KNI A/S ingerlatsinermut tekniker-imik pissarsiorpoq

Kalaallit Nunaat tamakkerlugu KNI-p ikummatissaataasiviata tankiisa isumaannaatsumik pitsaasumillu ingerlanneqarneran-nut suleqataarusuppit?

Ingerlatsinermut teknikeritut teknikkikkut ingerlatsinermi, paasissutissat pitsaassusaannik qulakkeerinnin-nermi allagartaliornermi kiisalu uninngasuutinik aningaasaqarnermilu malitseqartitsinermi pingaarutilimmik inissisimassaatit. Atorfimmi illoqarfinni nunaqarfinnilu ingerlatsivinnut akuttunngitsumik angalasarnissaq ilaavoq.

Akisussaaffissatit

Suleqatit nunatsinni tamaneersut qanimullu suleqatigisartakkat suleqatigalugit nutartigassat aserfallatsaa-liugassallu pilersaarusiorneqarnerinut suliarineqarnerinullu akisussaaqataassaatit.

Ingerlatsinermut tekniker-ip ingerlatsinermi pisortaq qaninnertut aqutsisorissavaa.

Pingaarnertut suliassatit makkuussapput:

• Atorfimmut atatillugu piffissap ilaatigut angalangaatsiartarnissaq naatsorsuutigineqassaaq.

• Uuttortaanermit paasissutissanik, uninngasuutinik nikerartitsinernik qaammammullu naatsorsuu-tinik suliarinninneq pitsaassusaannillu qulakkeerinninneq.

• Tankit ingerlanneqarnerannik aserfallatsaalineqarnerannillu tapersersuineq kiisalu teknikkikkut pissutsinik nikingassutinillu malitseqartitsineq.

• Ingerlatsivinnut nalunaarsuutit, teknikkikkut allagartat suleriaatsillu nutartertuarnissaat.

• JET A-1-imut allagartanik, akuersissutinik, misissueqqissaarnernik ulorianartunillu assartuinermut tunngasunik ataqatigiissaarineq.

• Aserfallatsaaliinermut suliassanik, fakturanik kiisalu kingoraartissanik atortussanillu pisinernik malit-seqartitsineq.

• Ingerlatsivinnik nakkutilliineq najukkamilu suliffeqarfiup iluani immikkoortunut teknikkikkut ikiuineq.

Piginnaasassatit:

• Teknikkikkut attuumassuteqartumik ilinniagaqarsimassaatit, tek-nikkikkullu ingerlatsivinnik ingerlat-sinermik aserfallatsaaliinermillu misilittagaqaruit iluaqutaassaaq. Paasissutissat, allagartat allaffis-sornermilu suliassat aaqqissuussamik suliarisinnaavatit.

• Uuttortaanermit paasissutissanik, uninngasuutinik aqutsinermik teknikkikkullu allagartanik ilisimasa-qarneq.

• Uuliamik nioqqutissanik, JET A-1-imik, ATEX-imik, ulorianartunik assartuinermik teknikkikkullu isu-mannaallisaanermik ilisimasaqaruit iluaqutaassaaq.

• IT-mik, ilaatigut Excelimik allaffissornermilu qarasaasiatigut aaqqissuussinernik, pitsaasumik atuisin-naaneq.

• Namminersorluni, aaqqissuussamik aaqqiissutissarsiornermillu suliaqarsinnaaneq.

• Suleqatiginninnermik ataqatigiissaarinermillu piginnaaneqarluarneq kiisalu angalasarnissanut eqaat-sumik pisinnaasoq.

 Atorfinittussamut neqeroorutigaagut:

• Piginnaasat naapertorlugit immikkut isumaqatigiissuteqarnikkut akissaateqartitsineq.

• Atorfik tamatigoortoq akisussaaffittalik.

• Teknikkip, ingerlatsinerup, allaffissornerup, aningaasaqarnerup isumannaallisaanerullu iluanni atta-veqarfippassuit.

• Kalaallit Nunaanni uuliamik nioqqutissanik isumannaatsumik ingerlatsinermut pilersuinerullu tutsu-iginartuunissaanut peqataaneq.

Apeqqutissaqaruit ingerlatsinermi pisortaq Gerth J. Storer saaffigisinnaavat mailerfigalugu uunga gjs@kni.gl, imaluunniit mobilianut sianerlutit uunga +299 48 51 77.

Qinnuteqaat

Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattuk-kanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreer-simassavarput kingusinnerpaamik ulloq 20. november 2026.

 Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

 Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi kiisalu Kangerlussuarmut timmisartunut mittarfimmut avammut avataaniillu attaveqaatit eqiteruf-fiannut inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqar-pugut, ukiumullu 2,5 mia. kr.-it pallillugit kaaviiaartittarlutigit.