Immikkoortortaqarfimmi pisortaq

Peqatigiinnerup nukittorsarnissaanut kiisalu sullitanut nalimik pilersitsinissaq soqutigaagit?GrønlandsBANKEN Ilulissani immikkoortortaqarfitsinnut immikkoortortaqarfimmi pisortamik pimoorussisumik anguniagaqartumillu ujaasivoq. Immikkoortortaqarfimmi pisortatut aningaaserivimmi kiisalu najukkami inuiaqatigiinni qitiusutut peqataalissaatit, tassani periarfissaqassaatit ataqatigiinnerit nukittorsassallugit, sulisut ineriartortissallugit kiisalu ullut tamaasa sullitat pitsaanerpaamik siunnersorneqarnissaat qulakkiissallugu. Sullissisunut pisortaq, Nuummi inissisimasoq qullersarissavat.

Immikkoortortami pisortatut pingaarnertut akisussaaffigissavatit:

• Immikkoortortami sulisunik aqutsineq aamma ineriartortitsineq.
• Siunnersuinermi sullitat iluarisimaarnerannik aamma pitsaassutsimik qaffasissumik qulakkeerinninneq.
• Missingersuutinut akisussaaffeqarneq aamma immikkoortortaqarfiup aningaasaqarnikkut anguniagaanik malittareqqiineq.

 Naatsorsuutigaarput illit:

• Aqutsinermik misilittagaqartutit – aningaaserivimmiiuppat imaluunniit aningaasaqarnikkut ingerlataqarfimmiiuppat iluassaaq.
• Kajumissaarinermut kiisalu sulisut aqqutigalugit inernerusunik pilersitsinermut nukittusutit.
• Niuernermik paassisimasaqartutit aamma pilersaarutit iliuutsinik timitalersinnaagitit.
• Ammasuusutit aamma sullitanut attaveqarneq iluarigit.

Immikkoortortaqarfik aamma GrønlandsBANKEN pillugit:

GrønlandsBANKEN arfinilinnik immikkoortortaqarfeqarpoq, qullersaqarfik Nuummi inissisimalluni.

Ulluinnarni persuarsiorpalaanngitsumik sulisarpugut, pingaartitatsinnik sisamanik aallaaveqarluta; tunniusimaneq, sullitanut pingaartitsineq, peqqissaarneq, aamma ineriartortitsinermik pingaartitsineq.

Ilulissani immikkoortortaqarfimmi sulipput tullersorti, atuisunut siunnersortit pingasut, atuisunut ikiortit sisamat, aningaasaqarnermik ilinniartoq ataaseq aamma finanstrainee ataaseq. Sullitat pitsaanerpaamik misigisaqarnissaannut sulinermut tamarmik tunniusimalluinnarput. Immikkoortortaqarfiup sullitarai inuinnaat aamma sullitat inuussutissarsiortut minnerusut ass. Umiatsiaararsorlutik aalisartut aamma takornarialerinermik inuussutissarsiortut mikisut.

Neqeroorutigaagut:

• Atorfik pilerinartoq akissarsiarissaarfiusoq sunniuteqarnissamut ineriartortitsinissamullu periarfissaqarluartoq.
• Peqatigiinneq nukittooq suliatigut pikkoriffiusoq aamma tunniusimaffiusoq.
• Atorfininnermi atugassarititaasut isumaqatigiissut atuuttoq naapertorlugu, angalaneq pequtillu nutserneri periarfissaapput.
• Atorfininneq piaarnerpaamik – oqaloqatiginninnerit ingerlaavartumik ingerlanneqassapput.

Allat:

Atorfininneq Grønlands Erhverv aamma Finansforbundet akornanni isumaqatigiissut naapertorlugu pissaaq.Atorfik pillugu apeqqutissaqaruit, Sullissisunut pisortaq Malene Christensen attavigisinnaavat.

Apeqqutit nalinginnaanerusut pillugit apeqqutissaqaruit HR-imi pisortaq Patricia Lund Olsen imaluunniit HR-imi siunnersorti Louise Bro Kaae attavigisinnaavatit.

Tusarfiginissat qilanaaraarput!

Qinnuteqaat nassiutiguk