Inuitinut siunnersorti personale & jura-mut pissarsiorpoq

Suleqatitsinnut peqataarusuppit? Kalaallit Nunaanni Namminersorlutik Oqartussat sulisoqarnermut allaffeqarfiata iluani pitsaasumik tunniussisarneq tunngavigalugu Kalaallit Nunaanni inerisaanermut isumalluutinik tunniussuisarneq uagut siunertarivarput.

Kalaallit Nunaanni Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu sulisoqartoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.

Kalaallit Nunaanni Namminersorlutik Oqartussat taakkulu ataanni immikkoortortat tamaasa aamma peqqinnissaqarfimmi sulisut pillugit suliassanik suliarinnittarpugut. Taakku saniatigut isumaqatigiissutit pillugit pisortat siunnersorlugillu ilitsersortarpavut kiisalu Namminersorlutik Oqartussani atorfinititsinermut isumaqatigiissusiorlutalu allakkiortarpugut.

Sulisut Inatsisilerisullu allaffianni sulisunut siunnersortit 13-it, sulisunut inatsisilerituut 3-t kiisalu allaffimmi pisortat marluk sulipput.

Illit pingaarnertut suliassatit

Ataatsimik sulisunut siunnersortissarsiorpugut, taassuma immikkoortortami suliat suliarisassavai. Immikkoortortaq massakkut inerisarneqaleruttorpoq; peqqinnissaqarfimmi sulisut aamma qitiusumik allaffeqarfimmi sulisut sinneri pillugit suliassaqarfimmi sullissinermi ataqatigiinnerunissaat angorusupparput. Taamaalilluni atorfik aqqutigalugu sunneeqataasinnaaneq aamma suleqatigiit suleriaasiinik inerisaanissaq periarfissaapput.

Suliassat pingaarnerit makkuussapput:

• Atorfinititsinermi sulisoqarnermut suliassanik tunngassutilinnik suliaqarneq, matumani pingaartumik atorfinititsinermi isumaqatigiissusiorneq allakkianillu assigiinngitsunik suliaqarneq

• Akissarsianik, tapinik soraarnernillu allattuinerit

• Tjenestemandit soraarnerussutisiassaannut tunngasunik suliarinninneq

• Tjenestemandit pillugit inatsisit aamma atorfeqartitsinermi inatsisit pillugit malittarisassat allat pillugit siunnersuineq nassuiaassinerlu

• Isumaqatigiissutit nassuiarneri

Taakkua saniatigut ilitsersuusiorneq, immersuiffissaliorneq atortunillu tamanut saqqummiussineq kiisalu Kalaallit Nunaanni Namminersorlutik Oqartussani suliaqarfiit assigiinngitsut suliassanik isumaginninneq suliarisarsinnaavatit.

Suleriaatsinik, ingerlatsinernik il.il. pisariillisaanermik soqutigisaqaruit pikkoriffeqarlutillu, taakku iluaqutaassapput.

Suleqatissarsiorpugut:

• Bacheloritut, professionsbacheloritut imaluunniit allaffimmiutut ilinniagalik

• Assingusumik atorfeqarsimaneq iluaqutaassaaq, aammali ilinniakkannik naammasserlaajusinnaavutit

• Suleqatiginnillaqqissuuvutit, isumasioqateqallaqqissuullutit aamma ilisimasannik suleqatitit avitseqatigillaqqillugit.

• Unamminartumik suliaqarnissamut naammassinninnissamullu tunuarsimaanngitsoq

• Oqaluttariarsornermi allattariarsornermilu qaffasissumik pitsaasumillu saqqummiisinnaasoq

• Kisitsisinik paasinnillaqqissuunerit inatsisinik/ aningaasaqarnermik paasinnillaqqissuuguit iluaqutaassapput

• Kalaallit Nunaanni inuiaqatigiinni pissutsit kulturilu ilisimasaqarfigukkit iluaqutaassapput aamma kalaallisut oqaatsit atorsinnaagukkit iluaqutaalluinnarsinnaalluni

• Silatusaartoq, kiffartuusserusussusilik inussiarnersorlu

Suliffik sulisunik pimoorussisunik sulisulik aamma qanimut attaveqaqatigiiffiusoq, suliat aallaavigalugit isumasioqatigiiffiusartoq, najukkamilu aqutsisunik qanimut oqaloqatigiinniffiusartoq kiisalu inuttut ilinniakkatigullu ineriartorfissaqartoq suliffeqarfittut neqeroorutigisinnaavavut.

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Uatsinnut tunngasutImmikkoortortaq Aningaasaqarnermut Sulisoqarnermullu aqutsisoqarfiup ataaniippoq, taanna Aningaasaqarnermut Akileraartarnermullu Naalakkersuisoqarfiup ataaniippoq taamaalillunilu Naalakkersuisut allaffeqarfianut ilaalluni.

Aningaasaqanermut Sulisoqarnermullu Aqutsisoqarfik pingaartitavullu pillugit sukumiinerusumik atuarsinnaavutit uani: www.asa.gl

Paasissutissat amerlanerusut

Atorfik pillugu paasisaqarniaruit, Sulisoqarnermut Isumaqatiginninniarnermullu pisortamut Frederik G. Schmidt-imut uunga mailimut attaveqarsinnaavutit: fsch@nanoq.gl imaluunniit oqarasuaatip nr. +299 34 66 81.

Qinnuteqaat

Qinnuteqarnissamut piffissaliussaq ulloq 1. januaari 2026. Sapaatip akunnerani 2-mi oqaloqateqarnerit pissasut naatsorsuutigineqarput

Aningaasaqarnermut Sulisoqarnermullu Aqutsisoqarfik pillugu Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p makkua ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutit, akissarsiat sulisullu pillugit sullissineq, piginnaasanik aaqqissuussaanermillu ineriartortitsivik, nutserisoqarneq kiisalu illunut immikkoortortaqarfik aserfallatsaaliinerlu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk