Ilinniagaqarnersiuteqartitsivimmi Allaffimmi Pisortaq

Namminersorlutik Oqartussani suliffik toqqissisimanarnerpaaq ingerlateqqillugu suliffigilerusuppiuk?

Massakkut immikkuullarissumik periarfissaqalerputit atorfik allagarsiunneqarpiarneq ajortumut qinnuteqaammik nassiussinissannik suliffimmullu toqqissisimanartumut pinissannik, taamaalillutillu Ilinniagaqarnersiuteqartitsivimmi sulinerup ingerlaannarnissaanik qulakkeerinninnissamik periarfissaqalerlutit.

Ilinniagaqarnersiuteqartitsivik ingerlatsiviuvoq ataasiakkaanik allaffimmi pisortalik, akademikerilik, økonomisk konsulentilik, aammalu marlunnik uddannelseskonsulentilik, ilinniagaqarnersiutinik tassungalu tunngasunik tamatigoortunik allaffissornikkut ingerlatsiviusoq, taamatuttaarlu ilinniarfeqarfiit ilinniagaqarnersiutinik tassungalu tunngasunik allaffissornerini tapersersuilluni kukkunersiuillunilu ingerlatsiviusoq.

Kontorchefi ulluinnarni sulisunut sisamanut pisortaavoq, ilaannilu aamma praktikanteqarnerni tassunga aamma pisortaasarluni.

Tamatuma saniatigut qaammatikkaartumik ilinniartut 3.500-t missaaniittut sullinneqarnissaat eqqortumillu ilinniagaqarnersiutisinissaat Kontorchefip akisussaaffigaa. Tamatumunnga atatillugu lønsystemip ataavartuunissaa ineriartortinnissaalu, tamatumani Ilinniagaqarnersiuteqartitsiviup ingerlataani systemleverandørit sullissisullu allat isumaqatigiissusiorfiginissai allaffimmi pisortap qulakkiigassaraa.

Allaffimmi pisortap ilinniagaqarnersiuteqarnerup iluani nunat tamat nunallu avannarliit akunnerini suleqatigiissitani Kalaallit Nunaat sinnerlugu inissisimasuuvoq.

Illit inuttut piginnaasatit:

Suleqat suliaminut tunniusimalluartoq, eqimattakkaani sulinermik piginnaanilik piumassusilillu, taavalu inerikkiartornermik pingaartitalik ujartorparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermik politikkikkullu sulissinermik suliaqartussaq.

Takorusussinnaavarput:

• Tulluuttumik ingerlariaqqiffiusumik ilinniagaqartutit, takorusussinnaavarput administrationimi imaluunniit samfundsvidenskabimi, aammalu ukiuni arlalinni pisortani misilittagaqartutit.

• Qajannaatsumik pisortatut misilittagaqartutit sulinerullu avatangiisaanik pitsaasumik tunniussiviulluartumillu pilersitsisinnaasutit, ullunilu ulapaarfiusuni eqaatsumik tamakkiisumillu isiginnilluni ingerlatsisinnaasoq.

• Suliassaqarfik kalaallinut tulluussakkamik paasinnissinnaassuseqarluartuusutit, paasiuminaassinnaasunillu suliassaqarfiit akimorlugit sulinermik misilittagaqartuusutit.

• Attaveqariutsinik allattariarsornikkut oqalunnikkullu nukittuujusutit, suliallu paasiuminaassinnaasut ersarissumik saqqummiullugit politikkikkut aalajangiisartunut avataaniillu suleqatinut nassuiaasinnaassusilik.

• Kalaallit Nunaanni pissutsinut nalunngisaqartuusutit.

• Kalaallit, danskit tuluillu oqaasiinik oqalussinnaassuseqartutit.

Suliassat aalajangersimasut:

• Sulisunik aqutsineq, tamatumani atorfinitsitsinerit suliunnaarsitsinerillu

• Isumassuilluni aammalu napparsimasoornerni oqaloqateqarnerit, tamatumani suliffimmi atukkat pillugit oqaloqatiginninneq

• Sulinngiffeqarnissanik pilersaarusiorneq, piffissallu suliffiusup ataqatigiissarnera

• Ilinniagaqarnersiuteqartitsiviup suliassaqarfiata iluani politikkinik ineriartortitsineq

• Ilinniagaqarnersiuteqartitsivimmut ukiumoortumik missingersuutigineqartut iluanni aningaasanik missingersuutinillu aqutsineq

• Politikkikkut aalajangiiffissiornerit

• Ulluinnarni naatsorsuutinut ilanngussanik IRIS-imiittunik ingerlatsineq akuerineqarnissaanillu qulakkeerinninneq

• Regnskabsinstruksinik pigisallu nalunaarsuutaannik sananeq

• Aningaasanut Inatsisissamut Siunnersuummut ilassutissanik sananeq

• Avataaneersunik suleqatigisanik isumaqatigiissusiortarnermik ingerlatsineq

• Ilinniagaqarnersiuteqartitsiviup ingerlanneqarnerani ineriartortinneqarneranilu pilersaarutinik sananeq

• MR Støttesystemip ingerlannera, aalatsaaliornera ineriartortinneralu

• Ilinniartut 3.500-t missaaniittut eqqortumik ilinniagaqarnersiuteqarnissaanik qulakkeerinninneq

• Ilinniagaqarnersiuteqartitsiviup suliassaasa pilersaarusiorneri agguataarnerilu

• Praktikanterisap suliassaanik ataqatigiissaarineq

• Ilinniagaqarnersiuteqartitsiviup suliassaqarfiini inatsisitigut ineriartortitsinermi peqataaneq

• Ilinniarnerup iluani inatsisitigut ineriartortitsinermi peqataaneq

• Suleriutsinik inerisaaneq, tamatumani procesbeskrivelseliorneq aammalu ilitsersuusiorneq

Atorfimmi nammineerneq, sunniuteqaqataasinnaaneq, akisussaaffilerneqarluni nammineq ingerlatsineq, aammalu suliat allanngorartut neqeroorutigineqarpoq, taamatullu suleqatigiilluarneq, afdelingschefimillu avitseqateqarluni oqaluussisarneq.

Aningaasarsiat atorfininnermilu atugassarititat

Atorfik akissaateqarfimmi LR 36-mi maanna inissisimavoq.  1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 57.531 ukiumullu Kr. 690.372.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusoq aallaavik sap.ak. tassaavoq 40t, saniatigullu atorfimmut ukiumut piareersimasussaatitaaneq annertussusilerneqarsimavoq 320t, tassa qaammatit pingasukkaarlugit 80t.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat atorfimmut tunngasut allanut paasititsinertaqanngitsumik Afdelingschef Ilannguaq K. Møller e-mailikkut ilmo@nanoq.gl attavigalugu piniarneqarsinnaapput.