AC-fuldmægtig imaluunniit Specialkonsulent

Kalaallit Nunaanni Aalisarnermut Piniarnermullu Nakkutilliisoqarfimmi IT-mut Nunallu Tamalaat Akornanni suleqatigiinnermut immikkoortortaqarfimmi AC-imik allaffissortumik imaluunniit Siunnersortimik immikkut piginnaasalimmik pissarsiorpoq

Kalaallit Nunaanni Aalisarnermut Piniarnermullu Nakkutilliisoqarfimmi (KANUAPNA) IT-mut Nunallu Tamalaat Akornanni Suleqatigiinnermut immikkoortortaqarfimmi namminerisamik suliniuteqartumik, aaqqissuussamik aamma misissueqqissaarluni sulisinnaasumik suleqatissamik pissarsiorpoq, taanna Kalaallit Nunaanni inuussutissarsiutit pingaarnersaanni aalisarnikkut nakkutilliinermi suliassanik ingerlatsillunilu ineriartortitseqataarusussusermik kissaateqartuusumik. 

Sulinermi suliassat:

• KANUAPNA-p aalisariutinit, pisisartunit, nakkutilliisunit, alapernaarsuisunit aamma nunat tamalaat suleqatigiiffigineqarnerini suleqataasunit paasissutissat katersornerinut ineriartortitsineq, nalilersuinerit aamma malitseqartitsinerit pillugit suliat. 

• Misissueqqissaarnissani atugassatut nalunaarutit ineriartortinneqarnissaat.

• Aalisarneq pillugu aqutsineq, nakkutilliineq aamma alapernaarsuineq tassunga ilanngullugit, pisassiissutit atorneqarnerinut ineriartorneri malinnaavigineri aamma kalaallit aamma nunat allat angallataanni maleruagassat.

• Suliassanik suliarinninneq – soorlu, pisat pillugit uppernarsaasersuinerit, unioqqutitsilluni suliat ingerlanneri il.il..

• Suleriaatsinik nutaanik sulinermilu suliassanik nutaanik pilersaarusiorneq ineriartortitsinerlu.

• Ilitsersuusiornernik suliaqarneq.

• Illup iluani suleriaatsinik sammivilersuinermi allannguutissatut siunnersuusiornernik suliaqarneq aamma kalaallit inatsiseqarnerinut, nunat tamat akornanni pisussaaffinnik atuutsitsilernerit aamma nunani allani aalisarnermi aqutsinerni ineriartornerit malinnaaviginerinut suliaqarnerit.

• Nunat tamat ataatsimeersuarnerini peqataaneq aamma isumaqatigiinnniarnerni.

Piginnaasat

• Inummik inuussutissarsiummut tunngasumik ingerlaqqiffiusumik ilinniagaqartumik pissarsiortoqarpoq. Ilinniagaq uku iluanni assersuutigalugu pisinnaavoq, aalisarneq pillugu teknologi, geografii, IT, paasissutissanik ilisimatooq, naatsersueqqissaartartoq, inuiaqatigiit paasisimasaqarfigalugit ilisimatooq, nunat tamat akorngini aqutsineq, aningaasaqarneq, inatsisilerineq.

• Paasisssutissanik suliaqarnermi atortunik ilisimaqarluartuuneq, pingaartumik Excel, kisianni aamma paasissutissat toqqortuiviinik misilittagaqarneq, SQL aamma GIS pitsaasutut ilisimaqarfigigaanni pitsaaqutaassaaq.

• Misissueqqissaarnerni suleriaatsit pitsaasut aamma pilersaarusiorsinnaanermik piginnaasaqarneq, aalajangiinissamut tunngavilersorluagaasumik tunngavissiissutaasinnaasunik.

• Sulinermi suliassat ingerlanneqarnissaannut akisussaaffimmik tigusisinnaalluni piareersimasoq aamma suliat pitsaasumik suliarineqarnerinik qulakkeerisinnaasoq.

