Utoqqaat Illuat Qanilaarfimmut Sammisassaqartitsinermi sulisussamik pissarsiorpoq

Utoqqaat Illuat sammisassaqartitsivitsinnut Qanilaarfimmut sammisassaqartitsinermi sulisussamik tunniusimasumik pissarsiorpoq. Utoqqaat Illuat Kommuneqarfik Sermersuup utoqqaat illuutaasa ilagaat, Nuummi illoqarfiup qeqqani inissisimasoq.

Illumi pingaartillugit naleqartitat:

Qanilaarneq, suleqatigiilluarneq, ataqqeqatigiinneq, nuannaarneq, tatiginartuuneq attaveqatigiilluarnerlu.

Utoqqaat naleqartitaat ukuupput:

Nuannaaqatigiinneq, Ataqqeqatigiinneq, nuannaarneq, ingutsinnginnissaq inussiarnersuunerlu kissaatigineqarput.

Qanilaarfik pillugu:

Qanilaarfik utoqqalinersialinnut, inunnut innarluutilinnut aamma utoqqaat illuanni najugalinnut ataatsimoorfiuvoq, innuttaasunik suleqateqarluni piginnaasanik attassiniarluni sungiusaanermik, paaqqutarinninnermik, isumassuinermik inooqataanikkullu peqatigiinnermik neqerooruteqarfiulluni.

Suliassat:

∙Sammisassaqartitsinernik assigiinngitsunik atuisunut najugaqartunullu aalatitsiffiusunik, sungiusarfiusunik isumassarsiorfiusunillu pilersaarusiorneq ingerlatitsinerlu

∙Innuttaasut pisariaqartitaat kissaataallu aallaavigalugit sammisassaqartitsiffiusumik ineriartortitseqataaneq

∙Sungiusarnermik/eqaarsaarnermik pilersaarusiornermi pillorissaasoqatigiinnik suleqateqarneq

∙Atuisunik ornittakkamut innersuunneqarsimasunik paaqqutarinninnermi isumassuinermilu peqataaneq

∙Kiserliornermik pinaveersaartitsineq atuisullu inuunerisa pitsaassusaanik tapersersuineq

∙Illumi namminneq kajumissutsiminnik sulisunik suleqatinillu suleqateqarneq

∙Aqutsisoq/tullersorti suleqatigalugu sammisassaqartitsinermi atortunik pisiortorneq

∙Sulisunik atuisunillu ataatsimiisitsinerni peqataaneq

Sulisussarsiorpugut:

∙Ajornanngippat utoqqarnik suliassaqarfiup iluani sammisassaqartitsinernik misilittagalimmik

∙Ajornanngippat assigiinngitsunik suleqateqarnermik misilittagalik

∙Nutaaliorsinnaanermik imaluunniit assassornermut piginnaasalik soqutigisalillu

∙Utoqqarnut innarluutilinnullu tunngasunik soqutigisalik

∙Ammasoq, akisussaassusilik, ataqqinnittoq, nikerartumik sulisinnaasoq suleqatikkuminartorlu

∙Atuisut pisariaqartitai aallaavigalugit sulinermik aaqqissuussisinnaasoq sammisaqartitsinernillu aallartitsisinnaasoq

Neqeroorutigivagut:

∙Ulluinnaat isumaqarluartut allanngorartullu atugarissaarnermik sammisassaqartitsinermillu ukkassiffiusut

∙Suliffik pitsaasoq tunniusimasunik suleqateqarfiusoq

∙Aqutsisunik suleqateqarluni sammisassaqartitsinermik suliassaqarfimmut sunniuteqarnissamut ineriartortitsinissamullu periarfissaqarneq

∙Pingaarnertut ulluunerani sulisutut sapaatip akunneranut akunnerit 40-t suliffiusassapput

Pinerluuteqarsimannginnermut uppernarsaat:

Atorfimmut uunga atatillugu pinerlussimannginnermik uppernarsaammik pissarsinissamik inatsisitigut pisussaatitaavoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissarsiatigut atorfinitsitsinermilu atugassarititaasut:

Kalaallit Nunaanni Namminersorlutik Oqartussat kattuffiullu allap isumaqatiginninniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiliummik atorfinitsitsisoqassaaq.

Inissaq:

Atorfimmut atatillugu inigisassamik innersuussisoqarsinnaanngilaq.

Paasissutissat annertunerusut uannga pissarsiarineqarsinnaapput:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pisortaq Kathrine Lerch-Amondsen, oqarasuaat: +299 36 61 31 imaluunniit e-mailikkut: kler@sermersooq.gl attavigisinnaavat

Qinnuteqaat:

Qinnuteqaat Atorfiup normuanik 1260-25-mik nalunaaqutserlugu aamma ilinniagaqarsimanermut siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: decembarip 22.-at, 2025

Atorfik una qinnuteqarfigiuk