqarneri, missingersuutinik qaangiinnginnersut kiisalu anguniakkatut sinaakkutinik naapertuussinersut qulakkiissallugit.

7. Illup iluani avataanilu suleqatigiinneq:

• Atugarissaarnermut immikkoortup immikkoortortaqarfiinik allanik akimorlugu suleqateqarneq; Utoqqarnut Inunnullu Innarluutilinnut immikkoortoq, Meeqqanut Ilaqutariinnullu immikkoortortaq Qeqqatalu Kommuniani suliffiup iluani immikkoortut allat kiisalu suliffiup avataani suleqatigisartakkat

Piumasaqaatit aamma piginnaasat

• Allaffissornerup iluani qaffasissumik isumaginninnerulluunniit iluani assingusumik soorlu assersuutigalugu isumaginninnikkut sinnersortitut ilinniarsimaneq
• Pisortani aqutsinermik uppernarsarneqarsinnaasumik misilittagaqarneq, matumani aningaasaqarnikkut aqutsineq suliniutinillu aqutsineq ilanngullugit.
• Isumaginninnerup iluani inatsisinik ilisimasaqartuuneq.
• Pilersaarusiukkanik, siunnerfilinnik tamakkiisumillu isiginnittaaseqarnermik sulisinnaanermik piginnaasaqarneq.
• Kalaallisut qallunaatullu attaveqaqatigiinnikkut piginnaasaqarluarneq kiisalu kalaallit inuiaqatigiivini atukkat kulturikkullu pissutsit paasisimasaqarfigineri pitsaaqutaassapput.

Inuttut piginnaasat:

• Oqaloqatigiinnernut suleqatigiinnernullu siuarsaataasumik ataqqinnittumik tunniusimasumillu aqutseriaaseqarneq.
• Suliat imaannaanngitsut eqaatsumik iluarsiiviginissaannillu eqqarsaateqartumik suleriuseqarneq.
• Suliffiup avatangiisai pitsaasut ilikkagaqarnissamik inissaqartitsinikkut pilersissinnaaneri attatiinnarsinnaanerilu pikkoriffigalugit.
• Sulisunik kajumissaarinermik pikkoriffeqarneq

Akissarsiatigut atorfinitsitsinermilu atugassarititaasut:

Akissarsiaqarnermi atorfeqartitaanermilu atugassarititaasut Naalakkersuisut aamma kattuffiup isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.Malittarisassat atuuttut naapertorlugit inissaqartitsisoqassaaq, aamma atorfininnermi soraarniuteqarnermilu angalanissat kiisalu pequtit nuussorneqarnissaat sivikinnerpaamik ukiuni pingasuni atorfeqarnissaq malillugu akiliussisoqassaaq.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Pineqaatissinneqarsimannginnermik uppernarsaat:

Atorfimmut uunga atatillugu pineqaatissinneqarsimannginnermik uppernarsaammik pissarsinissaq inatsisitigut pisussaaffiuvoq.

Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Paasissutissat annertunerusut Hans Henrik Olsen oqarasuaat 86 74 31 aamma email halx@qeqqata.gl imaluunniit Atugarissaarnermut pisortaanermut Paneeraq Olsen oqarasuaat 86 73 03 aamma email pnol@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik ulloq 11.05.2026 tigoreersimassavarput.

Qinnuteqarnissamut killissarititaasoq: maajip 11.-at, 2026