Umiaq-mut Tullersortimut ernereernerup kingorna sulinngiffeqartoqarnerani paarlattaasinnaasoq

Tullersortimut ernereernerup kingorna sulinngiffeqartoqarnerani paarlattaasinnaasoq, soqutiginnittoq tunniusimasorlu Meeqqerivik Umiami Nuussuaq sulilersinnaasoq pissarsiariumaneqarpoq.

Meeqqanut ulluunerani paaqqinnittarfimmik ineriartortitseqataarusuppit, ingerlatsinermik attassinermut ineriartortitsinermullu suleqataarusuppit, maani qanimut attaveqatigiinnerit pingaartinneqaqaat, meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

Meeqqerivitsinni immikkut ilisarnaatigaarput:

Anguniakkat aallaavigalugit sulineq, ukunannga:

∙Meeqqat tamarmik inissaqartinnissaat, Meeqqerivik Umiami pingaartipparput inuit tamarmik assigiinngissuseq apeqqutaatinnagu inissaqartinnissaat. Meeraq paasinninnermik, akuersaarnerusumik perorsaariaatsimik toqqammaveqartumik periuseqarfiginissaa.

∙Meeqqat timikkut tarnikkullu peqqissuunissaat meeqqerivimmiinneq nuannersumik misigissagaat. Taakkualu toqqammavigalugit ullormut meeqqamut ilikkalertorfiusunik avatangiiseqartitsineq, sammisassanik pilersaarutinik ingerlatsinissaq

∙Meeqqap ullaakkut iserneraniik tikilluaqqusaasutut misiginissaa, angajoqqaat meeqqeriviliaassineranni attaveqatiginissaa, avitseqatigalugu meeqqap qanoq inneranik.

Suliffik qanoq ittoq neqeroorutigisinnaavarput:

∙Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat, inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit, taakkununngalu tapersersuissasutit

∙Suliffimmi ulluinnarni sammisanut annertuumik sunniuteqarfigisinnaasat neqeroorutigaarput

∙Meeqqeriviuvugut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq

Qinnuteqartumut naatsorsuutigineqartut:

∙Perorsaasutut ilinniarsimasuunissat

∙Pisortap tulliata pisortaq suleqatigalugu, meeqqerivimmilu sulisut peqataatillugit meeqqerivimmi anguniakkat suliarineqartarnissaat

∙Allaffissornermik suliaqarnermik misilittagaqarnissaq

∙Inimi aqutsisuusinnaassaatit inimi sulisut suleqatigalugit

∙Nammineq akisussaaffimmik tigusisinnaavutit namminersorlutillu sulisinnaallutit

∙Suleqatinut angajoqqaanullu suleqatiginnilluarsinnaaneq

∙Allanngortitsinissamut piareersimasuuvutit

∙Meeqqanut ineriartuutaasunik sammisaqartitsinernik pilersaarusiorsinnaavutit

∙Meeqqeriviup aningaasaqarneranut akisussaasooqataaneq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Meeqqerivik pillugu:

Børnehave Umiaq mikisunnguuvoq meeqqat 40-t inissaqarlutik, 3-6 ukiullit. Meeqqerivimmi illup iluani sulisullu akornanni allanngortiterivugut, taamaattumik periarfissaqarputit ininut perorsaanermullu tunngasunik sunneeqataalluarnissannut.

Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Arnatsiaq Jeremiassen, oqarasuaat +299 36 68 90 imaluunniit e-mail: arjr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1205-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 8.-at, 2025

Atorfik una qinnuteqarfigiuk