Tigooraavimmi Immikkoortortami Aqutsisussarsiorneq

Ittoqqortoormiini Tigooraavimmi immikkoortortami aqutsisumik eqqagassalerinermik ukkatarinnittussamik, isumaqatigiissuteqarnikkulluunniit atorfinittussamik pissarsiorpoq.

Eqqakkanut tunngasut ukiuni aggersuni pissanganartumik ineriartorfiussapput.

Tigooraavimmi immikkoortortaq Sanarfinermut Avatangiisinullu Aqutsisoq ataani aaqqissugaavoq. Immikkoortortaqarfik Sanarfinermut Avatangiisinullu Ingerlatsivimmut atavoq.

Akisussaaffigisassat:

Immikkoortumi aqutsisutut, immikkoortup ataatsimut suliaqarnerani sulinerup pitsaassusaata qaffasissuunissaa qulakkiissavat

Suliffimmi avatangiisit pitsaasuunissaat ingerlatsivimmilu immikkoortortanik allanik suliassaqarfiit assigiinngitsut akornanni suleqatigiilluarnissamik qulakkeerinnissinnaanissaat pingaartipparput

Immikkoortortaqarfimmi sulisut sulianik naammassinninnissamut piareersimanissaminnut piginnaasaqarnissaat ikiorneqarnissaallu akisussaaffigissavatit. Immikkoortumi ingerlatsivimmilu tamakkiisumik suliatigut siunersiuisassaatit

Ilaatigut suliassatit makkuussapput:

·Eqqagassalerineq ulluinnarni ingerlaneranik qulakkeerinninneq

·Immikkoortortaqarfiup suliatigut pitsaassusaanik pitsanngorsaaneq aamma ullumikkut avatangiisitigut ajornartorsiutit ajornartorsiutissallu isumagineri kiisalu angerlarsimaffimmit eqqakkat, sanaartornermi eqqakkat, nunap, naggorissaanerup ikuallaanermiillu aamakut tungaasigut ineriartortitsinissaq

·Ulluinnarni pilersaarusiorneq ataqatigiissaarinerlu matumani sulisutsinnik inuttalersuinerup atuinerullu pitsaanerpaanissaanik qulakkeerinninneq ilanngullugu

·Eqqagassat eqqagassalerivimmut tunniunneqartut eqqortumik immikkoortiterneqartarnissaannik qulakkeerinninneq

·Eqqakkanik immikkoortut pioreersut nutaallu iluini suliassanik ineriartortitsissutaasunik eqqakkat pillugit tulleriiaarineq naapertorlugu aallartisaaneq aqutsinerlu

·Siunissamut ungasinnerusumut pilersaarusiorneq: Sulisut sulinissaannik sulinngiffeqarnissamullu pilersaarutinik suliaqarneq

·Piginnaanngorsaaneq: Sulisutsinnut suliffitsinni suliffittalu avataani piginnaanngorsaanernik pilersaarusiorneq

·Innuttaasut saaffiginnissutaat eqqagassalerinermut attuumassuteqartut akissuteqarfiginissaannik isumaginninneq

·Suleqatigiissitani eqqagassalerinermut avatangiisinullu tunngasuni peqataasarneq

·Suliffeqarfiup pisoq aamma inatsisini piumasaqaatit malillugit naleqqussartuarnissaa

Naatsorsuutigaarput:

·Avatangiisinut ilinniagaqartutit, imaluunniit atorfimmut piginnaasaqartitsisumik misilittagaqartutit

·Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.

·Misissueqqissaarisinnaassuseqarputit, aaqqissuussaasumik suleriaaseqarlutit ataatsimullu isiginnissinnaallutit – aammattaaq ulapaarfiusumi

·Suleqatit pilersaarutinik suliniutinillu nutaanik suliaqarnerinik tapersersuisinnaavutit

·Suleqatit piginnaasaasa ineriartortittuaannarnissaannut ikiuerusussuseqarputit piginnaasaqarlutillu

·Suliaqarninni sunniuteqarluartumik aaqqiissuteqarnissamillu siunnerfeqartumik suleriaaseqarnissamik qulakkeerinnissinnaassasutit, avataaniittut qanimut suleqatigalugit

·Soqutigisat tungaasigut akerleriinnermik pilersoqarsinnaanera isumagisinnaavat oqaloqatigiinnikkullu aaqqiissutinik ujartuisinnaallutit

·Qarasaasialerinikkut piginnaasaqarluarputit kiisalu Office 365-imi programmit atorsinnaallugit, matumani Outlook, Word Excelilu ilanngullugit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

Suliffeqarfik uummaarissoq, qasukkarsimaartoq, tamanut inissaqartitsisoq nutaanillu misileraanissamut periarfissaqarluartoq.

Eqqagassalerivimmi innuttaasutsinnut illoqarfinni inoqarfinnilu pitsaasunik atugassaqartitsinissaq anguniagaraarput, taamaaliornermilu ilaatigut nalinginnaanngitsunik iliuuseqartoqartariaqartarpoq. Kommuneqarfimmi avatangiisinut mianerinninneq, kusassaaneq pitsaasunillu atugaqartitsinissaq siuarsarniarlugit suliniuteqartarpugut taamalu Kommuneqarfik Sermersooq amerlanerpaanut najugaqarfigissallugu pitsanngorsaaviginiartarparput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Illoqarfimmi Aqutsisumut Charlotte Pike +299 367882 imaluunniit e-mail: pike@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 880-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 11.-at, 2025

Atorfik una qinnuteqarfigiuk