• Sulianut suleqatigisanullu nikeriarsinnaasumik aamma qanilaassusermik sammisumik isumalik.

• Danskisut tuluttullu oqaluttariarsornikkut allattariarsornikkullu oqaasissanik iluarsartuussisinnaassuseqarneq.

• Pisortat allaffeqarfiini suliffeqarfinniluunniit namminersortuni allaffissornermik misilittagaqarneq, tassunga ilanngullugu pitsaaqutaassaaq suliat nalunaarsorneqartarnerinut ingerlatsinerni atortunik ilisimasaqarneq.

• Aalisarnermi naliginnaasumik ingerlatsinermik aamma atortut teknikkikkut piginnaasaannik ilisimasaqarneq il.il. pitsaaqutaassaaq.

• Kalaallit oqaasiinut ilisimasaqarneq pitsaaqutaassaaq.

Naatsorsuutigineqarpoq pitsaasumik suleqatigiinnissuseqarsinnaasuunermik piginnaasaqarneq, suliassat annertunerusumik suliaqarfiit akimorlugit illup iluani, illup avataani aamma aalisarnermi suliaqartut nunat tamalaanit pisut suleqatiginerisigut. Taamatuttaaq naatsorsuutigineqarpoq namminerisamik ingerlasuusutit aamma sulianni suliat ingerlariaqqinnissaannik qulakkeerinnissinnaassuseqartuusutit.

Naatsorsuutigivarput illit, uku:

• Nammineerlutit ingerlasinnaassuseqartuusutit, akisussaaffigisannik ilisimaarinnittutit aamma namminerisamik piumassuseqartuullutit sulianik ingerlatsisuusutit.

• Suliat aaqqissuulluakkamik aamma misissueqqissaarluni suliatut ingerlatsisuusutit.

• Oqaloqatigiiffiusinnaasumik taamaattorli suliffeqarfimmi pimoorussiffiusumi sulerusussuseqarluni kissaateqartutit.

• Suliffeqarfimmi politikkikkut aqutaasumi piumassuseqarluarlutit sulinissannik siunnerfeqartuusutit. 

• Immikkoortortaqarfimmi atassuteqaqatigiinnermi pitsaasumik qiimallutit sunniuteqarsinnaasuusutit.

Aammattaaq, ukua kissaatigerusuppavut

• Kalaallit inuiaqatigiissusianut ilisimasaqartuunerit aamma inuiaqatigiinni pissutsinut paasisimasaqartuunerit.

• Illugiinnik oqaaseqartuusutit kalaallisut/danskisut

Neqeroorutigivarput:

• Atorfik ineriartorfiusinnaasumik periarfissaqartoq.

• Pisariaqartitsineq aamma kissaatit apeqqutaatillugit suliat nikerartut

• Suleqatit tunniusimallutillu piumassuseqartut.

• Suliffeqarfimmi aqutsisut sulisullu akorngini pitsaasumik ammasumillu attaveqaqatigiiffiusoq.

• Ineriartorneq aamma suleqatigiinneq ukkataralugit pitsaasumik peqataatitsisumik sulisoqarnermi atugassarititaqarfiusoq. 

Qinnuteqartunit inuk piukkunnaateqarsinnaasoq ukiunik arlaqartunik misilittagaqarsimappat, atorfinitsitaaneq immikkut naliliiffigineqareerneratigut siunnersortitut immikkut piginnaasaqartutut imaluunniit siunnersortit siunnersortaanerattut atugassarititaqarluni pisinnaassaaq.

Atorfik IT-mut Nunallu Tamalaat Akornanni Suleqatigiinnermut immikkoortortamiippoq.

