Peqqissutsimi paasissutissanut aamma pisortanut ilisimatitsinernut misissueqqissaarinermut siunnersorti

Kalaallit Nunaanni peqqinnissaqarfimmi pitsaanerusumik pilersaarusiornermut paasissutissanik allanngortitseqataagit!

Pisortanut ilisimatitsinermik aaqqissuussiffiup nutaap inerikkiartortinneranut misissueqqissaarinermut siunnersortimik Kalaallit Nunaanni Peqqinnissaqarfik inuttassarsiorpoq. Suliarisanik piginnaasanillu pilersaarusiornermut, isumalluutinik pingaarnersiuinermut, aammalu ingerlatsiffimmi allanngoriartorfimmik malittarinninnermut tutsuiginartumik tunngavimmik aaqqissuussiffik pisortanut aamma nakorsartitsinermik suliassaqarfinnut tunniussaqassaaq.

Aaqqissuussiffiup tunngavigisaanik paasissutissanik tamakkuninnga qularnaarinissamut qitiusutut inissisimaffik pissavat. Nakorsartitsinermik suliassaqarfiit tamakku peqatigalugit paasissutissat qanoq nalunaarsorneqartarnerinik, sanioqqutitsinerit suunerinik nassuiaasuinernik, aammalu kisitsisit sunut atorneqarsinnaanerinik misissuisassaatit. Pinngitsuugassaanngitsutut kisitsisinik nassuiaaqataassaatit, peqqinnissaqarfimmi suliarisanik misissueqqissaarissallutit, aammalu Power BI-mi atuisartunik, aamma teknikkip tungaatigut suleqatigisat suleqatigalugit nalunaarusianik inerikkartortitsissallutit. Pingaarnerpaaq tassaavoq paasissutissani periarfissanik takusaqarsinnaanerit, aammalu aaqqissuussiffimmut naleqartunngortitsisinnaanerit.

Immikkoortoqarfik pillugu

Aningaasaqarnermut immikkoortoqarfimmi missingersuusiortartoqatigiit ilaaffigilissavatit, tamaanilu suleqatigilissavatit pisortatut siunnersorti ataaseq, aamma missingersuutinut siunnersortit marluk. Aningaasaqarnermut immikkoortoqarfik missingersuusiornermik, aningaasaqarnermik aqutsinermik, misissueqqissaarinernik, aamma pisortanut paasissutissiisarnernik pisortaqarfimmik aamma peqqinnissaqarfiup immikkoortoqarfiinik tapersersuisuuvoq. Atorfimmi Kalaallit Nunaanni tamarmiusumi nakorsartitsinikkut, aamma allaffissorfinni suleqatinut siamasussumik attaveqarfeqalissaatit.

Suliassatit ilaatigut makkujumaarput:

• Paasissutissat pitsaassusissaat qulakkeerlugillu tatiginartunngortinneri, aamma nalunaarsuinermik periuserisat pitsanngorsarnissaat pillugit nakorsartitsinermik suliassaqarfinnik suleqateqarnerit

• Siulersuisoqarfimmut pisortaqarfimmullu pinngitsuugassaanngitsutut kisitsisit nassuiarneri, aammalu Power BI-mi nalunaarusianik aamma dashboardsinik inerikkiartortitsinerit

• Ingerlatsinermi allanngoriartornermik qaammarsaaniarluni, aammalu pitsanngorsaanissamut periarfissanik taakkartuiniarluni suliaqarnerit, piginnaasat, pitsaassutsit, aamma aningaasaqarneq pillugit paasissutissanik misissueqqissaarinerit

• Pilersaarusiornermut, pingaarnersiuinermut, aamma isumalluutinik atugaqarnermut aalajangiinissamut misissueqqissaarinerit tunngavigisassanngortinneri

Ima ittuunissat takorluugaraarput:

• Assersuutigalugit paasissutissanik misissueqqissaarinerup, naatsorsueqqissaarinerup, aningaasaqarnerup, inooqatigiinnik ilisimatusaatit, inuit peqqissusiaannik ilisimatusaatit, imaluunniit peqqissutsimik informatikkip iluini attuumassutilittut ilinniakkamik naammassinnissimasoq

• Paasissutissanik suliaqarnermik, pitsaassusissaannik qularnaarinernik, aamma misissueqqissaarinernik akunnaatsumik misilittagalik

• Aaqqissuussiffimmi inissisimaffinni tamani inunnut sulianut tunngasutut ingerlattakkani assiginngitsunik tunuliaqutaqartunut misissueqqissaarinernik aamma inernerisanik paatsuugassaanngitsumik paasisitsiniuteqarsinnaasoq

• Power BI-mi, assingusutulluunniit BI-mi sakkumi nalunaarusianik inerikkiartortitsinermik misilittagaqarneq, SQL-imi paasissutissanik tigusaqartarnernik misilittagaqarneq, aammalu Excelimi nukittuunik piginnaasaqarneq tamarmik immikkut iluaqutaasutut naatsorsuussaapput

Makkuninnga neqerooruteqarpugut

Atorfimmi pilersitami nutaami tassani Kalaallit Nunaanni peqqinnissaqarfimmi tamarmi napparsimasunut aamma sulisunut iluaqutaatilerlugit paasissutissat aamma misissueqqissaarinerit pitsaanertut aalajangiussanngortinnerini annertuumik sunniuteqarfimmik pissarsissaatit. Tassaalissaatit sulianut tunngasutut ingerlattakkani nukittuutut avatangiisaasuni ilaasoq, tamaani pimoorussalinnik suleqateqassallutit, suliassat iluarsiiviginerini annertuumik namminersuuteqarsinnaaffimmik pissarsissallutit, aammalu sulianut tunngasutut ingerlattakkatigut inerikkiartornissannut periarfissatsialaqassallutit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 1. januar 2027 imaluunniit isumaqatigiissutigisaq malillugu

Qinnuteqarfissaq kingulleq: Ull. 1. december 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: aningaasaqarnermut pisortami Maria Rasmussenimi pissarsiarineqarsinnaapput, ukunatigut: oq. +299 24 89 58 imaluunniit e-mail MRSS@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Piginnaasatit aamma misilittagaqarnitit apeqqutaallutik specialkonsulentitut, imaluunniit chefkonsulentitut atorfinitsitaanissamut periarfissaqarsinnaavoq.

Atorfiup sumiiffigisaa

Kalaallit Nunaanni Nuummi atorfik inissisimaffeqarpoq.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.