⚓ Angerlarsimaffimmut Pilutaq suleqammik tamatigoortumik, umiatsiamik qamuteralannillu angalanermi misilittagalimmik pissarsiorpoq.

Atorfininneq: Decemberip aallaqqaataani imal. sumaqatigiissuteqarnikkut.

Pinngortitaq atorfillu ataqatigiisillugit nivissanik toqqissisimanermik kiisalu inersimasunik aalaakkaatsunik pisariaqartitsisuni allanngueqataallutit suliffeqarusuppit?

Sisimiuni Angerlarsimaffimmi Pilutami umiatsiarsinnaasumik, qamuteralassinnaasumik aamma illumi ikiuussinnaasumik suleqatissarsiorpugut ullut tamaasa nutaanik suliaqarsinnaasumik, kiisalu isumalinnik misigisassarsiornissaminik suliaqarnermik nuannarisaqartumik.

Uagut pilluta

Pilutaq ulloq unnuarlu angerlarsimaffiuvoq Isumaginninnermut, Ilaqutariinnermut Inatsisit atuutsinneqarnerinut Naalakkersuisoqarfiup ataaniittoq.

Tamaani niviarsiaqqat 11-17-inik ukiullit najugaqarput nunattalu tamalaaninngaanneerlutik. Amerlasuut inuunerminni sumiginnagaaneq misigisarsimavaat, taamaammat inersimasunik toqqissisimatitsisunik, aalaakkaasunik qanilaartunillu pisariaqartitsisuullutik.

Perorsaanikkut paasinninneq, nukissanik samminninnermik naligiimmillu pinnittumik sullitanut periuseraarput.

Suliffitsinni aaqqissugaaneq isumassuinerlu ataqatigiissumik suliaqartuuvugut, pinngortitaq ataatsimuussuserlu niviarsiaqqat ineriartorneranni pingaarutilimmik inissisimasuullutik.

Suliassatit

• Asiarnerni, suliniuteqarluni angalanerni aammalu assartuilluni suliaqarnerni umiatsiamik angalaneq
• Ukiuunerani suliassanik qamuteralannik aqqussuinissamik suliaqarneq
• Atortut, angallatit qamuteralaallu aserfallatsaalineri
• Pisariaqartillugu nivissat suleqatillu sammisani angalaarnerni peqatigalugit
• Ulloq unnuarlu angerlarsimaffimmi ikiuunneq, soorlu sulianut naleqquttunut imaluunniit umiatsiartoqassatinnagu assartugassaqassatinnagulu nivissat peqatigalugit

Takorloorparput illit

• Angallassinissamut akuersissuteqartutit minnerpaamik inunnut 12-inut
• Umiatsiarnermik qamuteralannermillu misilittagaqartuusutit
• Sullarissuusutit, akisussaassuseqartuusutit eqinnaattuusutillu
• Suleqatinik qanimut suleqateqarsinnaasuusutit kiisalu suliassaqarfimmut piumassuseqarlutit qanilaassuseqarlutillu avatangiiseqarlutit suleqataasinnaasutit
• Tatiginartuusutit, aalaakkaallutillu uummatigissaartutit
• Toqqissisimanermik, qiimanermik ataqqinninnermillu aallaavilimmik nivissanut suleqatinullu avatangiiseqartitseqataasinnaasutit

Neqeroorutigaagut

• Suliffik isumalik allanngorartorlu, kiisalu allanngueqataaffiusoq
• Suliatigut ataatsimoorfiusumik tunniusimanermilu suleqatigiiffik tapersersueqatigiiffiusoq
• Sulininni piginnaasavit atorsinnaaneri, taavalu suliffimmi perorsaanermik qitiusumik ingerlatsiffiusumi avatangiiseqarsinnaaneq
• Oqilisaassilluni oqaloqatigiinneq suliatigullu avitseqatigiinneq
• Suliffik ilinnik takunnittoq, tusaasoq naleqartitsisorlu

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat

• Piffissaq suliffiusoq: Sapaatip akunneranut nalunaaquttap akunneri 40-t
• Atorfininneq Isumaqatigiissuteqarnikkut.
• Pineqaatissinneqannginermut meeqqanillu pinerliisimannginnermut allagartat: Inatsisit naapertorlugit atorfininnginnermi pissarsiarineqariissapput
• Qinnuteqarnissamut piffissarititap naanera: Novemberip 24-iat 2025
• Attaveqaat: Pisortaq Miacecilia Munch Ingemann
• 📧 E-mail: forst@pilutaq.gl
• 📞Oqarasuaat: +299 58 03 32

Uagutsinni pinngortitaq ulluinnaat ilagaat, ataatsimoornerlu qitiulluni. Kiffaanngissuseqarnermik qanilaarnermillu nuannarisaqartuuguit, uagutsinni Pilutami tulluartuuvutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk