Peqqissutsimi paasissutissanut aamma pisortanut ilisimatitsinernut BI-siunnersorti

Kalaallit Nunaanni peqqinnissaqarfimmi pitsaanerusumik pilersaarusiornermut paasissutissanik tunngavigisalioqataarusuppit?

Pisortanut ilisimatitsinermik aaqqissuussiffiup nutaap inerikkiartortinneranut BI-siunnersortimik Kalaallit Nunaanni Peqqinnissaqarfik inuttassarsiorpoq. Suliarisanik piginnaasanillu pilersaarusiornermut, isumalluutinik pingaarnersiuinermut, aammalu ingerlatsiffimmi allanngoriartorfimmik malittarinninnermut tutsuiginartumik tunngavimmik aaqqissuussiffik pisortanut aamma nakorsartitsinermik suliassaqarfinnut tunniussaqassaaq.

Ullumikkut ilaatigut suliaqarnerit, utaqqisoqarfiit, aamma aningaasaqarnerit pillugit paasissutissat IT-mi aaqqissuussiffinni assigiinngitsuni inissisimapput. Ukiut tullinnguuttut marlussuit ingerlanerini paasissutissanik tunngavigisamik ataatsimoorussamik sanaartugaqassaagut, aammalu ulluinnarni sulinerminni pisortat aamma nakorsartitsiffittut suliassaqarfiit atorsinnaasaannik nalunaarusianik ingerlatariuakkatut inerikkiartortitsissalluta. Aamma suliassami ilaavoq datawarehousimik nutaamik pilersitsineq, taanna aaqqissuussiffiit killeqarfiinik qaangiisunik paasissutissanik atuinermik oqilisaassalluni.

BI-siunnersortitut paasissutissanik katersuinermi ilusilersuinermilu, aammalu iluserisanik sanaartorlunilu aserfallatsaaliuinermi qitiusumik inissisimaffik pissarsiarissavat, qanimut suleqatigissallugit aningaasaqarnermi suleqatit pikkorissut sisamat, aammalu IT-mik immikkoortoqarfipput suleqatigissallugu.

Suliassatit ilaatigut makkuujumaarput:

• Siulersuisoqarfimmut aamma pisortaqarfimmut paasissutissanut ilutsinik, dashboardsinik, aammalu nalunaarusiortarnikkut iluarsiissutinik inerikkiartortitsinerit

• Pilersaarusiornermik aamma malitseqartitsinermik tapersersuisunik digitaalikkut sakkunik, aamma nammineq ingerlatittutut iluarsiissutinik inerikkiartortitsinerit

• Aaqqissuussiffinnit, aamma paasissutissanut najoqqutaqarfinnit assigiinngitsunit paasissutissanik naleqqersuussillunilu ilusilersuinerit

• Peqqinnissaqarfimmi killeqarfiit qaangerlugit paasissutissanik tunngavimmik aamma datawarehousimik nukittuunik atorneqarsinnaasunillu pilersitsinerni ilassuteqarnerit

• Inerikkiartortitatut suliniutinut ilassuteqarnerit, aammalu aaqqissuussiffimmi killeqarfiit qaangerlugit pitsanngorsaanissamut sunniuteqarluartitsinissamullu piukkunnaatinik suussusersinerit

Ima ittuunissat takorluugaraarput:

• Power BI-mi, imaluunniit assingusutut BI-mik sakkumi paasissutissanut ilutsinik aamma nalunaarusianik sanaartortarnerni akunnaatsunik misilittagalik

• Najoqqutassaqarfinnit arlalinnit paasissutissanik suliaqarsinnaasoq, aamma assersuutigalugit SQL-imit, Power Querymit, DAX-imit, imaluunniit assingusutut sakkunit misilittagalik. Paasissutissanik suliaqarnermut, aamma imminik ingerlatarisitsisarnermut Pythonimik, imaluunniit allatut ingerlatsissusiortarnermik misilittagaqarneq iluaqutaassaaq

• Atuisartut pisariaqartitaannik paasinnissinnaasoq, aammalu atornissaannik aserfallatsaaliugarinissaallu pisariunngitsunik taakkuninnga iluarsiissutinngortitsisinnaasoq

• Attuumassutilimmik ilinniakkamik naammassinnissimasoq, imaluunniit assingusutut misilittagaqartoq. Tunngavigisatit assersuutigalugit aningaasaqarnerup, business analyticsip, paasissutissat pillugit ilisimatusarnerup, ingeniøritut suliaqarnerup, IT-p, imaluunniit datalogiip iluinissinnaapput.

Immikkoortoqarfik pillugu

• Atorfik aaqqissuussiffimmi Aningaasaqarnermut immikkoortoqarfimmi inissisimavoq, tassaalissaarlu missingersuusiornermik suleqatigiit ilagisaat.

• Ilaatigut missingersuusiornermut, aningaasaqarnermik aqutsinermut, misissueqqissaarinernut, aamma pisortanut paasissutissiisarnermut akisussaaffilittut aningaasaqarnermut immikkoortoqarfik tassaavoq qitiusutut atorfilittani atuuffiusoq. Immikkoortoqarfik pisortaqarfimmik, aamma Kalaallit Nunaata tamarmiusup killeqarfii qaangerlugit aaqqissuussiffiusuni pisortaqarfinnik tapersersuisuuvoq.

• Taamaattumik siamasissumik attaveqarfissarsissaatit, aammalu peqqinnissaqarfimmi tamarmiusumi nakorsartitsinermik, aamma allaffissorfinni sulisuusunik suleqateqarnissamut periarfissarsissallutit.

Makkuninnga neqerooruteqarpugut

Atorfik nutaatut pilersitaq, paasissutissalerinermik suleqatigiinnik nutaanik pinngortitaqarnerup sunniiffiginissaanut annertuumik periarfissaqarfilik

Suliffeqarfik qaffasissumik sulianut tunngasutut ingerlattagaqarfilik, pimoorussalinnik suleqateqarfilik, aamma annertuumik namminersuuteqarsinnaaffilik

Sulianut tunngasutut ingerlattakkat inerikkiartortinnissaannut, aammalu Kalaallit Nunaata peqqinnissaqarfianut tamarmiusumut pingaarutilinnik suliassaqarnermut periarfissatsialaat

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. januar 2027 imaluunniit isumaqatigiissutigisaq malillugu

Qinnuteqarfissaq kingulleq: Ull. 1. december 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: aningaasaqarnermut pisortami Maria Rasmussenimi pissarsiarineqarsinnaapput, ukunatigut: oq. +299 24 89 58 imaluunniit e-mail MRSS@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Piginnaasatit aamma misilittagaqarnitit apeqqutaallutik specialkonsulentitut, imaluunniit chefkonsulentitut atorfinitsitaanissamut periarfissaqarsinnaavoq.

Atorfiup sumiiffigisaa

Kalaallit Nunaanni Nuummi atorfik inissisimaffeqarpoq.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.