Asiaq-mi aningaasaqarnermut allattoqarfimmullu pisortaq – sulianik ilisimasaqarluartunik avatan-giiseqarluni aqutsineq

Aningaasaqarnermik aqutsineq naatsorsuusiornerlu pillugit misilittagaqarluarpit sulerusussuseqartullu akornanni isumaqarluartumik kiisalu suliffiup sunngiffiullu akornanni oqimaaqatigiiffiusumi suliffeqarusuppit?Asiaq-mi immaqa taava suleqatissaraatsigit?

Atorfik pillugu

Aningaasaqarnermut allattoqarfimmilu pisortatut assigiinngisitaartunik suliassaqarlutit akisussaaffigissavatit: 

• Aningaasaqarneq naatsorsuutillu, tamatumani missingersuutinik malitseqartitsineq, ukiumoortumik naatsorsuutit aamma ukiumoortumik nalunaarutit ilanngullugit. 
• Allattoqarfimmik aqutsineq allaffissornikkullu suliassat tamatumani HR ilanngullugu. 
• Naatsorsuutinik allattuinermut system-inik aamma IT-mi sakkunik atuinermik suleqatinik ikiuineq.
• Sinaakkutitta tigussaasut tamakkiisumik atorneqarsinnaanerannik qulakkeerinninneq, tamatumani aserfallatsaaliinermik, allaffimmi atortunik IT-millu pisiniarnermik kiisalu kiffartuussisutsinnut attaveqarnermik ataqatigiissaarineq ilanngullugu.

Asiaq-mi aqutsisunut ilaassaatit sulininnilu suliffeqarfimmi pikkorissunik tunniusimasunillu sulisoqartumi periusissiat, sulisaatsit suleriaatsillu sunneeqataaffiginissaannut periarfissaqassallutit.

Ikaarsaarneq ilinniartinneqarnerlu

Massakkut aningaasaqarnermut allattoqarfimmilu pisortatut atorfeqartoq 2025-mi decembarip tungaanut atorfimminiissaaq 2025-mullu naatsorsuutit isumagissallugit. Tamanna issiaqatigiilluni ilinniartitsinissamut ingerlarataartumillu ikaarsaarnissamut periarfissiissaaq. Pisariaqassappat 2026-mi januaarimi immaqalu februaarimi avataaniit tapersersuisoqarsinnaanissaa aamma naatsorsuutigineqarpoq. 

Takorloorparput illit

• Aningaasaqarnermik, naatsorsuuserinermik assigisaannilluunniit attuumassutilimmik ilinniagaqarsimassasutit. 
• Ingerlatseqatigiiffimmi, immikkoortortami suliniutinilu aningaasaqarnermik aqutsinermik uppernarsaasikkamik misilittagaqartutit. 
• Naatsorsuutinik allattuinermut systeminik atuisinnaassasutit, ajornanngippat Uniconta-mik pisariaqartitsisoqartillugulu atuisunik ikiuisinnaassallutit paasissutissallu nakkutiginissaannik qulakkeerinnillutit.
• Namminersorlutit sulisinnaassaatit, aaqqissuussaasumik kiisalu pingaarnersiuillaqqissallutit ulluliunneqartunillu naammassinnissinnaallutit. 
• Kiffartuussisinnaassuseqassaatit allattoqarfiullu suleqatinik ikiuisinnaanissaa qulakkiissallugu ilaatigut angalanissanik inniminniinerni nunamiinnermilu ilimaginngisamik allannguuteqartoqartillugu.
• IT-mik atuillaqqissuussaatit, tamatumani Excel-imik superbrugeritut atuisinnaaneq ilanngullugu.
• Allanik suleqateqallaqqissaatit, ajornartorsiutit takkutsinnagit aaqqiissutissarsiortumillu siunertaqarlutit suleriaaseqassallutit. 

Asiaq-mi suliniutit anginerusut pissanganartut massakkut arlaliupput. Suliniutit siammaseqaat isumalerujussuullutillu inuiaqatigiinnut, avatangiisinut siunissamilu aalajangiinissanut tunngavissatut. Suliassaqarfitsinnik soqutiginnittumik suliniutinillu malitseqartitsinerni nalunaaruteqarnernilu ikiuussinnaasumik suleqatissarserusuppugut.

Asiaq pilluguAsiaq Namminersorlutik Oqartussat ataanni suliffeqarfiuvoq namminersortitaq 20-it missaannik sulisoqartoq. Pingaarnertut suliassaraavut Kalaallit Nunaanni avatangiisit tigussaasut misissornissaat nalunaarsornissaallu kiisalu suliaqarfimmi paasissutissanik katersuineq ingerlatitseqqiinerlu. Suliatigut siammasissorujussuunerput suleqatigiillu persuarsiunngitsumik, ammasumik assigiinngisitaartunillu kultureqarluni avatangiiseqarnerput ilisarnaatigaarput. Pitsaasumik toqqissisimanartumillu suliffitsinni avatangiiseqarnissarput ikioqatigiinnissamullu piareersimajuaannarnerput pingaartitaraarput. Suliffipput peqataatitsisuuvoq assigiinngisitaarlunilu, tassani suiaassutsit, ukiut, sumit kingoqqisuuneq aamma suiaassusermik sorlermik atoqateqartarneq apeqqutaatinnagit kikkut tamarmik tikilluaqquneqarlutik. 

Atorfeqarnermi atugassarititaasut

• Aningaasarsiat atorfeqarnermilu atugassarititaasut: Namminersorlutik Oqartussat aamma kattuffik attuumassuteqartoq akornanni isumaqatigiissut malillugu. Atorfik massakkut LR 38-mi inissisimavoq (immikkoortortami pisortaq 1, immikkoortoq 9).
• Atorfiniffissaq: 1. decembari 2025 imaluunniit isumaqatigiissuteqarnikkut.
• Sulisunut inissiaq: Atorfimmut atatillugu sulisunut inissiaqanngilaq. Qinnuteqartoq sulisunut inissiaqartinneqarluni Namminersorlutik Oqartussani atorfeqarsimaguni sulisunut inissiaq tigummiinnarneqarsinnaavoq. Sulisunut atorfik atorfininnermi atugassarititaasunut attuumassuteqarpoq atorfeqarnerlu taamaatinneqarpat qimanneqassalluni.
• Nutsernermut angalanermullu aningaasartuutit: Atorfininnermi ilinnut, immaqalu aapparisannut meeqqannullu kiisalu ukiuni ikinnerpaamik pingasuni atorfeqareerluni soraarnermi aningaasartuutit matussuserneqassapput.

Paasissutissat amerlanerusut

Attavissaq: Pisortaq Mette Skarregaard Pedersen 

• E-mail: msp@asiaq.gl 
• Oqarasuaat: +299 52 98 44. 

Asiaq pillugu paasisaqarnerugit: asiaq.gl

Inoqatinut attaveqatigiiffinni malinnaaffigaluta ulluinnarni atukkavut suliffippullu pillugit paasisaqarit Asiaq Facebook aamma Asiaq LinkedIn

Imannak qinnuteqassaatit:

• Qinnuteqaat, CV ilinniarsimanermillu uppernarsaatit una aqqutigalugu nassiutissavatit https://asiaq.career.emply.com/da/karriere.
• Qinnuteqarnissamut killissarititaasoq: Kingusinnerpaamik sapaammi ulloq 5. oktobari 2025

Qinnuteqartunik oqaloqateqarnissamut ataavartumik aggersaasassaagut.

Qinnuteqarna