Stabimut allatsimik

Allatsimik kajumissusilimmik suliaqarfimullu pikkorissumik ujaasivugut, aqqissuussillaqqissumik allaffissornermilu suliassanik tamakkiisumik isiginnissinnaasumik.

Siusinnerusukkut allatserput ingerlatsivimmi aqutsisutut atorfimmut ingerlaqqikkami, tamannalu tulluussimaarutigeqaarput! Imannak inissisimarusukkatta, immikkoortortaq sulisullumi piginnaasatsinnik ineriartortitsissasugut.

Suut neqeroorutigaagut?

Suliassat pissanganartut neqeroorutigaavut, illit isummat pingaartinneqarpoq, aqutsisunik qanimut suleqateqarneq suliassaqarfimmilu siunersiueqatigiinneq – immikkoortortaqarfimmi suliassaqarfimmut inooqataanikkullu sullivimmi atugassarititaasut pitsaasuunik neqerooruteqartumi.

Suliffimmi sunniuteqaqataaneq aamma nammineq atorfimmilu ineriartornissaq periarfissaapput. Sullivimmi pitsaasunik atugassaqartitsivugut, ataatsimoorluta kivitsisuuvugut sulinittalu nalaani ilumoorsaarpallaanngitsumik oqaloqatigiissinnaavugut.

Ilaatigut makkuninnga suliaqartassaatit:

·Allatsisutut suliassat siunnersuisoqatigiinnut aamma innersuussinermut ataatsimiititani (oqaluuserisassat, imaqarniliat, allaffimmi suliassat isumagineri, nalunaarsuisarneq)

·Sulianik saqqummiussinerit politikkikkut oqaluuserisassat

·Suliffeqarnermut Isumaginninnermullu Ingerlatsivimmut allakkanik suliarinninneq ingerlatitseqqiinerlu

·Ilinniartunut akisussaaneq tiguneqarsinnaavoq (misilittakkat aamma piginnaasat apeqqutaallutik)

·Suliassat allat pisariaqartitsineq tunngavigalugu (ilaatigut assammik suliassat)

Ilinnit suut naatsorsuutigaavut?

Allatsitut atorfimmi atorfilittanut allaffimmi suliassat pilersaarutit malillugit eqqortumillu ingerlanissaannut peqataasoqassaaq.

Naatsorsuutigaarput:

·Allaffimmiutut ilinniarsimasutit, bacheloritut imaluunniit taassuma ilaanik allaaserinnillutit naammassisaqarsimasutit

·IT-mut piginnaaneqarluartutit sulinitsinni office atugaraarput kiisalu suliamik sullississutit toqqorterinermillu aaqqissuussat tamarmik elektroniskiupput

·Allattariarsornikkut oqaasiinnakkullu kalaallisut qallunaatullu piginnaasaqartutit

·Pisortat ingerlatsinerannit misilittagaqartutit aamma/imaluunniit soqutigisaqartutit

·Suleqatigiinnermut piginnaaneqarluartutit aamma sullisserusuttuusutit

·Namminersorlutit aamma aaqqissuussaasumik sulisinnaasutit

·Suliffimmi persuarsiorfiunngitsumi ataatsimoorlunilu sulianik kivitseqatigiiffiusumi sulinermik nuannarisaqartutit

Suliassanik suliarineqartuartussanik kisianni aamma suliassanik sammisassanillu nutaanik suli misilittagaqarfiginngisannik ingerlatsinissamik kajumigisaqartoq ujarparput.

Suleqatitsialammik immikkoortortaqarfimmi suliatigut pimoorussisumik ataatsimoornermilu akoorusuttumik ujaasivugut.

Suliffik pillugu

Suliffeqarnermut Isumaginninnermullu Ingerlatsivimmi utoqqarnut suliassaqarfimmi, Inununnut innarluutilinnut tarnimikkullu nappaatilinnut Immikkoortortaqarfimmi (meeqqat inersimasullu) kiisalu suliffeqarnermut isumaginninnermullu sullissivimmi suliassat suliarineqartarput. Ingerlatsivik kommune tamakkerlugu immikkoortortaqarpoq, paaqqinniffeqarluni sulisoqarlunilu.

Stabi kiffartuussiviuvoq, ingerlatsiviullu iluani pisortamut aamma fagchefimut ikiuuttussaavoq. Taakkua saniatigut Stabimit politikkikkut ataatsimiititat kiffartuunneqarput - pingaartumik Isumaginninnermut aamma Inunnut Innarluutilinnut Ataatsimiititaq kiisalu Utoqqarnut Isumassuinermullu Ataatsimiititaq.

Stabimi suleqatigiiupput pimoorussilluartut qulit missaanniittut, assigiinngitsunik ilinniagallit misilittagallillu, taakkulu tamarmik atofilittanut pisortaq aqutsisoraat, taannalu illit qaninnertut aqutsisorissavat.

Tusarfiginissat qilanaaraarput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef-i Lise Bucherdt, oqarasuaat +299 36 71 72 imaluunniit e-mail: lipt@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 799-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 21.-at, 2025

Atorfik una qinnuteqarfigiuk