Aalisarnermut, Piniarnermut Nunalerinermut, Imminullu Pilersornermut Naalakkersuisoqarfik Allaffimmi fuldmægtigimik pissarsiorpoq

Pissanganartorpassuarnik suliaqarfiusumi suleqatigiinnut ilaanissamut soqutigisaqaruit, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi / Aningaasaqarnermut, Allaffissornermut HR-mut, Nunalerinermut Imminullu Pilersornermullu immikkoortortaqarfik Allaffimmi fuldmægtigimik pissarsiorpoq. Allaffimmi fuldmægtigip, immikkoortortaqarfiit allat suleqatigalugit Naalakkersuisoqarfimmut sunniuteqarluartumik, aaqqissuussaalluartumik pitsaasumillu allattoqarfimmik ingerlatsinissaq qulakkeertussaavaa, aamma naalakkersuisoqarfimmi allaffissornikkut tapersersuisutut ataqatigiissaarisutullu atorfeqassalluni. 

Akisussaaffiit oqartussaaffeqarfiillu:

• Naatsorsuuserivik

• Allaffissornikkut pisiniarneq, nioqqutissanik inniminniineq

• Naalakkersuisoqarfimmik kiisalu illup iluani avataaniilu suleqatinut sullissineq

• Allagaatinik suliaqarneq aamma nalunaarsuilluni allattuisarneq

Suliassat:

• Nalinginnaasumik immikkoortortaqarfimmut allaffissornikkut ikiuunneq, uunga ilanngullugu sulianik suliarinninneq aamma nalunaarsuilluni allattuisarneq

• Suleqatigisartakkanik suleqatinillu oqarasuaatikkut, mailikkut, takkulluniluunniit sullissineq

• Naatsorsuuserinikkut sulianut atatillugu ikiorsiineq

• Allaffimmi atortunik, pisattanik il.il. pisiniarnissaq ataqatigiissaarinerlu, aamma pilersuisunut attaveqartarneq

• Aallaffimmi atortunik, toqqorsivimmik, quersuarmik, pequusivimmillu aqutsineq

• Naalakkersuisoqarfiup pequtaataasa allattorsimaffiinik suliaqarneq

• Nuussuisartunik inniminniineq ataqatigiissaarinerlu

• IRIS-imi akuersisartoq siulleq, akiligassanik suliaqarneq

• Aningaaserivimmiittuutinik naligiissaarinissaq

• Allakkat mailillu isertut anisullu suliarinissaat

• Illup iluani avataanilu ataatsimiinnissat aaqqissuussinerillu piareersarneri ataqatigiissarnerilu

• Oqarasuaatit allattorsimaffiisa, sulisut allattorsimaffiisa, siammarterinermut allattuiffiit ingerlaavartumik nutartertarnissaat

• Suliareqquneqartut nukinginnartut assigiinngitsut aamma ulluinnarni suliassat

• Naalakkersuisunut, Inatsisartunullu ataatsimiinnermut atortugassanik piareersaanermut peqataaneq

Piginnaasat piginnaaneqarfiillu

• Allaffissornikkut suliassanik misilittagaqartutit, pisortat suliffeqarfiutaanni sulisimaguit iluaqutaassaaq

• Namminersorlutik Oqartussani suleriaatsit, maleruagassat sakkullu ilisimasaqarfigigukkit iluaqutaassaaq

• Qarasaasiakkut atortunik (IT-systemer) assigiinngitsunik atuillutit sulisinnaavutit

• Aaqqissuussaasumik sulisinnaavutit, kiffartuussinissamik pingaartitsisuullutit aamma suliassanik ineriartortitsinissamut siuttoorusullutit

• Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaalluarlutillu

• Allattariarsornikkut oqaatsitigullu pitsaasumik kalaallisut, danskisullu attaveqaqateqarsinnaassuseqarlutillu oqaasertalersuisinnaassuseqarluarputit.

• Suleqatiginnikkusuttuuvutit, suleqatigiiffiillu akimorlugit attaveqatigiinnernik pilersitsisinnaalluartuullutit

• Nammineersinnaasutit akisussaassuseqarlutillu, suliat naammassineqarnissaasa tungaanut malinnaanissat qitiutillugu 

Inuttut piginnaasat:

• Sungiussiasumik inussiarnertuuvutit pimoorussisuullutillu

• Alapernaatsuuvutit ineriartortitserusussuseqarlutillu

• Ulluinnani ulapaarfinni tamakkiisumik isiginnissinnaassuseqartuullutit

• Upalungaarsimaniarnikkut periusissiallu paarlakaajaallugit suliarisinnaalluarpatit

• Aaqqissuussillaqqittuuvutit aamma sinaakkutissanik pitsaasunik pilersitsilluarsinnaallutit

• Ataatsikkut arlalinnik suliaqarsinnaassuseqartoq

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk