Inulerivik, meeqqanik inuusuttuaqqanillu aliasuuteqartunik, sakkortuumillu nalaataqarsimasimanermi kingunerluuteqartunik oqaloqateqartalertussamik, psykoterapeut-mik pissarsiorpoq

Meeqqanik inuusuttuaqqanillu toqukkut annaasaqarnermi kingunerlutsittisimasunik ikiuinissannut misigittartuuit aammalu soqutiginnilluartuullutit?

Meeqqat inuusuttuaqqallu qanigisamik annaasaqarnermi kingunerluutigisinnaasaasa ilaraat kompliceret sorgreaktion.

Kompliceret sorgreaktion pilersinnaasarpoq, qanigisamik annaasaqarnerup kingorna, sivitsortumik oqiliartunngitsumillu aliasunnikkut. Tamanna assigiinngitsunik peqquteqarsinnaavoq: Tassanngaannartumik sakkortuumilluunniit pisoqarneratigut qanigisamik annaasaqarnikkut, qimagaasup patajasuunera peqqutaalluni allallu.

Taamak kingunerlutsitsineq tarnikkut timikkullu peqqissutsimut unamminartumik sunniussinnaavoq, taamatullu inissisimasut imminut toqoratarsinnaanermut aarlerinartorsiortut akornanniissinnaasarput.

Ajornartorsiutip tamatuma aaqqiiviginissaanut tiguartisimassuseqaruit, imaassiinnaavoq illiusoq katsorsaasoq ujartugarput.

Atorfik pillugu:

Suleqatigiikkuutaat immikkut illuinnartut peqatiginissaannut periarfissiivugut, meeqqanik inuusuttuaqqanillu annaasaqarnerup kingorna kingunerlutsitserujussuartunik qitiusumik sullissisuussallutit. Tarnikkut katsorsaanikkut ilinniarsimasatit atorlugit meeqqat inuusuttuaqqallu imminnut suliarineranni ikorfartorlugillu siunnersortassavatit. Sulininnilu meeqqat, inuusuttuaqqat ilaqutaasullu qimagaasimasut immikkut ilisimasaqarfigilissallugit.

Atorfinittup Det Nationale Sorgcenter (DNS)-mi sulisut qanimut suleqatigisussaavai. DNS-ikkut aliasuuteqarnermut tunngasunik ulluinnarni ilisimasaqarluartuupput, DNS peqatigalugu katsorsaanermi periutsinik ineriartortitseqatigiinneq ingerlasarumaarpoq, qanoq katsorsaanissamik ilinniartitsinermik supervisionimillu ingerlatsitsisarumaarlutik. Taamaasillutit alisuuteqarneq pillugu immikkut ilisimasaqalerumaarlutit.

Suliassarissavatit:

• Meeqqat inuusuttuaqqallu inuttut ataasiakkaatut aamma gruppitut katsorsarneri

• Katsorsarneqartut ataasiakkaat pisariaqartitaat misilittagaallu aallaavigalugit periutsimik ineriartortitsineq aammalu katsorsaanissamut pilersaarummut naleqqussarneq

• Suliniutip ineriartortinnera aammalu nalilersuinermi oqaloqataaneq

• Katsorsaaneq pitsaaneerpaaq anguniarlugu ilinniartitaanermut, supervisionertitsinermut, oqalugiarnernut, ineriartortitsinernullu ingerlaartuartunut peqataanissaq 

Ilinni naatsorsuutigaarput:

• Tarnip pissusaa pillugu ilinniakkamut, tarnikkut katsorsaanermut, kingunerlutsitsinermi katsorsaanermut imaluunniit immikkut ajornartorsiornermi / ajutuulernermi katsorsaanermut misilittagaqarlutilluunniit naleqquttumik ilinniagaqarnissat

• Aliasuuteqarneq pillugu – ajornartorsiornermi nalaataqartunik – kingunerlutsitsisunik suliaqarnermik misilittagaqassaatit.

• Meeqqanut inuusuttuaqqanulluunniit sakkortuumik nalaataqarnermikkut kingunerlutsitsisimasunik sullissininni ataqatigiinnerup tatigeqatigiiffiunissaanik piginnaasaqartuussaatit

• Suleqatinik assigiinngitsunik ilinniagalinnik akimut suleqateqarsinnaassaatit

• Paasinnillaqqittuussaatit tusarnaarsinnaasuullutit aammalu pisunut oqimaatsunut tapersersuisinnaasuussallutit

• Meeqqat inuusuttullu sakkortuumik nalaataqarsimasut kingunerlutsitsisimasullu sullinnissaannut periuutsinik ilisimasaqarneq

• Kalaallisut danskisullu oqalussinnaassaatit

• IT-mut piginnaaneqassaatit, onlinekkullu oqaloqateqarsinnaanermik misilittagaqassallutit

Neqeroorutigaagut:

• Suliffeqarfimmi suleqatigiit imminnut ikorfartortut ilinniarsimassutsikkullu ineriartoqatigiiffiusoq

• Suliffeqarfimmi suleqatigiit imminnut inissaqartittut atugarissaarnissaamillu pingaartitsilluartut

• Qitiusoqarfimmi peqataassaatit ineriartorfiungaatsiartumi

• Suleqatit ilinniarluarnikut siunnersiueqatigisinnaasat suleqatigissavatit

• Atorfik inuttut ineriartoqqinnissamut periarfissaqarluartoq

• Meeqqanik inuusuttuaqqanillu inuunerissaaqataanissamut ikiuinissamut periarfissaqassaatit

• Ataavartumik supervisionerneqarneq, pikkorissarnissamut ilinniaqqinnissamullu periarfissaqartinneqarneq 

Atorfik Inulerivimmut atasuuvoq, Inulerivik-mi atorfeqartutut, Meeqqanik Inuusuttuaqqanillu Katsorsaasutut sulissaatit, taamaattumillu immikkoortortaqarfimmi tassani psykologi katsorsaasut pisortaat, qitiusoqarfimmilu pisortaq, qanimut suleqatigissavatit.

Pisariaqartut / Paasissutissat annertunerusut

Atorfik suliniutit pillugit atorfiuvoq, piffissaq tamaat suliffiusoq (sap. Ak. akunnerit 40-t) Nuummilu inissisimaffeqarpoq. Atorfimmut atatillugu angalangaatsiartoqartassaa ilimagineqarsinnaavoq.

Ulloq qinnuteqarfissaq kingulleq: marlunngorneq 2. marts 2026 nal. 12:00

Atorfimmut soqutinnikkuit apeqqutissaqaruilluunniit uunga attaveqarsinnaavutit:

Inulerivimmi aqutsisoq Naja Lund Kielsen, mail: nalk@nanoq.gl imaluunniit Oq. +299 56 26 27

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk