Maniitsumi peqqissaavik sundhedsassistentimik/SOSU- assistentimik pissarsiorpoq

Maniitsumi peqqissaavimmi sundhedsassistentitut atorfik pissanganaqisoq tamatigoortorlu 1. november 2025 immikkulluunniit isumaqatigiissuteqarnikkut inuttassarsiuunneqarpoq. Atorfik sivikinnerpamik qaammatit sisamat arfinillillu akornanni taartaaffiusinnaavoq.

Immikkoortortami uninngavik pingaarnertut suliffiussaaq. Suliassatit pingaarnerit tassaassapput immikkoortortami peqqissaasutut aqutsisoq immikkoortortamilu peqqissaasut assistentillu suleqatigalugit, uninngasunik- meeqqaniit utoqqarnut nakorsaatinik nakorsagassanik pilattaanermullu tunngasunik ajornartorsiutilinnik nakkutilliillunilu peqqissaanermik aaqqissuussillunilu isumaginninneq.

Tarnikkut nappaatilinnik unitsillugit pitsaanerulersiisassanik piartortunillu aamma naammattoorsisassaatit. Immikkoortortaq unnukkut unnuamilu ajoqusersimasunut nakorsiartitsiviuvoq nakorsamillu pigaartuusoqarluni.

Immikkoortortaq uninngavik, peqqissaavimmut ingerlalluartumut nakorsiartarfilimmut, ajoqusersimasunut nakorsiartitsivimmut, qinnguartaavilimmut, aaviisarfilimmut timimillu sungiusaavilimmut, ilaavoq. Tamatuma saniatigut naartusunut nakorsiartitsiveqarpoq, timikkut nappaatilinnut tarnikkullu nappaatilinnut angerlarsimaffimmi peqqissaasoqarluni, kinguaassiuutitigut nappaatilinnut nakorsiartarfeqarluni, inuunerissaaveqarluni il.il.

Atorfik sap. ak. nal. ak. 40-it; ullukkut, unnukkut unnuakkullu nikittaalluni suliffiuvoq.

Pissarsiariniagarput: 

• Peqqissaasutut sulinermik- ajornanngippat immikkut ilisimasaqarfinnit arlalinnit- misilittagaqarpoq
• Nakorsaatinik ilinniarnermi moduli angusiffigisimavaa nakorsaatilerisinnaallunilu
• Peqqissaartuuvoq namminerlu piginnaasaqarfini eqqumaffigalugit
• Eqaatsumik periuseqarpoq, namminersorsinnaavoq inussiarnersuullunilu
• Suleqatiginnillaqqissuuvoq, attaveqatinik tatiginartunik pilersitsillaqqissuuvoq
• Ataatsimut isiginnissinnaassuseqarpoq sulianillu arlalinnik ataatsikkut ingerlataqarsinnaalluni.
• Illugiinnik, kalaallisut danskisullu oqaaseqarpoq - piumasaqaataanngilarli.

Neqeroorutigaagut:

• Sukumiisumik paasissutissinneqarneq
• Ulluinnaat pissanganartut allanngorartullu assigiinngiaartorpassuarnik unammilligassartallit
• Nammineq sulianut sunniuteqarneq namminerisamillu akisussaaffeqarneq
• Suleqatitsialaat siunersioqateqarsinnaanerlu
• Piginnaasatigut inerisarsinnaaneq
• Ilinniakkannik naammassinnerlaajuguit immikkut aaqqissuussivigineqassaatit

Maniitsoq naatsumik oqaatigalugu:

Maniitsoq nunatta kitaniippoq, qaasuitsup killeqarfiata kujataatunginnguani Nuup Sisimiullu akornanni inissisimasoq. Maniitsup eqqaa alutornaqaaq, qaqqanik portusuunik inngittuunik, kangerlunnut qinngortuunut atasunik, iigartartunik sermitalinnik avatangerneqarsimalluni. 

Maniitsoq nunaqarfittaalu 3100-it missaannik inoqarput, taakkunannga 2.500-it missaat illoqarfittaaniillutik sinnerilu nunaqarfittaaniillutik. Nunaqarfiit ukiumut arlaleriarlutik immakkut angallammit tikinneqartarput.

Illoqarfik iluaqusersuutit nutaaliaasut amerlanersaannik peqarpoq, ulluinnarni pisariaqartitanut pisiniarfeqarluni, mittarfeqarluni, sinersortammit sapaatip akunneranut ataasiarluni tikinneqartarluni aasaaneranilu immakkut angallammik sukkasuuliamik Nuummut angalasoqartarluni.

Aasaanerani sunngiffimmi sammineqarsinnaasut ilagaat asimut angalaarneq maanilu ilisarnaataasumik qipoqqaat akornanni angallammik angalaarneq. Ukiukkut arsarninittarpoq ullukkullu sisupiloortoqarsinnaallunilu ujakkaartoqarsinnaavoq. Tamatuma saniatigut Maniitsumi pissanganartorpassuarnik sammisaqarfiusinnaasumik unnukkut sunngiffimmi atuartoqartarpoq ukiorlu kajallallugu timersuutinik assigiinngitsunik sammisaqartoqarsinnaalluni.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1. november 2025 immikkulluunniit isumaqatigiissuteqarnikkut

Qinnuteqarfissaq kingulleq: 12. oktober 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aqutsinermut sulisussarsiniarnermullu siunnersorti Ann Birkekær Kjeldsen mailikkut: ABKJ@PEQQIK.GL attavigalugu pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk