HR-imi ineriartortitsinermi suleqatissaq – Inuit aaqqissugaanerlu aqqutigalugit naleqalersitsigit

Kalaallit Nunaanni pisortat ingerlatsivii nutaaliaasut piujuartinneqarsinnaasullu ineriartortinnissaannut peqataarusuppit? Aqutsisunik ineriartortitsinermik, aaqqissuusaanermik allannguinermik HR-imilu periutsinik misilittagaqarpit - suliffeqarfimmilu pisariusumi suliassatigullu siammasissumik suliaqarfiusumi sulilluarsinnaavit?

Taava illit immaqa tassa Naalakkersuisut Siulittaasuata Naalakkersuisoqarfiani HR-imi ineriartortitsinermi suleqatissarput.

Atorfik pillugu

HR-imi ineriartortitsinermi suleqatigisatut Kalaallit Nunaanni Namminersorlutik Oqartussani aqutsineq, ingerlalluarneq, attuumassuteqarneq piginnaasatigullu ineriartorneq nukittorsarnerannut qitiusumik inissisimassaatit. Suleqatigiit tunniusimalluinnartut piginnaanngorsaanernik, atorfinittitsisarnernik naalaakkersuisoqarfiit aqutsisoqarfiit akornanni attaveqarnermik atugarissaarnissamillu suliaqartartut suleqatigissavatit.

Suliassanik aalajangersimasumik akisussaaffigisannik suliaqartassaatit tamatuma saniatigut suliniutinik ineriartortitsinissamut tunngassuteqartunik Namminersorlutik Oqartussat tassunga tunngatillugu tamakkiisumik periusissiaat naapertorlugu suliarineqartartussanik suliaqartarnissamik periarfissaqassaatit. Ilutigisaanik suliffigisanni pisortanut immikkoortortanullu siunersiueqatigisartakkatut ilitsersuisartutullu suliaqartassaatit.

Suliassatit pingaarnerit

• Suliniutinik attaveqarnermut, atugarissaarnermut pitsaasumillu aqutsisarnernut tunngassuteqartunik ineriartortitsineq pilersitsisarnerlu.

• Namminersorlutik Oqartussani naalakkersuisoqarfinni aqutsisoqarfinnilu allani HR-imi ineriartortitsinermi suleqatigisatut sulineq

• Suliniutinik HR-imut tunngassuteqartunik ingerlatsineq tamatuma saniatigut susassaqarfiit akimorlugit aqutsinermi periusissanik najoqqutassanillu ineriartortitsineq

• Siunissaq ungasinnerusoq isigalugu piginnaasalinnik pissarsiortarnissanut nittarsaassisarnerni, sulisussarsiortarnerni sulisullu suliffimminni aallartiluartarnissaanut peqataaneq

• Pisortat sulisullu atugassaanik workshops-ertitsisarneq, attavissarsiortarneq piginnaasassanillu nutaanik atuutilersitsisarneq

 Piginnaasassatit

• HR-imut tunngatillugu suliffimmilu ineriartortitsisarnernik pisortanillu ikorfartuisarnermik misilittagaqarneq

• Periaatsinik pitsaasunik tamatigoortunillu ilisimasaqarneq

• Attaveqarfigisartagassanik pissarsiullaqqissoq, suliaminnut suliaqartunut akimorlugit suleqatigiinnermik pilersitsillaqqittuusutit

• Akisussaassuseqartoq, isumassarsiullaqqissoq suleqatigiinnissamillu pingaartitsisoq

• Suliffeqarfimmi politikikkut aaqqissugaasumi nammineerlutit suliaqarsinnaallunilu piginnaasaqarneq

• Periusissiorsinnaassusilik misissueqqissaarillaqqissoq - oqaluttariarsorluni allattariarsorlunilu attaveqallaqqissoq

Makku piginnaasaqarfigigukkit iluaqutaassaaq

• Inuiaqatigiinni kalaallini pissutsinik kulturianillu ilisimasaqarneq

• Kalaallisut danskisullu piginnaasaqarneq

• Ilinniartitsinermik, ajunnginnerulersitsisarnermik sulianillu aqutsinermik misilittagaqarneq

Neqeroorutigaavut

Allaffimmi ineriartortitsiviusumi atorfik pingaarutilik, suliffimmi sunniuteqarnissamut periarfissalik sulianut tunngatillugu inuttullu ineriartornissamut periarfissaqartitsisut. Suleqatigiit tunniusimalluinnartut, suliassaminnik pimoorussisut suleqatigilluartullu suleqatigissavatit.

Namminersorlutik Oqartussani siunissami suliffiulersussamik ineriartortitseqataarusuppit? Taamaappat tusarfiginissat qilanaaraarput!

Atorfinitsitsineq

HR-siunnersortip 1. marts 2026 atorfininnissaa kissaatigineqarpoq imaluunniit allatut isumaqatigiissuteqarnikkut.

Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.

Qinnuteqarfissamut killigititaq

Qinnuteqaat CV-imik aamma soraarummeersimanermut uppernarsaatit ilanngullugit link ataaniittoq aqqutigalugu nassiunneqassaaq kingusinnerpaamik 5. januar nal. 12.00. Qinnuteqaatinik e-mailikkut nassiussanik tigusineq ajorpugut.

Qinnuteqarnissamut piffissarititaasumit sapaatip akunnera ataatsip qaangiunnerani atorfinitsitsinissamut atatillugu oqaloqatiginninnerit ingerlanneqassapput.

Apeqqutit qinnuteqaallu

Atorfik pillugu apeqqutissaqaruit allaffimmi pisortaq Aviaja Sinkbæk maili una atorlugu avsn@nanoq.gl, attavigisinnaavat imaluunniit oqarasuaat una aqqutigalugu +299 34 64 16

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk