Iserit A/S Nuummi eqeersimaartumik namminersorsinnaassusilimmillu Ineqarnermi Siunnersortissarsiorpoq

Inunnik sullissillaqqillutillu aaqqissuulluakkamik suliaqarsinnaavit? Taava immaqa suleqatissarivatsigit! 

Iserit A/S-imi ulluinnarni suliassat nikerartut saaffiginnittunillu sullissinerit isumagisarlugillu inuttut suliatigullu ineriartorfissaqarluassaatit. 

Iserit A/S pillugu 

Suliffeqarfitsinni kiffartuussiviusumi pikkorissunik tunniusimasunillu 40-nik sulisoqarpugut, Kommuneqarfik Sermersuumilu sumiiffinni 

assigiinngitsuni qanimut suleqatigiilluta. Sullivimmi avatangiisivut pitsaasuupput, taamatuttaaq qiimaqatigiinneq suliatigullu angusaqarluarnissaq pingaartippavut. 

Qiimasumik, suliatigut tunniusimasumik kiisalu sullitatsinnut suleqatitsinnullu sunniuteqaqataarusuttumik suleqatissarsiorpugut. 

Ineqarnermi siunnersortitut atorfik 

Attartortitsinermut Immikkoortortami pingaarutilimmik inissisimallutit ulluinnarni attartortunik, inissarsiortunik, sanasunik suleqatigisartakkanillu attaveqaqateqartassaatit. Suliassat pingaarnerpaaq tassaavoq oqarasuaatikkut, e-mailikkut allaffimmullu orniguttunut 

oqaloqateqarnermi pitsaasumik sulianullu ilisimaarinnilluartumik kiffartuussinissaq. 

Suliassatit pingaarnerit ilaatigut makkuussapput 

• Ulluinnarni sullitatsinnut attaveqarneq – oqarasuaatikkut, e-mailikkut allaffimmullu orniguttunut 

• Saaffiginnittarfimmiinneq (ilaatiguinnaq) 

• Qinnuteqaatinik utaqqisullu allattorsimaffiannik isumaginninneq 

• Inissianik attartortussanik akuersisarnerit aamma attartortunik nuuttussanik isertertussanillu isumaginninnerit 

• Allaffissornikkut suliassanik suliarinninneq toqqorsivimmullu inissiisarnerit 

• Allaffissornikkut suliassat nalinginnaasut suliassallu takkussinnaasartut allat 

Piginnaasatit 

• Allaffissornermut ilinniagaqarputit – soorlu Pisortani Allaffissornermi AU-tut – kiisalu atorfimmit assingusumit misilittagaqarlutit. 

• Namminersorsinnaassuseqarlutillu aaqqissuulluakkamik sulisinnaassuseqarputit. 

• Kiffartuussillaqqissuullutillu ulapaarfinni eqqissisimanissat pikkoriffigaat. 

• Oqarasuaatikkut oqaloqateqarnermi inussiarnersuullutillu oqaloqatikkuminartuuvutit. 

• Inussiarnersuuvutit, ilakkuminartoq suleqatikkuminartuullutillu 

• Qarasaasiakkut sulinermik misilittagaqarluarputit, pingaartumik Office-pakken misilittagaqarfigivat – EG Bolig pillugu ilisimasaqaruit iluaqutaassaaq. 

• Kalaallisut qallunaatullu oqalussinnaallutillu allassinnaavutit. 

Uagut neqeroorutigisinnaavagut 

• Suliffik suliassallu tamatigoortut soqutiginartullu. 

• Suliffeqarfik suliatigut ineriartornissamik pingaartitsisoq suleqatillu ataqatigiilluartut. 

• Akissarsiat atugassarititallu pitsaasut, taakkununnga ilanngullugit soraarnerussutisiaqalernissamut aaqqissuussineq peqqinnissamullu sillimmasiineq. 

• Atorfimmut atatillugu inissiamik neqeroortoqarsinnaavoq, tassungalu malittarisassat atuuttut naapertorlugit qularnaveeqqut, 

ineqarnermut akiliut il. il. akilerneqassapput. 

Atorfinitsitsisoqassaaq 1. august 2025, imaluunniit isumaqatigiissuteqarnikkut. Suleqatissarput piukkunnartoq utaqqisinnaavarput. 

Apeqqutissaqarpit? Uunga saaffiginninnissannut tikilluaqqusaavutit  

Attartortitsinermut Pisortaq Najánguak` Johansen 

 +299 36 30 11 

 job@iserit.gl. 

Qinnuteqaatit sapaat 13. juli 2025 nallertinnagu uunga nassiuguk: 

Iserit A/S 

 Postboks 1539 

 3900 Nuuk 

Mail: job@iserit.gl

 (Qinnuteqaat qulequtseruk: ”Ineqarnermut Siunnersorti, Nuuk”) 

Suliffeqarfipput pillugu ugguuna paasisaqarnerugit: www.iserit.gl