Marlunnik perorsaasutut ilinniarsimasunik meeqqat angerlarsimaffiat Sarliaq pissarsiorpoq

Meeqqanik inissinneqarsimasunik sulinissamik nuannarisaqarpit, allanngueqataarusullutillu?

Børnehjemmet Sarliaq ilulissaniittumi ulloq unnuarlu angerlarsimaffiuvoq, meeqqanut inuusuttunullu inissinneqarsimasunut naatsorsuussaq. Katillugit meeqqat inuusuttullu 20-it tikillugit inissinneqarsinnaapput, immikkoortunut pingasunut agguarneqarsimallutik. Aggoqatigiinneq amerlanertigut ukiuinut tunngatinneqartarpoq. Meeqqat inissinneqarsimasut peroriartorneranni isumassorneqannginneq imaluunniit atornerluineq nalaassimavaat, aammalu Kalaallit Nunaata tamarmiusup sumiiffiinit assigiinngitsuneersuullutik.

Sarliaq-mi attaveqaqatigiinnermut tunngasumik perorsaanermik, meeqqanik inuusuttunillu ataqqinnittumik akuersaarinnittumillu isiginnittumik suleriaaseqarpugut. Sulinermi aaqqissuussaasumik sinaakkuteqartumik avatangiiseqarnissaq pingaartipparput, meeqqallu inuusuttullu akuersaarinnittumik periaaseqarluni naapinnissaat pingaartillugu.

Meeqqat inuusuttullu ulluinnarni toqqissisimanartumik aaqqissuussaasumillu inuunissaat pingaartipparput, tassani atuarneq, sunngiffimmi sammisassat aammalu suliffeqarfiup avataani inooqatigiinneq ilanngullugit. Sapaatip-akunnerisa naanerini aamma sulinngiffeqarfinni meeqqat inuusuttullu pinngortitami pitsaasunik misigisaqartinnissaat anguniartarpavut, ilaatigut illuaqqanut angalanerit, piniariarnerit, sisorariarnerit kiisalu illoqarfimmi aaqqissuussanut assigiinngitsunut peqataatitsinerit aqqutigalugit.

Ilinnut naatsorsuutigaarput:

• Suliffimmi patajaatsuullutillu akisussaassuseqartuusutit.

• Suliffimmik aaqqissuussamik ingerlatsisinnaasutit inersimasunillu ersarissumik maligassiuisinnaasutit.

• Meeqqanik inuusuttunillu inissinneqarsimasunik sulinermik misilittagaqartutit.

• Ilinniagaqarsimanissat imaluunniit meeqqat inuusuttullu inissinneqarsimasut pillugit sulinermik naleqquttumik misilittagaqarnissat.

• Meeqqanut inuusuttunullu sammisassanik isumalinnik pilersaarusiorsinnaasutit aaqqissuussisinnaasullu.

• Nunaqarfinni koloni- aamma suliniutinut angalanernut ulluni 14-ini tikillugu peqataasinnaasutit.

• Suliffimmi piffissat allanngorartut atorlugit sulisinnaasutit, soorlu ullaakkut unnukkullu, kiisalu piareersimasussaatitaalluni paarisarsinnaasutit.

• Kalaallisut qallunaatullu oqaatsinik marlunnik atuilluarsinnaasutit.

Neqeroorutigaarput:

• Suliffik pissanganartoq assigiinngisitaartorlu, suliatigut piginnaasat qitiutillugit.

• Ilinniartitaanerit supervision-ilu aqqutigalugit suliatigut ineriartornissamut periarfissat.

• Suliffik, meeqqanut inuusuttunullu tunngasunik nammineq isumassarsiannik siunnersuutinnillu saqqummiussisinnaaffiusoq aammalu piviusunngortitsisinnaaffiusoq.

• Suleqatit pitsaasut, suleqatiminngaaniit siunnersorneqarnissamut supervision-imullu piareersimasut.

• Sapaatip-akunneranut 40 tiimit suliffiusussaq.

Suliffik pillugu paasissutissanik amerlanerusunik pisariaqartitsiguit, attavigisinnaavat:

Fg. Forstander Sofie Jensen

Tlf.: +299 94 65 01

E-mail: sj@sarliaq.gl

imaluunniit

Fg. Souschef Ane Karen Fly

Tlf.: +299 94 65 09

E-mail: af@sarliaq.gl

Qinnuteqarnissamut killissarititaq: 18.12.2026

Akissarsiat atorfeqartitaanermilu atugassarititaasut

Akissarsiat atorfeqartitaanermilu atugassarititaasut, ilanngullugit atorfininnermi soraarnermilu angalanissamut aammalu pigisat nuunneqarnissaannut pisinnaatitaaffiit, atorfininnermi atuuttumik isumaqatigiissut/overenskomst Kalaallit Nunaanni Namminersorlutik Oqartussat aamma kattuffiup isumaqatiginninniarsinnaatitaasup pineqartup akornanni atuuttoq naapertorlugu aalajangersarneqassapput.

Inissaq

Atorfininnermut atatillugu sulisunut inissiaq inigineqarsinnaasoq, piffissami pineqartumi maleruagassat atuuttut naapertorlugit, innersuunneqarsinnaavoq. Inunnut sulisunut inissiamik imaluunniit kommunimit imaluunniit Kalaallit Nunaanni Namminersorlutik Oqartussanit pigineqartumik allamik inissiamik peqareersunut inissaq innersuunneqarsinnaanngilaq.

Inissiap attartornera aamma depositumi akiligassat, inissiap pineqartup maleruagassat atuuttut naapertorlugit akilerneqassapput. Sulisunut inissiaq atorfeqarnermut attuumassuteqarpoq, taamaattumik atorfeqartitaanerup unitsinneqarnerani qimanneqassaaq.

Inissiap attartornera aammalu inissiap pitsaassusaa assigiinngissinnaavoq, ilaatigut inissiap pisoqaanera, piginnittuunera il.il. apeqqutaatillugit.

Sulisunut inissiamik ataavartumik innersuunneqarnissamut utaqqinissaq pisinnaavoq. Taamaattumik utaqqinermi inissiaqarallartinneqarsinnaavoq, ilaatigut ineqatigiiffinni mikisuni imaluunniit hotel-imi inissiani, taakkunanilu ineqarnermut akileraaruteqartoqartassaaq.

Sulisunut inissiani imaluunniit inissiani utaqqiisaasumik atorneqartuni uumasuutinik angisuunik, soorlu qimmeq imaluunniit qitsuk, pititsinissaq periarfissaanngilaq.

Qinnuteqarnissamut

Qinnuteqaat, CV, ilinniarsimanermut uppernarsaatit, pikkorissarsimanermut uppernarsaatit kiisalu allagaatit allat attuumassuteqartut nassiunneqassapput “SØG JOBBET” toorlugu.

E-mail-ikkut qinnuteqaatit tiguneqassanngillat.