FAKTA
Atorfiup suussusaa: Kalaallit Nunaanni Naalagaaffiup Sinniisoqarfia oqalutsimik pissarsiorpoq
Suliffeqarfik: Kalaallit Nunaanni Naalagaaffiup Sinniisoqarfiani
Qinnuteqarfissamut killigititaq: 14. december 2026 kl. 12.00
Attavissaq: Sorlannguaq Petersen attavigalugu oqarasuaatikkut (+ 299) 32 10 01
Kalaallit Nunaanni Naalagaaffiup Sinniisoqarfiani oqalutsitut atorfik 1. februar 2027-minngaanniit imaluunniit isumaqatigiissuteqarnikkut inuttalerneqassaaq.
Suliassat
Oqalutsitut ilaqutariit inatsiseqartitaanerannut danskit oqartussaqarfiininngaanniillu nutsigassat naammassillugit suliarineqartarnissaat akisussaaffigissavatit.
Sinniisoqarfimmi oqaluttaaneq kiisalu nutserisut avataaneersut sinniisoqarfiup suleqatigisai qanimut suleqatigissavatit aammalu suliat pitsaasumik naammassineqartarnissaat isumagissallugu.
Aammattaaq sinniisoqarfiup suliaqarfiisa allat iluini suliassat allat ingerlattarnissaannut periarfissaqassallutit.
Atorfik namminersorfiusoq assigiinngiiaartunillu suliaqarfiusoq neqeroorutigaarput, ilaatigut danskit aamma kalaallit oqartussaqarfiinut attaveqartarnermik imaqartoq aammalu inuttut suliatigullu ineriartornissamut periarfissaqarluartoq
Piginnaasat
Piumasaqaataavoq oqalutsitut ilinniarnerup naammassisimanissaa imaluunniit assigisaanik piginnaasaqarnissaq.
Allatanik pisariusunik nutserinermik misilittagaqarnissaq, tamatumani inatsisinik nutserinermik misilittagaqarneq iluaqutaassalluni.
Naatsorsuutigaarput Office-pakkemik atuineq sungiusimagit. Aammattaaq iluaqutaassaaq namminersorlutit aammalu pissusissanik malinnilluarnikkut ESDH-systemimik atuinermik misilittagaqarnissat. Atorfininnerup aallartinnerani sinniisoqarfiup ESDH-systemianik atuinermut ilinniartitsineq ingerlanneqarumaarpoq.
Suliffeqarfiugatta 16-nik sulisoqartoq, pingaaruteqarpoq sinniisoqarfiup ingerlanneqarnerani aammalu sinniisoqarfiup atuuffiinut tunngatillugu alajaasuunissat kiisalu suliassanik allanik tigusisinnaanissamut tunuarsimaannginnissat.
Atorfinitsitsinermut attuumassuteqartut
Aningaasarsiat atorfimmullu tunngassuteqartut aaliangerneqassapput Naalakkkersuisut, Medarbejder- og Kompetencestyrelsen-ip aamma Sulinermik Inuussutissarsiuteqartut Kattuffiata akornanni oqalutsit pillugit isumaqatigiissutaat naapertorlugit imaluunniit isumaqatigiissutit atuuttut naapertorlugit. Atorfinitsinneqarnissannili isumannaatsuunissamik piumasaqaatit misissuiffigineqaqqaassapput.
Kalaallit Nunaanni Namminersorlutik Oqartussat inissiaataani inissamik innersuussisoqarsinnaavoq malittarisassat atuuttut malillugit akilerneqartartussamik. Atorfinikkiartornermut soraarnermullu atatillugu atorfinitsinneqartup ilaqutaasalu angalanissaannut akiliussisoqassaaq pigisallu nassiunneri aamma isumaqatigiissuteqarnermi tunngavigineqartuni aaliangersakkat naapertorlugit akiliunneqassallutik.
Qinnuteqarnissamut killiliussaasut
Qinnuteqaat Kalaallit Nunaata nalunaaqutaa malillugu kingusinnerpaamik tiguneqassaaq marlungorneq ulloq 14. december 2026 kl. 12.00, ilanngullugit suliarisimasanut/atorfisimasanut takussutissiissutit peqarpallusulititsisorisimasanit oqaaseqaatit, taakkulu uunga mailitut nassiunneqassapput: RO@gl.stm.dk.
Siammasissuseqarneq nukittorsaatitut isigivarput atorfimmullu qinnuteqarnissamut kikkulluunniit kaammattorumallugit aporfiginagillu apeqqutaatinnagit, suiaassutsimut, ukioqqortussutsimut, upperisaqarnermut, sumiuussutsimullu tunngasut.
Paasissutissat sukumiinerusut
Atorfimmut tunngatillugu paasiniaasoqarsinnaavoq oqaluttaaneq Sorlannguaq Petersen attavigalugu oqarasuaatikkut (+ 299) 32 10 01.
Sinniisoqarfik pillugu
Kalaallit Nunaanni Naalagaaffiup Sinniisoqarfia Statsministeriap ataani suliffeqarfiuvoq aammalu Namminersorlutik Oqartussat naalagaaffiullu oqartussaqarfiisa akornanni attaveqaataalluni. Naalagaaffiup Sinniisua tassaavoq naalagaaffiup oqartussaqarfiisa Kalaallit Nunaanni sinniisaasa qullersaat. Naalagaaffiup Sinniisoqarfiata aammattaaq suliat iluqatariit inatsiseqartitaanerannut tunngasut kiisalu nammineq aningaasartuutiginagu eqqartuussisulersuussisinnaanerit isumagisarivai. Annertunerusumik paasisaqarumagaanni Naalagaaffiup Sinniisoqrfiata nittartagaa takuneqarsinnaavoq – www.rigsombudsmanden.gl.