Ilisimatusarfiup Nunarsuarmioqataanermut Attaveqatigiinnermullu Immikkoortortaanut AC-fuldmægtigi

Ilisimatusarfik Nunarsuarmioqataanermut Attaveqatigiinnermullu immikkoortortaqarfimminut - pingaartumik ilinniartut nunamut allamut semesterimi ataatsimi ilinniariarnissaannut siunnersuisartussamik aamma nunani tamalaaniittuni suleqatigiinnissamik isumaqatigiissuteqarfigisat avammullu attaveqateqarnermut atatillugu paasissutissanik suliaqartartussamik - AC-fuldmægtigissarsiorpoq.

Aqutsisorisassaq qaninnerpaaq tassaavoq Nunarsuarmioqataanermut Attaveqatigiinnermullu Immikkoortortami aqutsisoq.

Sapaatip akunneranut suliffiusartussaq tassaavoq akunnerit 40-t - qinnuteqarfissatullu killigititap kingorna qinnuteqartunik piukkunnaatilinnik oqaloqatiginninnerit ingerlanneqarumaarput.

Qinnuteqartup toqqarneqartup piaarnerpaamik - imaluunniit isumaqatigiissuteqarnikkut - sulilernissaa piumasarineqarpoq.

Pingaarnertut suliassat aamma suliassaqarfigisat:

• Ilinniartut nunanut allanut ilinniariarnissaannut atatillugu ikiuisarneq

• Aningaasanut atorneqartussanut assigiinngitsunut qinnuteqaasiornerit, suliarinninnerit nalunaarutiginninnerillu - ass. Erasmus+, Nordplus, UArctic il.il.

• Ilisimatusarfiup nunanut tamalaanut naleqqiullugu ilisarnaataanik ingerlaavartumik ineriartortitsinermi peqataasarneq

• Ilisimatusarfiup attaveqatigiinnermut atatillugu ilisarnaataanik ingerlaavartumik ineriartortitsinermi peqataasarneq

• Avammut attaveqateqarneq - pingaartumik inuit attaveqatigiittarfiatigut, pilerisaarutinik videoliornernillu suliaqarnermik

Piginnaasassatut piumasaqaatit:

• Naleqquttumik kandidatitut ilinniarsimaneq

• Assingusumik suliffeqarsimanermik misilittagaqarneq iluaqutaassaaq

• Nunat tamalaat akornanni ilisimatusarfiit ataqatigiittut aamma EU-p Erasmus+-ia il.il. pillugit ilisimasaqarneq misilittagaqarnerlu iluaqutaassaaq

• Inunnik peqateqarsinnaalluarneq

• Kulturit akimorlugit attaveqateqarsinnaaneq

• Tuluttut qaffasissusilimmik allassinnaaneq oqalussinnaanerlu pingaartinneqarpoq

• IT-mik atuisinnaaneq suliassaqarfimmilu tassani piginnaasassanik ilikkagaqarusussuseqarneq

Qinnuteqaammut ilaliunneqassapput:

• CV

• Soraarummeersimanermut uppernarsaat/-it

• Tunngavilersukkamik qinnuteqaat

Attavigisassat/ paasissutissat:

Atorfik pillugu sukumiinerusunik paasisaqarusukkuit, tikilluaqquneqarputit Immikkoortortaqarfiup aqutsisuata Per Arnfjordip, oqarasuaat: +299 34 73 24 attavigissallugu.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk