Meeqqanut Atuarfeqarnermullu Ingerlatsivik - Ulluunerani neqeroorutinut immikkoortortaq

Meeqqanut Atuarfeqarnermullu Ingerlatsivik - Ulluunerani neqeroorutinut immikkoortortaq

Ulluunerani neqeroorutaatitta amerlasuut ineriartortinnerat pitsaassusissaatalu qulakkeernerat peqataaffigerusukkukkit, matumuuna periarfissaqalerputit. Perorsaanikkut ineriartortitsinikkut siunnersortimik pissarsiorpugut.

KIDS-modeli aallaavigalugu ulluunerani neqeroorutini pitsaassutsimik ineriartortitsinermik suliaqarpugut. Pingaarnertut suliassat tassaassaaq ullut tamaasa ulluunerani neqeroorummiittarnissat ulluunerani neqeroorummi sulisunik KIDS-imiit ukkatarisassatut immikkoortut aallaavigalugit ilitsersuinermi peqataanissat siunertaralugu.

Uagut meeqqat tamaasa ineriartornissamut pitsaanerpaanik periarfissaqarnissaat qulakkiissallugu anguniagaraarput.

Ingerlatsivimmit suliat ingerlanneqarput anguniakkat tulliuttut aallaavigalugit

∙Meeqqat alapernaatsut, tatituut, peqqissut nuannaartullu pilersitseqataaffigissavagut

∙Kalaallit Nunaanni meeqqerivinnik atuarfinnillu meeqqanik tamanut inissaqartitsisunik pitsaanerpaamik peqassaagut

∙Sulisut piukkunnaatillit takorluuisinnaasut, akisussaaffimminnik ilisimaarinnittut malinnittullu piginerat

Meeqqanut pitsaasumik akuersaartumillu isiginnittaaseqarneq suleriaaseraarput, meeqqat tamaasa immikkuullarissutut piginnaaneqartullu, nukissaqartut aamma ineriartornissaminnut ilippanaateqartut isigalugit. Illit perorsaanermik ineriartortitsinikkut siunnersortitut qulakkeerinneqataassaatit.

Illit suliassatit

∙Ullut tamaasa ulluunerani neqeroorummiinneq (Kommune 25-nik ulluunerani neqerooruteqarpoq Nuummi, Paamiuni, Tasiilami, Ittoqqortoormiini agguataarsimasut)

∙KIDS-imiit ukkatarisassatut immikkoortut aallaavigalugit sulisunik ilitsersuussinermi peqataaneq

Makkua naatsorsuutigaagut:

∙Suliassaqarfimmi ilisimasanik nutaanik pissarsiniartartuusutit, kiisalu atuagarsornikkut ilisimasat misilittakkallu ataqatigiinneri ingerlateqqissinnaagitit

∙Ulluunerani neqeroorutinut suliassaqarfimmi suliassat siammasissut iluanni illit sulininnut tamakkiisumik isiginnissinnaasutit ataqatigiissaarisinnaasutillu

∙Paamiunut, Tasiilamut Ittoqqortoormiinullu kisimiillutit aallarnissannut periarfissaqartutit

Sulianut tunngasutigut piginnaasat:

∙Perorsaasutut ilinniarsimasutit, ajornanngippat ilinniaqqinnermik ilalerlugu ilinniagaliusutit

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Marianne Schmidt Lund, oqarasuaat +299 36 73 09 imaluunniit e-mail: mslu@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1095-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 13.-at, 2025

Atorfik una qinnuteqarfigiuk