FAKTA
Atorfiup suussusaa: KNI A/S Paamiuni pisiniarfiup pisortaanik pissarsiorpoq
Suliffeqarfik: KNI A/S
Qinnuteqarfissamut killigititaq: 4. december
Attavissaq: Ole Løvstrøm attavigineqarsinnaavoq oqarasuaatikkut: 86 23 66, mobil: 53 21 45 imaluunniit mail-ikkut: olo@kni.gl.
KNI A/S pikkorissumik, angusaqarusussusilimmik, uummaarissumik sulilluarusussuseqartumillu, Paamiuni nioqqutissaqarnermi immikkoortortaqarfia pisiniarfiup pisortassassiorpoq ulloq 1. januar 2027 allarnerfigalugu imaluunniit isumaqatigiissuteqarnikkut sulilersussamik.
Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsitsilluaannarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kiffaanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.
Unammillerusussuseqarnissat naatsorsuutigaarput, kiisalu sulisut suleqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaani ineriartortitsisinnaanissat nutaamillu eqqarsartarnissat.
Pisiniarfiup pisortaata nunap immikkoortuani pisortaq Sisimiuniittoq qaninnertut aqutsisorissavat.
Pingaarnertut suliassatit makkuussapput:
Angusaqarnissaq siunertaralugu peqqinnartumik niuernikkut ingerlatsinermik ineriartortitsinissaq akisussaaffigissallugit
Pisiniarfitsinnut annertuunillu nioqqutissarsisartunut suliffiup avataani inissisimasunut, nioqqutissanik piniarneq
Allaffissornikkut aqutsineq sullissinissanillu isumaqatigiissutit ilanngullugit pitsanngorsaaneq
Pisiniarfik pisinianut piareersimasoq – ullut tamaasa
Akisussaanermik suliassanillu agguataarineq, pisinnaatitaaffinnik ineriartortitsineq
Piffimmi allanilu niuernikkut suleqatigisat attavigineqarnissaat isumagisassallugit
Piginnaasassatit:
Niuertutut misilittagalik
Sulisoqarnikkut aqutsisinnaanermik misilittagalik
Angusaqarusussusilik
Unammillerusussusilik
Naatsorsuutinik paasinnilluarsinnaasoq
Suleqatinut kajumissaasinnaasoq sulisunik ilitsersuillunilu isumassarsisitsisinnaassuseqartoq
Suleqatinut nunap immikkoortuanilu pisortamut siunnersueqatigiinnissamut piginnaanilik
Qarasaasiamik atuisinnaasoq
Ulaperulunneqartilluguluuniit paatsiveerutijaatsoq
Oqaatsit - kalaallisut, qallunaatut atuisinnaaneq
Atorfinittussamut neqeroorutigaagut:
Piginnaasat naapertorlugit isumaqatigiissuteqarnikkut akissaateqartitaaneq
Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. inatsisit malillugit akilerneqartassapput
Nuunnermi angalanermi kiisalu pequtit angallannerannut akiliunneqarneq
Piginnaanngorsaqqinnissamut periarfissat pitsaasut
Suliffik ulluni tamani assigiinngissitaarfiusoq, pissanganartoq unamminartorlu
Atorfik pillugu paasisaqarnerorusukkuit nunap immikkoortuani pisortaq Ole Løvstrøm attavigineqarsinnaavoq oqarasuaatikkut: 86 23 66, mobil: 53 21 45 imaluunniit mail-ikkut: olo@kni.gl.
Qinnuteqaat
Qinnuteqaat sukumiisoq ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 4. december 2026.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.