Pillorissaasut aamma timimik sungiusaasut timimik sungiusaasumik sulisussarsiorput

Kommuneqarfik Sermersuumi pillorissaasut aamma timimik sungiusaasut suleqatigiinni inersimasunut suliassaqarfimmi timimik sungiusaasumik sulisussarsiorput.

Timimik sungiusaasumik ujaasivugut utoqqarnut suliassaqarfimmi pingaarnertut suliaqartussamik, ajornanngippat novembarip aallaqqaataanit. 2025 imaluunniit tamatuma kingorna piaartumik.

Nuummukarusuppit tamaanilu eqimattat sungiusarnerpassuinik suliaqarlutit taamatullu Kalaallit Nunaata Kangianut sulinermut atasumik angalasarlutit, taava atorfik una immaqa ilinnut piukkunnarpoq. Suleqatigiittut innuttaasut qanorluunniit ukiullit timikkut, eqqarsartaatsikkut, malugissutsikkut aamma/imaluunniit tarnikkut piginnaanikillisimasut ulluinnarni nammineersinnaassuseqarnerat anguniarlugu suleqataavugut. Taamaaliortarpugut ulluinnarni sammisassat isumaqarluartut aqqutigalugit, innuttaasut piginnaasaminnik attassiinnarnissaat siunertaralugu, kisimiitillugit imaluunniit eqimattani sungiusarlugit, naliliinernik, akuersissuteqarnernik aamma iluaqusersuutinik angisuunik mikisunilluunniit tunniussisarpugut, taakkua tamarmik innuttaasup nammineersinnaaneranut, periarfissaqarneranut aamma namminneq oqaasissaqaqataanerannut iluaqutaapput.

Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqat, Inersimasut, Piginnaanngorsaqqiineq aamma Innarluutilinnik Tarnimikkullu napparsimasunik suliassaqarfik, kiisalu pillorissaasoq ataaseq teknologii atorlugu isumaginninnermi suliniutinut immikkut akisussaavoq. 

Ulluinnarni Nuummi suliffeqassaatit kisianni ukiumut minnerpaamik 2-riarlutit sulininnut atasumik angalassaatit. 

Suliaqarfiit assigiinngitsut qanimut suleqatigalugit illit Kommuneqarfik Sermersuumi suleqatigiit peqatigalugit inersimasunut/utoqqarnut suliassaqarfimmik ineriartortitseqataarusullutit sunniuteqaqataarusukkuit, taava illiuvoq uagut suleqatigerusutarput!

Atorfik Nuummi allaffeqarfimmi ataatsimoorussami ulloq naallugu sapaatip akunneranut 40 tiimit suliffiuvoq.

Timimik sungiusaasup suliassai:

∙Innuttaasut timikkut aamma/imaluunniit eqqarsartaatsikkut piginnaanikillisimasut nukiminnik atuisinnaanissaannut sapinngisamillu eqeersimaartumik inuuneqarnissaannut suleqataaneq.

∙Sammisassaqartitsivinni utoqqaat illuini angerlarsimaffinnilu piginnaasanik attassiinnarnissaq siunertaralugu sungiusarneq. Immaqalu naluttarfimmi sungiusarneq.

∙Sungiusarnermut ilitsersuinermut naliliinermullu tunngasunik angerlarsimaffimmut pulaarnerit.

∙Iluaqusersuutissanik aamma inigisami allannguinernut qinnuteqaatinik suliaqarneq

∙Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq

∙Suliassaqarfinnut allanut, kommunip utoqqarnik paaqqutarinniffiini sammisassaqartitsiviinilu suleqatigilluartakkani paasissutissanik ingerlatitseqqiillaqqissoq.

∙Allaffissornikkut suliassat:

∙Susassaqarfiit arlallit suleqatigiinnerat.

∙Pillorissaasut aamma timimik sungiusaasut suleqatigiinni suliassaannik kivitseqataaneq.

Pisariaqartitarput tassaavoq:

∙Timimik sungiusaasoq ilinniarsimasoq

∙Ajornanngippat utoqqarnut suliassaqarfimmi misilittagalik.

∙Nammineersinnaassuseqarneq sulinermilu nammineq aaqqissuussisinnaaneq.

∙Isumassarsiullaqqissuusutit iliuuseqarusussuseqartoq sulianullu eqqarsallaqqissuseqarneq.

∙Kulturini assigiinngitsuniissinnaaneq.

∙Sungiussianeq aamma allanngueriaannaassuseqarneq

∙Suleqatigiinnut suleqataalluarneq, ammasoq inissaqartitsilluarnerlu.

∙Ingerlatitseqqiilluarsinnaaneq - suleqatigiinnullu allanut ilinniartitsilluarsinnaaneq

∙Ajornanngippat iluaqusersuutinik misilittagaqarneq.

Neqeroorutigaavut:

∙Pitsaasumik ilisarititsineq.

∙Suliffeqarfik pissanganartoq illit annertuumik sunniuteqarfigisinnaasat

∙Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq

∙Suliassat assigiinngiiaartut pissanganartullu

∙Suleqatit pikkorissut piumassusillillu.

Upperaarput suliatigut piginnaasat, assigiinngissuseq ataatsimoornerlu siunissami ungasinnerusumi suliassanik pitsaasumik ingerlatsinermut aqqutissaasut. Taamaattumik suliniutinik nutaanik, suliatigut uagutsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput!

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pillorissaasut aamma timimik sungiusaasut suleqatigiinni aqutsisoq Heidi Paneeraq Møller, oqarasuaat +299 27 49 85 imaluunniit e-mail: hepm@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 923-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 24.-at, 2025

Atorfik una qinnuteqarfigiuk