CHIEF COMMERCIAL OFFICER

CCO-tut Royal Arctic Linemi qullersat suleqataaffigilissavatit, niuernikkut periusissianut, tuniniaanermut, suliffeqarfiup ineriartortinneqarneranut sullitanillu sullissinermut akisussaasuullutit. Sammivissanik aalajangersaasassaatit suliffeqarfillu akimorlugu iliuuseqarnikkut piviusunngortinneqarnissaat qulakkeerlugu.

Periusissiatigut isiginnittaaseqarneq niuernikkullu iliuuseqarsinnaassuseqarneq ataatsimoortissinnaassavatit, inunnillu aqqutissiuussinikkut angusaqarsinnaassallutit. Taarsiullugu suliffeqarfiup, inuiaqatigiinni pingaaruteqarnerata attaveqaasersuutillu pingaarutillit akornanni inissisimasumi qitiusumik inissisimassaatit.

Akisussaaffigisassatit

CEO-mut toqqaannartumik nalunaaruteqartassaatit, suliffeqarfiullu sullitanut tuniniaanermullu tunngasunik suliaqarfiini aammalu aaqqissuussaanermi taakkununnga attuumassuteqartuni aqutsinermut siammasissumik akisussaassuseqassallutit.

Suliassavit pingaarnersaraat Royal Arctic Linep niuernikkut inissisimanerata nukittorsarnissaa periusissiallu angusassatut uuttorneqarsinnaasutut piviusunngortinnissaat.

Makku akisussaaffigissavatit:

• niuernikkut sammivissanik aalajangersaaneq kaaviiaartitatigullu aamma iluanaarutitigut angusaqarnissaq qulakkeerlugu

• imaatigut assartuussinermi, suliniutinik tuniniaanermi kiisalu piffissami aalajangersimasumi umiarsuarnik attartortitsinermi niuernikkut periarfissanik nassaartorneq piviusunngortitsinerlu

• Key Account Managementip ineriartortinnissaa sullitanillu pingaarutilinnik, agentinik suleqatigisartakkanillu attaveqarnerit nukittorsarnissaat

• pitsaassuseq aallaavigalugu sullissinikkut sullitanillu oqaloqateqartarnikkut sullitat naammagisimaarinninnerannik qaffassaanissaq

• tuniniaanermut, assartukkat annertussusiinut, isertitanut missingiutinullu tunngatillugu paasissutissat tunngavigalugit malitseqartitsisarnerup qulakkeernissaa

• niuernikkut aaqqissuussaanerup ineriartortinnissaa aamma aqutsisut sulisullu aqqutigalugit angusaqarnissaq

• Royal Arctic Linep periusissiaata tamarmiusup suleqataaffiginissaa aamma niuernikkut ineriartortitsineq ingerlatsinermilu suliat imminnut ataqatigiinnissaat qulakkeerlugu

• CRM-ip ineriartortinneqarneranik ingerlatsineq sullitanullu aamma niuernermut tunngasunik paasissutissanik atuinikkut suliffeqarfiup niuernikkut inissisimaneranik nukittorsaanissaq

• TMS-ip aamma suliffeqarfiup systemiisa allat, niuernikkut ingerlatsinernik sullitanillu sullissinermik ikorfartuisuusut ineriartortinneqarnerannut sunniuteqarluartumillu atorneqarnissaannut suleqataaneq

Ingerlatsinermut, IT-mut, aningaasaqarnermut, attaveqaqatigiinnermut nittarsaassinermullu immikkoortortaqarfiit qanimut suleqatigissavatit, sullitanullu, agentinut suleqatigisartakkanullu attaveqarluartassallutit.

Sammivissanik aalajangersaassaatit aaqqissuussaanerlu peqataatillugu

Tuniniaanermik pikkoriffeqaannanngilatit – aamma niuernikkut aqutsisuuvutit.

Niuerfimmi periarfissanik takunnissinnaavutit, suliniutissanik pingaarnersiuisinnaallutit naammassisaqartitsillutillu. Periusissiatigut aalajangiinerit ulluinnarnilu niuernikkut ingerlatsinerup akornanni isumannaatsumik ingerlasinnaavutit.

Angusat aningaasaqarnermilu pissutsit aaqqissuussaasumik sulissutigisarpatit, piffissarlu ungasinnerusoq eqqarsaatigalugu naleqarnerulersitsinissamut sullitanut attaveqarluarnissap suliffeqarfiullu suliassanik naammassinninnissaata pisariaqarnerat ilisimaaralugu.

