FAKTA
Atorfik suussusaa: Destination Manager
Suliffeqarfik: Destination Diskobay A/S
Qinnuteqarfissamut killigititaq: 27. juli
Attavissaq: Gerth P. Olsen ugguuna gerth@qbc.gl imaluunniit mobil 558282
Qeqertarsuup Tunuani takornariaqarnerup ineriartortinneqarneranut peqataarusuppit?
Destination Diskobay Takornariaqarnermik Ataqatigiissaarisussamik tunniusimasumik iliuuseqallaqqittumillu qinaasivoq
Destination Diskobay, Qeqertalik Business Council A/S ataani Qeqertaliup Immikkoortortaqarfiani suliffeqarfiuvoq. Takornariaqarneq imminut napatissinnaasumik inuuniutissatut kiisalu inuiaqatigiinnut, innuttaasunut tikeraanullu iluaqutaasussatut ineriartornissaa suliniutingaarput.
Takornariaqarnermik Ataqatigiissaarisutut (Destination Manager) immikkoortortaqarfitsinni takornariaqarnerup ataatsimoorussamik nukittorsarneqarnissaanut qitiusumik aallarnisaasooqataassaatit. Qeqertarsuup Tunuani ataatsimoorussamik ilisarnaatitta (fælles brand) ineriartortuarnissaanut suliniuteqassaatit – qanimut, nuna tamakkerlugu kiisalu nunarsuarmi - immikkoortortaqarfitta orniginarsarneqartuarnissaanut ersarissaaqataallutillu isumannaarinneqataassaatit.
Atorfik Aasianni aallaveqassaaq, kisianni Qeqertaliup immikkoortortaqarfia tamarmi inerisarneqarnissaa sulissutigissavat. Ukiumut ulluni 70-t missaani angalasarnissat naatsorsuutaassaaq.
Ujartugarput ima naatsorsuuteqarfingaarput:
- Nammineerlutit suliassanik suliaqarsinnaanissat, aallarnisaalluarsinnaassaatit, suliffeqarfimmilu eqeersimaartumi, allanngorarsinnaasumi, akisussaassusilimmi sulisinnaasariaqarlutit
- Oqaloqatiginnilluarsinnaanermik piginnaaneqassaatit kiisalu brancher inuiaqatigiillu akimorlugit attaveqaateqalersinnaasariaqarputit
- Suliniutinik aqutsinermik misilittangaqariissaatit kiisalu suliniutinik annertuunik ataqatigiissaarilluarsinnaassallutit
- Takornariaqarneq ineriartortitsinerlu nuannaralugillu attuumassutilimmik ilinniagaqarsimassaatit imal. misilittagaqassaatit
- Suliavut neqeroorutivullu tamatigut kalaallisut, danskisut tuluttullu ingerlasarmata, iluaqutaassaaq oqaatsit taakku tamarmik atorlugit allassinnaallutillu oqalussinnaaguit.
- Attaveqaatitigut, nittarsaassinikkut kiisalu inuit attaveqaataannik suliaqarnissamik piginnaaneqassaatit
- Kalaallisut, danskisut, tuluttullu oqalussinnaallutillu allassinnaassaatit
- Immikkoortortaqarfitsinni / -nullu allanngueqataarusussuseqassaatit
Sallertut suliassatit tassaassapput:
- Destination Diskobay ilisarnaataanik ataavartitsillutillu ineriartortitsiuarnissat
- Kommunep, Inuussutissarsiutitigut Siunnersuisarfiup, takornarialerisut allallu akimut suleqatigiinnissaat isumannaassavat
- Immikkoortortaqarfitsinni takornariaqarnerup ilippanartuutaasa nalunaarsorneqarnissaanik sukuiarneqarnissaanillu isumannaarissaatit
- Nuna tamakkerlugu kiisalu immikkoortortaqarfitta takornariaqarnerup periusissiaannik ataqatigiissaarinissaq isumannaassavat
- Immikkoortortaqarfitta avataaniit eqqummaariffigineqarnissaanut orniginarsaarillutillu suliniuteqarnikkut ineriartortitseqataassaatit
- Takornariaqarnikkut- Inuussutissarsiornikkullu ineriartortitsinissamut pilersaarusioqataallutillu suleqataassaatit
- Immikkoortortaqarfitta digitalikkut nittartagaa ataavartillugu ineriartortissavat
- Immikkoortortaqarfitsinni neqeroorutinik takussutissianik saqqummiussassanillu inerisaaqataassaatit
- Takornariaqarnermi inuussutissarsiutilinnik aallarnisaasunillu siunnersuisarlutillu tapersersuisassaatit
- Immikkoortortaqarfipput sinnerlugu messeni, ataatsimiinnerni pikkorissaanernilu peqataasassaatit
- Takornariaqarnerup iluani piujuartitsineq pillugu suliaqassaatit
Neqeroorutivut tassaapput:
- Atorfik pissanganarlunilu isumaqarluartoq, akisussaassuseqarluarlunilu kiffanngissusilik
- Takornariaqarnermi ilippanaateqangaartumi siuarsaanissamut sunniuteqarluarsinnaaffik
- Immikkoortortaqarfitsinni nunatsinnilu inuussutissarsiutillit takornariartitsisullu qanimut suleqatigisinnaaneri
- Suliffeqarfik anguniangaqarluartoq, suleqatiserinnittoq nunagisamilu aallussilluartoq
Qinnuteqarfissaq:
Atorfik piaartumik inuttalerusupparput kingusinnerpaamillu juulip 27-ani 2025 qinnuteqarfissaq killeqarluni.
Atorfik inuttalerneqartussaq eqqarsaatigalugu inissiamik neqerooruteqarsinnaavugut.
Qinnuteqarnermi Qeqertalik Business Council pisortaanut Gerth P. Olsenimut, CV, oqaaseqaatit, allagartallu nassiunneqassapput uunga allagaqarnikkut gerth@qbc.gl.
Atorfik pillugu paasisaqarnerorusukkuit mailikkut oqarasuaatikkulluunniit +299 558282 paasiniaasinnaavutit.
