Isumaginninnermut Aqutsisoqarfimmi allattoqarfimmi kontorchefi

Inuttut sulianullu tunngasutigut sunniuteqarluarsinnaasumik pilersaarusiornissamut iliuusissanillu aaqqissuinissamut, piginnaanngorsaqqiinissamut, sullissinissamut ingerlatsinissamullu suliaqarnissaminut piumassuseqarluinnartumik aqutsisussarsiorpugut.  Kontorchefitut sulinissanni ilakkuminartuunissat siunnersiullaqqissuunissallu pingaaruteqarluinnarpoq, imaaliallaannaq pilersaarusiorneq iliuusissanillu aaqqissuineq, suliassaannik tamakkiisumik takunnissinnaassaatit aammalu immikkoortortaqarfiup kiffartuussinermik kultureqarnera aammalu immikkoortortaqarfimmi suleqatigiiaat naligiissutut tamarmik inissisimatinneqarnerat akuersaassallugu.    

Atorfik pillugu
Allattoqarfimmi pisortatut allattoqarfimmi sulisut aqutsisutut akisussaaffigissavatit, aqutsisoqarfimmi pisortaq aammalu pisortaaqatigiit allaffissornikkut suleqatigiinerlu naapertorlugit amerlanertigut ataqatigiissaarisassallutit. Taamaammat allaffissornikkut misilittagaqarluartuussaatit, ingammik pilersaarusiorsinnaanermut iliuusissanillu aaqqissuisinnaanermik, suliniutinillu inerisaanissamut ataqatigiissaarinermik atuutsitsinissamullu. Namminersorlutit sulisinnaassaatit, paasissutissanik ujartuisarlutit aamma Aqutsisoqarfiup immikkoortortaqarfiinit sulianik annertuunik annikitsunillu kiffartuusserusussuseqarlutit suliaqarsinnaassaatit.  Tassami Aqutsisoqarfiup anguniagai tassaapput, suliniutit akimortumik ataqatigiissinnisssaat, aqutsisoqarfiup kiffartuunnissaa, inerisarnissaa aqunneqarnissaalu, taakkununnga ilutigitillugu immikkoortortaqarfiit allat isumaginninnermut suliassaqarfiup iluani ilinniagaqassusertik aallaavigalugu eqqissillutik ikiorserneqarlutillu suliniassammata.

Suliassatit Ilaatigut makkussapput: 

• Pisortaqatigiit sulisullu unamminartitaasa piujunnaarsinnissaat, aammalu immikkoortortaqarfimmi suleqatigiiaat qanimut suleqatigalugit aaqqissuussaanermut iluaqutigineqartussamik aaqqiissutissanik suliaqartassallutit

• Ulluinnarni sulisunik aqutsinikkut aammalu atorfinnut atatillugu inatsisitigut suliaqarnikkut sulisunik kaammattuisarneq malitseqartitsisarnerlu

• Allattoqarfimmi suliassat nammineq pilersaarusiornissaat naammassineqarnissaallu, matumani ingerlaavartumik ukkatarinninnikkut pingaarnersiuinikkullu

• Allaffissornikkut suleriaasissat pitsanngorsaanissallu ineriartortinnissaat, atuutsilernissaat nutarterneqartarnissaallu, taakkartorneqartut naapertuunniassammata pitsaasuuniassammatalu

• Suleqatit suliamut tunngasunik pitsaalluinnartumik siunersioqatigineri, taamaalilluni allattoqarfiup suliassani piffissaq eqqorlugu pitsaassusaanillu qaffasissunik tunniussisarnissaa qulakkeerneqarluni

• Aqutsisoqarfimmut tamarmut attaveqaqatigiinnikkut, piginnaanngorsaqqiinikkut pilersaarusiornissamut iliuusissanillu aaqqissuinissamut, suliniutit ingerlanneqarnerini ingerlatsisarnissaq pilersaarusiortarnissarlu

Naatsorsuutigaarput, illit:

• naapertuuttumik ilinniarsimanissat 

• Namminersorlutik Oqartussani kulturimut paasisimasaqarluartutit ilisimasaqarlutillu

• tamakkiisumik takunnilluarsinnaasartutit aammalu tunniutiinnajanngitsutit aammalu mianersorlutit ullormut suliassanut assigiinngitsuusunut paasisimaqartuusutit  

• piumassuseqarluartutit, sunniuteqarsinnaassuseqarlutit aammalu siuarsaanissamut naammassisaqarnissamillu qulakkeerinnissinnaassuseqartutit.

• Suleqateqallaqqilluinnartutit attaveqallaqqillutillu aammalu inunnik assigiinngitsunik ilinniarsimassutsimigut tunuliaqarlutik suliaqartartunik tusarnaarluarsinnaallunilu oqaloqateqallaqqittutit

• sulisunik aqutsinissamut piumassuseqartutit sulisunullu sammiviliinissamut nuannarisaqartutit.  Taamaalillutit ikorfartuutaallutillu aqutsisuunermik sungiusimannissaatit, aqutsinissamik agguataarinissamillu paasisimasaqarlutit, soorluttaaq ulluinnarni ulapaarfinni sumulluunniit sammisunik aqutsilluarsinnaasutit

Uku ilinnut neqeroorutigisinnaavagut:

• atorfik qitiusoq aqutsisoqarfimmi piginnaasannik naleqartitsisoq pisariaqartitsisorlu, tamatigoortoq assigiinngitsunik pissanganartunik suliassaqarfiusoq

• Suliffeqarfitsialak suleqatigiilluarfiusoq ineriartortitsinissamillu qitiutitsisoq 

• meeqqanut inuusuttunullu suliassaqarfimmi naalakkersuinermik suliallit suliniutaannik assut paasisimasaqarneq

• aqutsisoq suliamut tunngasunik piginnaasannut tatiginnittoq, piviusorsiortunik piumasaqaateqartartoq ineriartornissannillu salliutitsisoq

• persuarsiorpasinngitsumik ataqqinnittumillu pissusilersortarneq, aamma ulapikkaangatta

Isumaginninnermut Aqutsisoqarfik pillugu

Isumaginninnermut Aqutsisoqarfik Meeqqanut, Inuusuttunut Ilaqutariinnermullu Naalakkersuisoqarfiup ataanni aqutsisoqarfiuvoq tallimanik immikkoortortalik: Paarisa, ulloq unnuarlu meeqqat inuusuttullu paaqqinnittarfiinik, sullissisunik siunnersuisarfik,  aningaasaqarnermut immikkoortortaq aamma allattoqarfik. Immikkoortortaqarfiit qanimut suleqatigiittarput aamma ilinniagaq aallaavigalugu suliat amerlasuut suliffimmi tassani unammillernartorpassuaqartarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermik Aqqqutisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermik aqutsisoqarfiup uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Isumaginninnermik Aqqqutisoqarfimmiit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Piffissaq
Sukkanerpaamik  

Qinnuteqarfissaq kingulleq tassaavoq tallimanngorneq ull. 12. oktober 2026 nal.12.00 (Kalaallit Nunaata nalunaaqutaa malillugu)  
Sulilersitsinissamut oqaloqatiginninnerit ingerlaavartumik ingerlanneqarsinnaapput imaluunniit qinnuteqarfissap kingulliup qaangiunneranit kinguninnguani.

Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.  1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 57.531 ukiumullu Kr. 690.372.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut
Atorfik pillugu itinerusumik paasisaqarnerorusukkuit Aqutsisoqarfimmi immikkoortortaqarfimmi pisortaagallartoq Nielsine Albrechtsen njoe@nanoq.gl imaluunniit +299 242505 attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.