Allaffimmioq Kontorfuldmægtig-imut paarlatsi Angerlarsimaffik Ivanermut

Paarlatsitut sulilerfissaq 31 oktoberi 2025 til 30 juli 2026

Paaqqinnittarfiup piginnittaasa paasissutissartai

Peqqissutsikkut ajunngitsumik ineriartuutilinnut ulloq unnuarlu meeqqat 0-17 ukiulinnut najugaqatigiiffiat Angerlarsimaffik Ivaneq Namminersorlutik Oqartussanit pigineqarpoq aamma aaqqissuussaaneq naapertorlugu Isumaginninnermut Aqutsisoqarfiup ataani inissisimasuulluni.

Suleqatigiiuvugut ineriartortitsinermik suleqatigiilluarnissamik ineriartornermillu ingerlariaqqiffiusunik pingaartitsisut, suliffimmik pitsaasumik najoruminartumik minnerunngitsumillu najugartunut najoruminartuunissamik pingaartitsillutik suliniuteqartartut.

Atorfimmut tunngasoq:

Ujarlerpugut inuk qiimasoq nuaannaartoq ineriartortitseqataanissaminik soqutiginnittoq suleqatigiilluarnissamik pingaartitsoq, sullissilluarnissaminik soqutiginnittoq, sulianik arlalinnik suliassaqartilluni sulisinnaasoq.

Allaffissornermi suliassat assigiinngitsut suliarisassavatit, soorlu suliassavit pingaarnertut uku suliarisassavatit:

• Iris-imut ikkussugassat

• Kommunet akiligassaai isumagalugit

• Qaammammoortut ukiumoortullu inaarusersorneri

• Aningaasartuutinut tunngatillu Pisortamut siunnersuuteqartarnissaq

• Atorfinittunut soraartunullu allaffissornikkut nalunaarusiornerit

• Aningaasartuutinut nalunaarsuineq

• Konto-nik killiffissiunerit

• Kisitsisilerinermi immersugassat immersorneri

• Pigisat nalillit nalunaarsorneri

• Angalasoqarsimatillugit ullormusiassat isumagineri

• Sulisut sulinerisa tiimit naatsorsorlugit nalunaarsorneri

• Najugaqartut atisarsinniarnissaanut kaasarfimmiussaalu pisortap aliangersagaai sinaakkutaalu maleruagassat malillugit suliassat suleqatiginnilluni suliarineri.

Naatsorsuutigaarput:

• Allaffimmiutut kontorfuldmægtitut assigisaanillu ilinniagaqarsimasuunissat.

• Sulisoq aalajaatsoq inuunermik nuannarisalik, qiimasoq, inerisimasoq inoqatinut ajunngitsumik isiginnittaasilik, meeqqanut inuusuttunullu pisariaqartitsisunik paasinnissinnaasoq.

• Ulapaarfiup nalaani eqqissisimalluni ineriartortitsillunilu sullissilluarsinnaasoq.

• Allaffissornikkut misilittagalik, suliassanullu allassimasunik ilisimasalik.

• Iris-imik suliaqarsinnaasoq.

• Oqaloqatikkuminartoq Kalaallisut Qallunaatullu oqalussinnaasoq.

• Aaqqissuussaalluartumik torersumillu sulisinnaasoq, akisussaaffimmillu eqqummaarisinnaasoq.

• Suliassanut nutaanut ilikkasassanullu ineriartoqqinnissamullu soqutiginnittoq.

• Qullersaqarfimmi suleqatissat, aningaasaqarnermullu immikkoortortaqarfimmi sulisut pisortaq peqatigalugu suleqatigiilluarnissamik pingaartitsisoq.

• Uagut neqeroorutigaarput:

• Suliffik pissangarnartoq suliassat allangorarsinnaasut suleqatigiilluarnissamillu ineriartorfiusumillu suliffimmillu najoruminartuunissaanik pingaartitsut.

• Inuttut ineriartornartunik allaffissornikkullu ilisimaligassanik ineriartorfiusoq.

• Suleqatit aalajaatsut ikioqatigiittullu suleqatigilernissaai.

• Suliffik ilinnut soqutiginaateqarpasippa?

• Suliffik soqutigigukku innersuussutigaarput qinnuteqaatit tuaviortumik suliffikunniillu oqaaseqaatit ilanngullugu nassiutipallassagitit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk