FAKTA
Atorfiup suussusaa: Nunatsinni tarnikkut nappaatilinnut immikkoortortaq sundhedsassistentimik imal. tarnikkut nappaatilinnik peqqissaanermi assistentimik pissarsiorpoq
Suliffeqarfik: kalaallit nunaanni peqqinnissaqarfik
Qinnuteqarfissamut killigititaq: oktobarip 24-at
Attavissaq: ann birkekær kjeldsen oqarasuaatikkut imaluunniit emailikkut ABKJ@PEQQIK.GL
imaluunniit emailikkut: PERSONALE@PEQQIK.GL
Tarnikkut nappaatilinnut immikkoortortami sundhedsassistentimik, ajornanngippat tarnikkut nappaatilinnik peqqissaanermi assistentimik atorfinivittussamik pissarsiorpugut. Atorfik piffissaq suliffiusartoq tamakkerlugu suliffiusussaq 1. november 2025 immikkulluunniit isumaqatigiissuteqarnikkut inuttassarsiuunneqarpoq. Atorfik qaammatit sisamat arfinillillu akornanni taartaaffiusinnaassaaq.
Tarnikkut nappaatilinnik sullissineq inuttullu ilinniagaqassutsikkullu ineriartornissaq soqutigaagit ilinniagaqassutsillu atorusuppiuk? Taava maanna immikkoortortami tarnikkut nappaatilinnut tungiuinermik avatangiisinilu aaqqissuussinikkut katsorsaanermik inerisaanermik ukkassiviusumi, atorfiup qinnutiginissaanut periarfissaqalerputit.
Sap. ak. nal. ak. 40-it ullukkut-, unnukkut unnuamilu nikittaattunik pigaartuuffeqarluni suliffiusarput. Sap. ak. naaneri allortarlugit pigaartuusarnissaq naatsorsuutigineqassaaq.
A1 immikkoortortaavoq nunarput tamakkerlugu pinasuartumik pilersaarutaasumillu unittunik sullissiviusoq. Uninngasunut tarnikkut nappaatilinnut aqqaneq marlunnut inissaqarpoq, immikkullu nakkutigisarialinnut pingasunik inissaqarluni.
Tarnikkut nappaatilinnut immikkoortortaq ulluinnarni peqqissaasutut aqutsisumit aqunneqarpoq. Sulisut 22-it missigisaat tassaapput; peqqissaasut, sundhedsassistentit, perorsaasut pillorissaasorlu.
Immikkoortortami suliagut tassaapput tarnimikkut nappaatilinnik tungiuinermik inerisaaneq.
Inuup nammineq piginnaasaanik ikorfartuilluni peqqissaaneq, napparsimasunut nakorsaatinullu tunngatillugu isumannaallisaaneq, attaveqarneq, aaqqiagiinnginnernut iliuuseqarfiginninneq, attaveqarfiit, avatangiisini aaqqissuussinikkut katsorsaaneq, nakorsartinnermi/katsorsartinnermi napparsimasumik peqataatitsineq kiisalu tarnikkut nappaat pillugu ilinniartitsineq ukkassaraagut.
Sulinitsinni Peqqinnissaqarfimmi naleqartitat uku tunngavigaagut: Ataqqinninneq, tungiuineq, tatiginninneq ilinniagaqassuserlu. Sulininni suleqateqarninnilu sullivimmi pitsaasunik isumannaatsunillu avatangiiseqarnissamut suleqataanissat pingartipparput.
Tarnikkut nappaatilinnut immikkoortortaq A1 nunatsinni tarnikkut nappaatilinnut qitiusumik immikkoortumut ilaavoq, Dronning Ingridillu Napparsimmavissuaniilluni. Tarnikkut nappaatilinnut qitiusumik immikkoortoq nakorsatut pisortamit peqqissaasutullu pisortamit aqunneqarpoq.
Tarnikkut nappaatilinnut qitiusumik immikkoortoq immikkoortortaqarpoq uninngavimmik (A1) Nuummilu tarnikkut nappaalilinnut najukkaminniittunut sullissiveqarluni. Nakorsanik, tarnip pissusaanik immikkut ilisimasalinnik - ilaatigut internetsikkut nakorsiatitsineq aqqutigalugu nunarput tamakkerlugu napparsimasunik sullissisunik sulisulimmik ingerlalluartumillu immikkut nakorsiartitsiveqarpugut. Tamatuma saniatigut immikkoortortaq piginnaanngorsaaqqinnermik –tarnikkut nappaammit aniguinermik sammisaqarfiusumik pillorissaaveqarpoq.
Neqeroorutigagut:
- Pitsaasumik paasissutissinneqarneq
- Aqutsisut takussaasut pissarsiariuminartullu
- Immikkoortortaq sullivimmi avatangiisinik isumannaatsunik annertuumik pingaartitsiviusoq
- Avatangiisit nutaaliorfiusut eqeersimaarfiusullu ilaatigut immikkut qulequtalinnik sammisaqarfiusartut, ilinniartitsiviussartut, ikorfartoqatigiiffiusartut/supervision, isumasioqatigiiffiusartut ulluinnarnilu isumaliutiginninnissamut inissaqartitsisut.
- Sulisut atorfeqavissut amerlasuut
- Sulisut peqatigiiffianni eqeersimaartumi ilaasortaasinnaaneq
Pissarsiariniagarput:
- Sundhedsassistentitut imal. tarnikkut nappaatilinnik peqqissaanermi assistentitut ilinniarsimavoq
- Tarnikkut nappaatilinnik sullissinermik- ajornanngippat pinasuartarialinnik sullissinermik misilittagaqarpoq imal. soqutigisaqarpoq
- Pisussaaffimminik ilumoorussisuuvoq, sanngisuujuvoq pimoorussisuullunilu
- Suleqatiginnillaqqissuuvoq
- Inunnut ajornartorsiortunut attavinnik pilersitsillaqqillunilu attassillaqqissuuvoq
- Ilinniarnissaq kajungeralugulu soqutigaa
- Sullivimmi pitsaasunik isumannaatsunillu avatangiiseqarnissamut suleqataarusuppoq
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1. november 2025 immikkulluunniit isumaqatigiissuteqarnikkut
Qinnuteqarfissaq kingulleq: 24. oktober 2025
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Aqutsinermut sulisussarsiniarnermullu siunnersorti Ann Birkekær Kjeldsen mailikkut: ABKJ@PEQQIK.GL attavigalugu pissarsiarineqarsinnaapput.
Paasissutissat akissarsianut atorfininnermullu tunngasut nalinginnaasut mailikkut: PERSONALE@PEQQIK.GL attaveqarnikkut pissarsiarineqarsinnaapputtaaq.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