Atassuteqarfissaq:

Atorfik pillugu paasisaqarnerorusukkuit tikilluaqqusaavutit IT-mut Nunallu Tamalaat Akornanni Suleqatigiinnermut immikkoortortami allaffimmi pisortaq Jacqui Schandorf saaffigissallugu, 

oqarasuaat. +299 34 53 73 imaluunniit e-mail: jacs@nanoq.gl 

Qinnuteqaat

Qinnuteqarnissamut killissarititaq aggustusip 9-at 2026 killeqarpoq. Atorfinitsitsinissaq piaartumik pisinnaappat imaluunniit isumaqatigiissuteqarnikkut.

Pinerluuteqarsimannginnermut uppernarsaat

Atorfinitsitaaneq pinerluuteqarsimannginnermut takutitsisinnaanermik piumasaqaateqarpoq.

Pinerluuteqarsimannginnermut uppernarsaat atorfinitsitsiniarnermut atatillugu aaniarneqassaaq.

KANUAPNA pillugu

Kalaallit Nunaanni Aalisarneq, Piniarneq aamma Pinialunneq pillugit Kalaallit Nunaanni Aalisarnermi- aamma Piniarnermi Nakkutilliisut (KANUAPNA) aqutsillutillu, alapernaallutillu aamma nakkutilliisuupput. KANUAPNA pingaarnertut anguniagarivaa Kalaallit Nunaanni Namminersorlutik Oqartussat aalisarneq- aamma piniarneq pillugit inatsisaat malitsinneqarnissaat qulakkiissallugu; tassunga ilanngullugit maleruagassat nunat illugiillutik aalisarneq pillugu isumaqatigiissutaasa imaluunniit Kalaallit Nunaata nunat tamalaat aalisarnikkut suleqatigiiffigisaanni peqataatillugu atuutsitani malitsitsinissaq. Suliaqarneq Aalisarnermut aamma Piniarnermut Naalakkersuisoqarfik qanimut suleqatigalugu ingerlavoq.

KANUAPNA Nuummi qitiusumik allaffeqarfeqarpoq kiisalu nunap immikkoortuani allaffeqarfiit pingasut, Sisimiuni, Ilulissani aamma Nuummi inissisimasut. Qitiusumi allaffeqarfimmi sulisut 17-iupput taakkua aaqqissugaanerat immikkoortortaqarfinnut sisamanut aggulunneqarsimasuupput: IT-mut Nunallu Tamalaat Akornanni Suleqatigiinnermut, Nakkutilliineq, Aningaasaqarneq aamma HR. Nakkutilliinermut immikkoortortaqarfimmi nakkutilliinermi sulisut aalisarneq pillugu nakkutilliillutik alapernaarsuisut 11-iupput, kiisalu nunap immikkoortuani allaffinni katillugit 17-it aalisarnermi aamma piniarnermi nakkutilliisuusut.

Takuuk aamma www.kanuapna.gl. 

Namminersorlutik Oqartussat pillugit itinerusumik paasisaqassallutit kissaateqaruit, tamanna www.nanoq.gl atorfiit ataanni pisinnaavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut atatillugu inissaqartitsisoqanngilaq. Imaappat qinnuteqaateqartoq qinnuteqaateqarnermi nalaani Namminersorlutik Oqartussat ataanni atorfeqarnermini ineqareersoq, taava atorfimmut atasumik inissaqartitsisoqarnera attatiinnarneqarsinnaavoq. Atorfeqarnermi inissaqartitaaneq sulinermut atatillugu inissiaavoq tassungalu atatinneqassalluni aamma tamanna atorfeqarunnaarnermi qimanneqartussaalluni. 

Qinnuteqaatit nassiuguk, CV, ilinniarsimanermut uppernarsaat- aamma pikkorissarsimanernut uppernarsaatit, kiisalu uppernarsaatit attuumassuteqarsinnaasut allat ilannguteriarlugit ”qinnuteqaat nassiuguk” toorneratigut. Qinnuteqaatinik e-mailikkut nassiussanik tigusisanngilavut.