Business Controller

Aningaasaqarnermut immikkoortortaqarfitsinni sulilerit aningaasaqarnikkullu aqutsineq nukittooq suleqataaffigalugu!

Royal Arctic Linemi tunniusimasumik misissueqqissaarillaqqissumillu Business Controllerissarsiorpugut, aningaasaqarnikkut aqutsinermik naleqarnerulersitsisussamik qulakkeerinneqataasinnaasumik. Nalunaarusiortarnermut, missingersuutinik ingerlatsinermut ingerlatsinermilu malitseqartitsisarnermut aammalu suliffeqarfiup aningaasaqarnikkut paasissutissaataanik misissueqqissaarnermut atatillugu qitiusumik inissisimassaatit, aammalu suliffeqarfiup iluani niuernikkut ingerlaatsinik pitsanngorsaanissaq suleqataaffigalugu.

Royal Arctic Line nunatsinnut nunatsinniillu aamma nunatsinni illoqarfiit nunaqarfiillu akornanni nassiussanik imaatigut kisermaassilluni assartuinissamut akuersissummik Namminersorlutik Oqartussanit tunineqarpoq. Umiarsuaatileqatigiiffik taamaalilluni nuna tamakkerlugu pilersuinernik qulakkeerinnittussaalluni inuiaqatigiit kalaallit inuuniarnerannut pingaaruteqarluinnarpoq.

Royal Arctic Linemi Aningaasaqarnermut immikkoortortaqarfik suliffeqarfiup aningaasaqarnikkut patajaatsumik sunniuteqarluartumillu ingerlanissaata qulakkeernissaanut qitiusumik inissisimavoq. Aaqqissuussaaneq tamaat akimorlugu suliaqartarpugut, aningaasaqarnermik aqutsineq eqqoqqissaartoq paasissutissatigullu ilisimasat tunngavigalugit periusissiatigut aalajangiussat ikorfartorniarlugit. Ingerlatsinermi ingerlaatsinik digitalinngortitsineq namminerlu ingerlasinnaasunngortitsineq annertuumik aallutarivagut, taamaaliornikkut immikkoortortaqarfiit allat naleqarnerulersitsinissamik ukkataqarsinnaanngortillugit suliassaqarfimminnillu nukittorsaasinnaanngortillugit.

Akisussaaffeqarfigisassatit:

• Missingersuusiornermut ingerlatsinermilu missingersuutinut malitseqartitsinermut suleqataaneq
• Kisitsisini ingerlatsinermilu ingerlaatsini nikingasoqarneranik misissueqqissaarineq pitsanngorsaatissatullu inassuteqaatinik suliaqarneq
• Qaammammoortumik, kvartalimoortumik ukiumoortumillu naammassinninnerit suleqataaffigineri
• Aningaasaqarnikkut ingerlaatsinik suliffeqarfiullu iluani nakkutilliinernik pitsanngorsaaneq pitsaassutsimillu qularnaarineq
• Ingerlatsinermi ingerlaatsini ammasumik suleriaaseqarnissaq paasissutissallu pitsaasuunissaat qulakkeerniarlugu immikkoortortaqarfinnik allanik suleqateqarneq
• Aqutsisunut paasissutissanik ineriartortitsineq, tamatumunnga ilanngullugit ingerlatsinermi suliallit suleqatigalugit aningaasaqarnermut dashboardsinik suliaqarneq

Ilisarnaatitit: 

·Inuussutissarsiornikkut aningaasaqarnermi/aningaasaqarnermik aqutsinermi bacheloritut kandidatitulluunniit qaffasissusilimmik naleqquttumik ilinniagaqarputit imaluunniit assingusumik ilinniakkatigut tunuliaqutaqarlutit.

• Misissueqqissaarineq piginnaasaqarfigilluarpat paasissutissanillu suliaqarneq sungiusimallugu
• Power BI aamma Excel paasisimasaqarfigivatit
• Aaqqissuulluakkamik eqeersimaartumillu suleriaaseqarputit ataatsimullu isiginnissinnaassuseqarlutillu immikkuualuttunik tappiffigisaqarlutit
• Attaveqaqateqallaqqissuuvutit soqutigisaqartunillu assigiinngitsunik suleqateqarsinnaallutit
• Naleqarnerulersitsinissaq anguniarlugu ingerlaatsinik pitsanngorsaanissaq iluarsaassinissarlu nuannarivatit

Neqeroorutigaagut:

Suliffeqarfimmi Kalaallit Nunaanni inuiaqatigiinnut annertuumik pingaarutilimmi atorfik soqutiginartoq.

Aningaasaqarnikkut ajornartorsiutinik pisariusunik suliaqarnissamut aammalu suliatigut piginnaasavit ineriartortinnissaannut periarfissaqarneq.

Suliffeqarfik allanngorarfiusoq ineriartortitsinermillu, nutaaliornermik suliatigullu siunersiueqatigiinnissamik ukkataqartoq.

Sulinermi atugassarititaasut eqaatsut suleqatigiillu nukittuut ilisimasanik avitseqatigiinnissamik suleqatigiinnissamillu ukkataqartut.

Paasissutissat sukumiinerusut:

Atorfik pillugu paasisaqarnerorusukkuit Business Proces-imi aqutssoq, Uiloq Schmidt uisc@ral.gl

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

Atorfininneq: Piaartumik, qinnuteqartorli uagutsinnut tulluarneq utaqqisinnaavarput.

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

Qinnuteqarnissamut killissarititaasoq: juunip 6.-at, 2025

Atorfik una qinnuteqarfigiuk