Tasiilami akuleriinnik meeqqerivik Pingajeqqad tullersortissarsiorpoq

Tasiilami akuleriinnik meeqqerivik Pingajeqqad tullersortissarsiorpoq.

Tullersortitut atorfik aamma meeqqat inuunerissut pingaartippigit? Tamakkiisumik isiginnittariaaseqarpit aamma nammineq allalluunniit "suliai arlallit" tigummisinnaavigit sulilu qungujulallutit - taava immaqa ILLIT tassaavutit, Tasiilami akuleriinnik meeqqerivik Pingajeqqad pissarsiarerusutarput.

Akuleriinnik meeqqerivik Pingajeqqad meeqqanut 88-inut 0 – 6 ukiulinnut inini 6-inni agguataaqqasuni inissaqarpoq. Meeqqerivik Tasiilamiippoq aamma 22-nik sulisoqarluni, aqutsisoq ilanngullugu. 

Ammarsarfiit: Ataasinngornermiit tallimanngornermut nal: 7:00 – 17:00

Ilisarnaatigaarput :

∙Attaveqaqatigiilluarneq

∙Toqqissisimatitsineq

∙Tatigeqatigiinneq

∙Akuersaartuuneq

Anguniagaraarput :

Pilersissallugit suleqatigiit akulerulluarsimasut, tunniussimalluartut, persorsaanermullu tunngasut ineriartortinnissaanut anguniaqaqatigiittut, attaveqaqatigiinnikkut suleqatigiinnikkullu sulisut immikkut piginnaaneqarfii pingaartillugit anguniakkanut inissaqartitsinikkut atorluarnerisigullu meeqqanut inerikkiartuutaasumik sunniuteqaqatigiinnissaq.

Aqutsisup tullersorti peqatigalugu meeqqanut, angajoqqaanut sulisunullu iluaqutaasumik meeqqeriviup inerisarneqarnera sulissutigisussaavaa. 

Meeqqanut Atuarfeqarnermullu Ingerlatsiviup Meeqqat alapernaatsut, tatitussusillit, peqqissut nuannaartullu pilersinnissaat anguniagaraa. Anguniakkat anguneqarnissaannut illit aqutsisoq qanimut suleqatigalugu ukkatarinissai naatsorsuutigineqarpoq.

Naatsorsuutigaarput illit

∙Perorsaasutut ilinniagaqarsimasutit

∙Suleqatikkuminarlutit suliatigullu piginnaasaqarluarlutit.

∙Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaanik malinninneq aamma malitseqartitsineq, saniatigullu politikikkut periusissiat anguniakkallu malillugit sulineq.

∙Pisariaqartumik malinnaasinnaassuseqartutit

∙Sungiussiasuusutit aalajaatsuullutillu

∙Meeqqanut, sulisunut angajoqqaanullu tusaajumassuseqartutit

∙Meeqqat sulisullu akornutaannut taarsiullugu periarfissanik takunnittartutit

∙Meeqqanik sullissinermi perorsaanermik sulinermi sulisunik ilitsersuisinnaallutillu siunnersuisinnaasutit

∙Sulisut assigiinngitsutaannik atuinissamik paasisimasaqartutit

∙Tullersortitut ersarittuuneq pisunullu peqataasarneq.

∙IT/qarasaasiamut piginnaasaqarneq.

∙allaffissornikkut aningaasaqarnikkullu aqutsisutut suliaqarsinnaasoq.

∙Ulluinnarni aqutsisumik qanimut suleqateqarneq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaagut

∙Aqutsilluarnikkut pisortaq tullersorterlu periarfissaqarput pilersissallugit sulisoqatigiit akulerulluarsimasut, tunniulluarsimasullu perorsaanermullu tunngasut ineriartortinnissaat anguniaraat, attaveqaqatigiinneq suleqatigiinnerlu piginnaaneqarfiusut pingaartinneqartut.

∙Aqutsilluarnikkut pisortaq tullersorterlu periarfissaqarput pilersissallugu suliffimmi atugassarititaasut pitsaasut, attaveqatigiinneq pitsaasoq pingaartuutinneqarluni meeqqat inersimasullu naligiittut immersueqataaffiat.

∙Perorsaariaatsinik aqutseriaatsinillu ineriartortitsinermi unamminartumik sulineq.

Meeqqanut Atuarfeqarnermullu Ingerlatsivik meeqqerivinnut aqutsisoqatigiinnullu naleqqussakkanik pikkorissarnernik ingerlaavartumik neqerooruteqartarpoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Kista T. Nikodemussen, oqarasuaat +299 36 78 23 imaluunniit e-mail: kmtn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 679-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 18.-at, 2025

Atorfik una qinnuteqarfigiuk