Fakta
Atorfiup suussusaa: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Suliffeqarfik: Ilinniartitaanermut, kulturimut, timersornermut ilagiinnullu naalakkersuisoqarfik
Qinnuteqarfissamut killigititaq: 17. oktober
Attavissaq: Inaluk Kleist, oqarasuaat (+299) 34 57 55 e-mail inkl@nanoq.gl
Ilinniartitaanermut, Kultureqarnermik, Timersornermut Ilageeqarnermullu pisortat allaffeqarfiani siunnersortimik oqaatsitigut piginnaasalimmik, kalaallisut danskisullu oqaaseqartumik sulisussarsiorpoq. Pisortat Allattoqarfianniipput suleqatigiit tamatigoortut sisamaasut suleqatigiinnermi tapersersueqatigiinnermi suliassamut piginnaaneqarluartut.
Naalakkersuisoqarfiup ilinniartitaanermut, kultureqarnermut, timersornermut ilageeqarnermullu tunngatillugu pingaarnertigut periusissiorluni pilersaarusiorneq isumagisarpaa.
Suliassat suliaqarfinnut arlalinnut siammaassimapput, taamaammallu naalakkersuisoqarfik naalakkersuisoqarfinnut allanut, suliffeqarfinnut naalakkersuisoqarfiup ataaniittunut, kattuffinnut, ilinniarfinnut il.il. attaveqartuarpoq.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik assigiinngitsorpassuarnik suliaqarfiuvoq, persuarsiorfiunngitsumik ammasumillu sulinermi avatangiiseqarfiulluni, suliaminnullu tunniusimasunik sulisoqarluni. Suleqatigiit 40-it missaanniippugut, suliamut tunngatillugu qaffasissumik ingerlatsinissamik inooqatigiinnikkullu avatangiiserissaarnissamik pingaartitsisut.
Makku neqeroorutigisinnaavagut:
• Suliffik nammineersinnaanermik aalajangiisinnaanermillu pingaartitsisoq
• Immikkoortortaqarfimmi suliaminnut tunniusimalluartunik suleqateqarfiusumi sulinissaq
• Suliffik ammasumik pissuseqarfiusoq, sulisullu ataasiakkaat piginnaasaannik ataqqinniffiusoq
Suliassat ilaatigut makkuussapput:
• kukkunersiuineq, pitsaassutsimik qulakkeerinninneq nutserinerlu suliassaqarfigisassavatit
• Nutsigassalerisoq
• Suleqatigiinnut paasissutissanik/nalunaarsuisarnermullu ataqatigiissaarisoq.
• Allakkanik tigooraavimmut nakkutilliineq.
Ima piginnaaneqarnissat kissaatigaarput:
• Oqaatsitigut piginnaasaqarnissat
• Ilinniartitsinerup kulturimullu tunngasut iluanni oqaatsinik atorneqartartunik ilisimasaqarneq
• Nammineersinnaaneq, inerisaanissamut sammisuuneq anguniakkanullu sammisuuneq
• Ataqatigiissaarinermik piginnaasaqarneq – aamma ulapaartoqartillugu
• Ajornanngippat suliffimmit politikkikkut aqutaasumit misilittagaqarneq
Ulloq atorfiniffissaq tassaavoq 1. november 2025 imaluunniit isumaqatigiissuteqarnikkut. Qinnuteqartut ataavartumik nalilersoqartassapput.
Paasissutissanik annertunerusunik pisariaqartitsiguit ataqatigiissaarisoq Inaluk Kleist saaffigisinnaavat, tlf. (+299) 34 57 55, e-mail: inkl@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
