FAKTA
Atorfiup suussusaa: Aningaasaqarnermut siunnersorti
Suliffeqarfik: INI A/S
Qinnuteqarfissamut killigititaq: 16. decembari
Attavissaq: Ane Petersen attavigalugu uunga 86 18 04 imaluunniit mailimut anp@ini.gl.
Inunnik aqqutissiuusserusukkuit aningaasaqarnerannullu tunngasumik ikiuerusussuseqaruit – illiusimassaaq suleqatissatut ujartugarput.
Kommuneqarfiit Namminersorlutillu Oqartussat qanimut suleqatigisarpagut, najugaqartut ilaqutariikkaat najukkaminnit attartorunnaarsitaasut ikilisarumallugit. Suliniut najugaqartunut attartorunnaarsitaasussanngulersunut kiisalu najugaqartunut aningaasaqarnermikkut kipiluttunartorsiortunut samminerutillugu siunnersuisarnissamut tunnganeruvoq.
Akiligassalerisunut qullersamut nalunaartassaatit aamma aningaasaqarnermut siunnersortit sinerissamiittut qanimut suleqatigisassavatit taavalu Teamlederigut, Akiliisitsiniartut immikkoortortaqarfik Sisimiuniittorlu.
Atorfik Narsamut Nanortalimmullu arlaleriarluni angalasarnissaanik naatsorsuutigineqarpoq.
Attartortut naligalugit aningaasaqarnikkut siunnersuineq
Pingaarnertut suliassaraatit ilaqutariinnut pisariaqartitsisunut naleqquttumik aalajangersimasumillu aningaasaqarnikkut siunnersuineq, najugaqartup aningaasaqarnermigut tamakkiisumik takunnissinnaalernissaa ukkallugu, aammalu ilaatigut:
·Periarfissanik pisinnaatitaaffinnillu siunnersuineq aqqutissiuinerlu
·Aningaasaqarnerup tungaatigut akiligassanullu tamakkiisumik takunnissinnaalersitsineq
·Ilaqutariit suleqatigalugit aningaasanik siumoortumik missingersuusiorneq
·Pisortanut attuumassutilinnut akiligassaqarfinnullu attaveqartarnerit
·Ataavartumik ataatsimeeqateqartarnerit suliniummilu aqutsisunut nalunaarusiortarnerit
·Suliniuteqarfissat ingerlannissaat angusaqarfiunissaasalu qulakkeernissaat
·Sinerissami Aningaasaqarnermut siunnersorteqatigiit akornanni peqanngittoqartillugu
sulianik akisussaaqataaneq
·Suliassat takkussuuttut suliarineri
Pitsaassuseqartumik akisussaassuseqartumillu pimoorussineq suliassap suunera apeqqutaatinnagu
Allaffissuussinermut tunngasumik tulluuttumillu ilinniagaqartuussaatit, aningaasaqarnermut siumoortumillu missingersuusiornermik ilisimasaqarlutit. Pingaaruteqarpoq sullitanik attaveqarusuttuussasutit siunnersuerusussuseqarlutillu. Inuit aningaasaqarnermikkut ajornartorsiuteqaannaratik allanik unammilligassallit sullittussaagakkit utaqqisinnaassuseqassaatit inuppalaartumillu paasinnissinnaassuseqarlutit. Attaveqallaqqissuunerit tunuliaqutaralugu sullitat ataasiakkaat naligalugit ataqqinnittumik paasinnissinnaassuseqarlutillu oqaloqateqarsinnaassaatit. Taakku saniatigut tunngaviusumik inatsisiliornermik ilisimasaqassaatit marloqiusanillu oqaaseqarlutit.
Ilagitigut
Atorfik pissanganartoq neqeroorutigaarput, namminerlu sinaakkusersueqataanissat peqataaffigisinnaallugu, taamatullu suleqatigiit akornanni ulluinnarni sunneeqataasinnaallutit. Suleqatigiilluarnissaq pingaartitaraarput suleqatigiillu akornitsinni qerataniartuunata.
Suliffik pilerinartoq
Suliffiup kajuminnartuunissaa sulissutigiuarparput, aamma immikkut ittumik sulinngiffeqarsinnaatitaanermik, timersornermut tapiissuteqarsinnaanermik peqqinnermullu sillimmasiisinnaanermik neqerooruteqarluta.
2026-mi sapaatip-akunneranut akunnerit 37-t sulisarnermik misiliutitut ingerlatsivugut
INI-mi piginnaasaqarnerup ineriartortinnissaa pingaartinneqaqaaq, suliffiullu iluani inuttut suliatigullu ineriartornissamut periarfissaqartitsisumik neqeroorfigisinnaavatsigit.
Suliffik sulisut naammagisimaartorujussuuffigisaat neqeroorutigisarparput. Suliffimmilu suleqatigiit ingerlalluaqatigiinnissaannik immikkoortortaqarfiillu akimorlugit suleqatigiinnermik pingaartitsisuulluta.
Atorfininnermi atugassarititaasut:
Piginnaanitit aallaavigalugit akissarsiaqartitaallutillu atorfinitsitaassaatit. Atorfininninnut atatillugu nuunnissat pigisavillu assartuunnissai pisinnaatitaaffigaatit. Malittarisassat malillugit inissaqartitsisoqarsinnaavoq.
Sulilernissaq:
Periarfissaavoq 1. januari 2027 imaluunnit 1. februari 2027, imaluunnit isumaqatigiissuteqarnikkut.
Atorfik soqutigaaguk?
Atorfik pillugu annerusumik paasisaqarsinnaavutit akiligassalerinermut aqutsisoq Ane Petersen attavigalugu uunga 86 18 04 imaluunniit mailimut anp@ini.gl. Qinnuteqaatit, CV-it pappilissallu attuumassuteqarsinnasut aamma pinerlussimannginnermut uppernarsaatit tigoreersimassavagut kingusinnerpaamik 16. decembari 2026.
Tusarfiginissat qilanaaraarput.