Ilulissani inunnik isumaginnittoqarfimmut innarluutilinnut sullissisoq

Avannaata Kommuniata Ilulissani innarluutilinnut sullissisussatut Atorfik piaartumik imaluunnit isumaqatigiissuteqarnikkut ulloq 1. september 2026 isumaqatigiissuteqarnikuulluunniit atorfinittussamik pissarsiorpoq.

Innarluutilinnut sullissisup inunnik isumaginninnermi immikkoortortaqarfimmi aqutsisoq qaninnertut qullersarissavaa.

Atorfimmi suliassarisassat makkuussapput:

·Innarluutilinnut ilaqutaannullu tunngasunik saaffiginnittut isumagalugit, siunnersuinermillu ingerlatsinerit.

·Innarluutilinnut tunngasuni sullissinerit tamaasa isumagalugit.

·Innarluutillit pillugit peqqussut naapertorlugu qinnuteqaatinik suliaqarneq.

·Qulajaaneq innuttaasumut, nalilersuineq pisariaqartinneqartunut, sulianik, ikiorsiissutinik tunniussinermi akuersissuteqarnermi allakkiorneq, kiisalu peqqussut najoqqutaralugu ikiorsiissutinik allanik suliaqarneq.

·Innarluutillit najugaqarfinni atugassarititaannik malittarinninneq nakkutiginninnerlu, pisariaqartitsisoqartillugu nalunaaruteqartarneq.

·Sulianut tunngasunik suliassanik allanik suliaqarneq.

Taakku saniatigut atorfik pillugu akisussaaffiit allaaserinninnerillu Ilulissani inunnik isumaginnittoqarfimmi aqutsisumut saaffiginnilluni pissarsiarineqarsinnaapput.

Piginnaasat kissaatigineqartut:

·Isumaginninnermi siunnersorti, rådgivningsassistenti, allaffimmioq sammisamut pikkorissarsimasoq, perorsaasoq isumaginninnermik aammalu allaffissornermik pikkorissarsimasoq, imaluunniit isumaginninnermi ikiorti isumaginninnerup iluani pikkorissarsimasoq.

·Isumaginninnerup iluani sullissinermik misilittagalik perusunneqarpoq.

·Qarasaasiamik atuilluarsinnaasoq.

·Kalaallisut qallunaatullu oqalussinnaaneq/allassinnaaneq iluaqutaassaaq. Aammalu Suliniutinik arlariinnik ataatsikkut isumaginnissinnaassuseqarneq.

·Sullisserusussuseqarneq, aalajaanneq, peqqissaartuuneq suleqateqarluarsinnaanerlu.

·Pikkorissaqqinnissamut ilinniaqqinnissamullu piumassuseqarnissaq. /- Paasisaqarusussuseqartutit, alapernaattoq allallu isiginnittaasiinut akuerinnittuusutit.

Akissaatit atorfeqartitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugit pissapput.

Atorfinititsineq qaammatini pingasuni misiliutitaqassaaq.

Inissaq:

Atorfimmut atatillugu inissaqartitsisvoq, taamatullu atorfininnermi akiliunneqarluni angalasoqarlunilu pigisat assartorneqassapput, malittarisassat qaqugukkulluunniit atuuttut naapertorlugit.

Pinerluuteqarsimannginnermut uppernarsaatit:

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Atorfik pillugu paasissutissat allat Ilulissani Isumaginninnermut immikkoortortami pisortangallatumut,  Ivalu K Petersen -mut, oqarasuaat 38 75 67 immaqaluunniit e-mailikkut ivka@avannaata.gl

Qinnuteqaat ilinniarsimanermut uppernarsaatit, CV suliffingisimasanillu oqaaseqaatit ilanngullugit nittartagaq atorlugu immersuinikkut nassiunneqassapput.

Qinnuteqarnissamut killissarititaasoq:

Qinnuteqarnissamut killissarititaasoq: aggustip 17.-at, 2026