Apisseq igaffimmi ikiortimik pissarsiorpoq

Apisseq igaffimmi ikiortimik pissarsiorpoq

Apisseq meeqqerivik 69-nik meeraatilik, igaffimmi ikiortitut ilinniagalimmik pissarsiorpoq.

Apisseq marlunnik initalimmik meeraaqqervittaqarpoq, taakkunani 24-kkaartunik, aammalu meeqqerivittaa pingasunik initalik, 45-kkaarlugit meerartallit. Apisseq meeraaqqerivittaani init marluupputukioqatigiiaarlutik, meeqqerivittaanilu ukioqatigiiaat agguarsimallutik 3-4-nik ukiullit, 4-5-nik ukiullit kiisalu 5-6-nik ukiullit

Meeqqeriviup siunertaa:

∙Meeqqat ullut tamaasa avatangiisini qanilaartuni toqqissisimallutik misigisimanissaat.

∙Apisseq suliffiuvoq nuannersoq, periarfissatigut suleqatigiiffiusoq.

∙Apisseq ulluinnarni ataasinngornermiit tallimanngornermut nal.07.00 – 17.00 ammasarpoq.

Naatsorsuutigaarput:

∙Igaffimmi ikiortitut ilinniagaqartuusutit.

∙Ammasuusutit, angajoqqaanik sulisunillu suleqatiginnissinnaassusilik.

∙Pilersaarusiorsinnaasoq nammineerlunilu sulisinnaasoq.

∙Unneqqarissoq suliassaminullu ilisimaarinnittoq

∙Nerisassiornermut nuannarisalik

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Apisseq makkunannga neqerooruteqarpoq:

∙Angajoqqaat sulisullu suleqatigiilluartut

∙Sulisut aalajaatsut

∙Pinngortitamut qanittoq

∙Paaqqinnittarfik nuannersoq

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Jesper Andersen, oqarasuaat +299 36 68 20 imaluunniit e-mail: jean@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 694-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 21.-at, 2025

Atorfik una qinnuteqarfigiuk