Aqutsisutut erseqqissumik peqataatitsisumillu suleriaaseqarputit. Erseqqissunik piumasaqaateqartarputit, malitseqartitsisarlutit pitsaasumillu siunertaqartumik unammillertarlutit. Peqatigisaanillu inunnik ineriartortitsissaatit anguniakkanullu ataatsimoorussanut peqataatitsissallutit.

Tunuliaqutarisatit

Niuernermut aqutsinermullu tunngatillugu tunuliaqutaqarluassaatit, ajornanngippat shippingimik, assartugalerinermik, assartuussinermik imaluunniit suliffeqarfimmik allamik aaqqissuussaanikkut pisariusumik misilittagaqarlutit.

Shippingip iluani imaluunniit assartugalerinermut tunngasumik ilinniagaqarsimaneq minnerpaamillu ukiuni qulini attuumassuteqartumik misilittagaqarneq tunuliaqutaalluassaaq. Ilinniakkatigut inuussutissarsiornikkullu allatigut naleqquttunik tunuliaqutaqartut aamma tikilluaqquagut.

Immikkut pingaartitavut tassaapput:

• aqutsinermik annertuumik misilittagaqarneq niuernikkullu paasisimasaqarluarnerup uppernarsarsinnaanera

• periusissianik ingerlatsinermi iliuusinngortitsisinnaaneq

• misissueqqissaarinermut piginnaasaqarluarnissaq aningaasaqarnermullu tunngasunik paasisimasaqarluarnissaq

• tuniniaanermik, isumaqatiginninniarnermik sullitanillu attaveqarnermik ineriartortitsinermik misilittagaqarneq

• erseqqissumik, tatiginartumik sunniuteqarluartumillu attaveqarsinnaaneq

• anguniagaqarluni, aaqqissuussaasumik aalajangiusimannittumillu suleriaaseqarneq

• suliaqarfiit assigiinngitsut aaqqissuussaanermilu immikkoortut assigiinngitsut akimorlugit angusaqarsinnaaneq

• Nunatsinni pissutsinik, sullitanik inuussutissarsiornermillu paasisimasaqarnissaq.

Tamatuma saniatigut danskisut tuluttullu oqalussinnaallutillu allassinnaassaatit. Kalaallisut oqaatsinik piginnaasaqarneq iluaqutaassaaq, piumasaqaataanngilarli.

Niuernermut akisussaaffik inuiaqatigiinnut pingaarutilik

Royal Arctic Linemi suliffeqarfiup ineriartortinneqarneranut sullitallu misigisaannut toqqaannartumik sunniuteqarsinnaassaatit. Suliffeqarfimmi Nunatsinnut annertuumik pingaarutilimmi aqutsinermut siammasissumik akisussaaffeqassaatit.

Periusissiornermik, niuernikkut pitsanngorsaanermik aningaasaqarnikkullu aqutsinermik aammalu pisortat namminersortullu akornanni soqutigisaqaqatigiinnik attaveqarnermik suliaqartassaatit – tamakku atorfiup ineriartortinneqarnerani qitiusumik suliassaapput.

Suliffeqarfiup pisortanit pigineqartup ilaatut niuernikkut naleqarnerulersitsinissaq suliffeqarfiullu inuiaqatigiinni inissisimaneranik paasinninneq ataatsimoortissavatit.

Atorfik niuernermut pisortatut nalinginnaasumik akisussaaffimmit annertunerusumik akisussaaffeqarnissamik kissaateqartumut aalajangiinernillu pisariusunik soqutigisaqaqatigiinnillu amerlasuunik suleqateqarnissamik kiisalu piviusumik allanngueqataasinnaanermik nuannarisaqartumut tulluuppoq.

Atorfik pillugu apeqqutit

Atorfik pillugu apeqqutissaqaruit CEO Niels Clemensen oqarasuaatikkut +299 34 91 11-mut imaluunniit e-mailikkut NIC@ral.gl-imut attaveqarfigisinnaavat.

Qinnuteqarnissamut killigitinneqartoq tassaavoq ataasinngorneq 23. novembari 2026. Oqaloqatiginninnerit qinnuteqarnissamut killigititap qaangiunnerata kinguninngua ingerlanneqassapput.