Atuarfeqarnermut immikkoortortami aamma MISI-mi fagchefi

Ulloq sulilerfissaq, 2026-imi februaarip aallaqqaataa isumaqatigiissuteqarnikkulluunniit

Kommuneqarfik Sermersuumi Meeqqanut Atuarfeqarnermullu Ingerlatsivik fagchefimik pikkorissumik tunniusimasumillu pissarsiorpoq.

Aqutsisumik suliatigut pikkorissumik misilittagartuumillu, matumani atuarfeqarnermut siunnersuinermullu (MISI) tunngasunik ingerlatsinissamik ineriartortitsinissamillu periusissialimmik akisussaaffimmik tigusisinnaasumik – aamma perorsaanermut, aaqqissugaanernut inunnullu tunngasut akornanni ataqatigiinnerinik takunnissinnaasumik pissarsiorpugut.

Aqutsisutut ingerlatsinerup ineriartornerullu akornanni ulapaarfiusumi ajornaquteqanngitsumik sulisinnaassuseqarpit aamma suleqatigiinnikkut tatiginninnikkullu siunnerfimmik pilersitsinissamik, atugarissaartitsinissamik inerniliinissamillu kajumissuseqartarpit? Taava immaqa tassa illit fagchefissarput nutaaq.

Atorfik pillugu:

Meeqqanut Atuarfeqarnermullu Ingerlatsivik tallimanik immikkoortortaqarpoq. Atuarfik & MISI, Ulluunerani neqeroorut, Sunngiffimmut Kulturilerinermullu, Ineriartorneq, Peqqinnermik Siuarsaaneq Pitsaaliuinerlu kiisalu Staben.

Fagchefi Atuarfeqarnermut immikkoortortaqarfimmi MISI-milu inissisimavoq, matumani ingerlatsivimmi pisortaq qaninnertut pisortarissavat.

Ingerlatsivik kommunip atuarfiinut, sunngiffimmi ornittagaanut siunnersuisarfianullu (MISI) akisussaasuuvoq kiisalu periusissanut arlalinnut suliniutaasunut – ilaatigut immikkut atuartitsinermut suliassaqarfimmik ineriartortitsinermut, inuussutissarsiutit tunngavigalugit atuaqatigiinnik pilersitsinermut aamma atuartut angerlarsimaffiannik ineriartortitsinermut.

Fagchefitut immikkoortortani aqutsisut marluk, suleqatigiit nukittuut, tassaasut atuarfeqarnermut, atuartitsinermik aamma meeqqanut inuusuttunullu siunnersortit tarnillu pissusaanik ilisimasallit kiisalu kommune tamakkerlugu atuarfinni aqutsisut aamma sunngiffimmi ornittakkani aqutsisut, aqunneqarnerat akisussaaffigissavatit.

Atorfik ullormut suliffiusussaq naallugu suliffiuvoq Nuummiillunilu.

Suliassatit pingaarnerit:

Fagchefitut pitsaassutsip atuarfeqarnermullu suliassaqarfiup ineriartortinnissaata tungaatigut qulakkeerinissamut pingaarutilimmik inissisimassaatit. Suliassatit pingaarnerit tassaapput:

∙Inatsisit atuuttut naapertorlugit ingerlatsinermik suliamillu naammassinninniarnermik qulakkeerineq

∙Suliatigut tunngaveqartumik politikkerinut siunnersuineq ilisimatitsineq

∙Ingerlatsivimmi suliassaqarfinnit allanit suleqatit qanimut suleqatigalugit periusissiatigut ineriartortitsinissamik suliniutinik aallartitsineq inissiinerlu

∙Atuarfeqarnermut siunnersuiffimmullu suliassaqarfinni inerisaalluni suliniutinik annertunerusunik atuutilersitsinissamut aqutsineq

∙Ineriartortitsinermut pisortaq suliniutinullu pisortaq suleqatigalugit atuarfinnik suliffeqarfinnillu nutaanik pilersitsinernut ammaanernullu peqataaneq

∙Qanimut suleqateqartarnermik pilersitsineq – Suliffeqarfiup iluani avataanilu suleqatigisanik

Illit ilisarnaatitit:

Aqutsisussarsiorpugut imaattunik piginnaasalimmik:

∙Ilinniartitsisutut, atuartitsisutut assigisaanilluunniit attuumassutilimmik ilinniagaqartutit – ajornanngippat perorsaanerup, ingerlatsiviup aqutsinerullu iluini qaffasinnerusumik ilinniagaqaqqissimavutit

∙Uppernarsaatitalimmik aqutsinermik misilittagaqartutit, ajornanngippat suliffeqarfimmit politikerinit aqunneqartumi

∙Atuarfeqarnermut siunnersuiffimmullu suliassaqarfinnut inatsisinik ilisimasaqarluassaatit

∙Suliatigut pitsaassuseq, isumalluutinik aqutsineq atugarissaarnerlu oqimaaqatigiissaarsinnaavatit

∙Pilersaarusiukkamik, aaqqissuussamik tamakkiisumillu isiginnissinnaallutit sulisassaatit

∙Allattariarsornikkut oqaatsitigullu attaveqaqatigiittarnikkut piginnaasaqarluarputit

∙Tamalaanik ilisimasaqassaatit nutaanillu ilisimasaqalernissannut piumassuseqassaatit aamma iliuuseqarninngortillugit

Neqeroorutigaavut:

Akisussaaffeqarfiusumik, isumaqarluartumik ineriartorfiusumillu suliffimmik neqeroorfigaatsigit, matumani Kommuneqarfik Sermersuup meerartaanut inuusuttortaanullu iluaqutaasumik siunissami atuarfeqarnermut siunnersuiffimmullu sunniuteqarnissamut periarfissaqassallutit.

Ingerlatsivimmi anguniagaqarfiusumi sulianik ilisimasaqarluartulimmik avatangiiseqassaatit, matumani aqutsisoqatigiinnut tunniusimasunut ilanngutissaatit aamma politikkikkut allaffissornikkullu aqutsisunik qanimut oqaloqateqartassallutit.

Sulianut tunngasutigut isumasioqateqarnissamut, aqutsisunik ineriartortitsinermut ingerlatsiviullu anguniagaani tamakkiisuni sunniuteqarnissamut periarfissaqarluassaaq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Lone Nukaaraq Møller, oqarasuaat +299 36 73 01 imaluunniit e-mail: lnm@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1202-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 5.-at, 2025

Atorfik una qinnuteqarfigiuk