Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi Sulisoqarnermut siunnersorti

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmi Sulisoqarnermut siunnersortitut ilinniarsimasumik tamatigoortumillu ujaasivugut. Sulisoqarnermut siunnersortip aqutsisut sulisullu ulluinnarni suliaminnik tapersersortariallit Sulisoqarnermut siunnersortip suliassai siammasissut aallaavigalugit tapersersortassavai. Atorfik ingerlatsinermik ineriartortitsinermillu imaqarpoq, tassani Sulisut suleriaasaasa atortuisalu atuutilersinneqarneri paasissutissiissutiginerilu qitiusumik inissisimallutik.

Akisussaaffiit piginnaasassaqarfiillu:

• Sulisoqarnermut tunngasut allaffissornikkut suliassaannik suliaqarneq, matumani atorfinitsitsinermi suliunnaarnermilu suleriaatsit ilanngullugit

• Aqutsisut ataasiakkaat sulianik ingerlataannik ataqatigiissaarineq

• Sulisut piginnaasaasa inerisarneqarnissaannik ineriartortitsineq

• Naalakkersuisoqarfimmi suliat imminnut ataqatigiinnissaannik aamma suliat aaqqiissutissarsiornerini suleqatigiinneq qulakkeerniarlugu suliaqarneq

• Sulisoqarnermut suliniutit assigiinngitsut atuutilersinneqarneri aamma piviusunngortinneqarneri

• Inatsisit naapertorlugit sulisunut ataasiakkaanut suliat aamma isumaqatigiissutit pillugit ajornartorsiutit suliarineri

Suliassat:

• Sulisoqarnermut tunngasut allaffissornikkut suliassaannik suliaqarnerinut akisussaaffeqarneq, pitsaassutsimik qulakkeerinnittarneq aamma assigiimmik suleriaaseqarneq

• Sulisoqarnermut Immikkoortortaqarfimmi immikkoortortami pisortaq suleqatigalugu sulianik ataqatigiissaarineq aamma aaqqissuussineq

• Sulisoqarneq pillugu paasissutissanik pitsaassutsimik qulakkeerinninneq aamma nutarterineq

• Ulluinnarni ingerlatsineq aamma sulisoqarnermik allaffissorluni suliassanik suleriaatsit pitsanngorsarneri

• Nalunaarusiorneq, KPI-nik malitseqartitsineq misissoqqissaakkanillu minnerusunik suliaqarneq

• Eqaallisaanissaq anguniarlugu sulisoqarnermut tunngasut allaffissornikkut suliassaasa uppernarsaasersorneri aamma qulaajaarneri

• Naalakkersuisoqarfiup iluani najoqqutassianik nutarterineq, attaveqaqatigiinnerup ingerlaavartumik unitsinneqannginnissaanik suliaqarneq

• Naalakkersuisoqarfimmi suliniutinik ataqatigiissaarinerit

• Aqutsisut sulisullu Sulisoqarnermut tunngasunik apeqquteqaraangata aamma Sulisoqarnermi unammilligassat pillugit periusissiat ingerlaavartumik siunnersuisarneq isumasioqatiginnittarnerlu

• Sulisunik nutaanik sulilersitsineq sulilerlaanillu ilitsersuineq

• Suliat sulisunut attuumassutillit toqqortaatigineri aamma toqqorsivinnut allattugaatigineri

• Angalanissanik unnuinernik/ unnuiffissanik inniminniinerit, nutaamik atorfinittut nuunnerini inniminniinerit

• Ilinniartut suliffimmik misiliisut ataqatigiissaarneri aamma ilinniartunut assigiinngitsunik aaqqissuussinerit

• Aningaasaqarnermut allaffissornermullu immikkoortortaqarfiup aamma naalakkersuisup allattaata pisariaqarfiatigut suliassanik ikiuunneq

Qinnuteqartumut naatsorsuutigineqartut:

• Sulisoqarnermut tunngasunik, allaffissornermut assingusumilluunniit ilinniagaqarsimasoq

• Ingerlatsinermi allaffissornermilu sulisoqarnermut tunngasunik atorfimmi misilittagalik

• Isumaqatigiissutinik Sulisoqarnermullu tunngasunik suleriaatsinik allaffissornermik paasisimasaqarluartoq

• Namminersorlutik Oqartussani suleriaatsit, maleruagassat atortullu ilisimasaqarfigigukkit iluaqutaassaaq

• IT-system assigiinngitsut pillugit piginnaasaqarneq

• Aaqqissuussaasumik sulisinnaavutit, kiffartuussinissamik pingaartitsisuullutit aamma suliassanik ineriartortitsinissamut siuttoorusullutit

• Pitsaasumik attaveqalersitsisinnaassuseqarputit, sulisinnassuseqarluarlutit sunniuteqaqataasinnaalluarlutillu

• Kalaallisut danskisullu oqaatsitigut allattariarsornermilu, nukittuumik attaveqariaaseqarneq

• Suleqatiginnikkusuttuuvutit, suliffeqarfimmilu suliaqarfiit assigiinngitsut imminnut attaveqaqatigiilernissaannik pilersitsisinnaassuseqarlutit

• Nammineersinnaasutit akisussaassuseqarlutillu, suliat naammassineqarnissaasa tungaanut qulakkeerinninnissat qitiutillugu

Inuttut piginnaasat:

• Nikerartumik sulisinnaasutit, inussiarnertuullutit pimoorussisuullutillu

• Alapernaatsuuvutit ineriartortitserusussuseqarlutillu

• Ulluinnarni ulapaarfinni tamakkiisumik isiginnissinnaassuseqartuullutit

• Sulisoqarneq pillugu suliat suliarineqarneri periusissiallu paarlakaajaallugit suliarisinnaalluarpatit

Qinnuteqarnissamut killigititaq:

Qinnuteqaat, CV, ilinniarsimanermut uppernarsaatit ilanngullugit tallimanngornermi ulloq 20.maj 2026 tiguneqareersimassapput.

Neqeroorutigivagut:

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik 51-inik sulisoqarpoq, taakkua Kalaallit Nunaanni inuussutissanik suliaqarfimmi sulisuupput. Naalakkersuisoqarfik immikkoortortaqarfinnut arfinilinnut agguataarneqarpoq, tassani avatangiisit ammasumik persuarsiorpallaanngitsumillu sulisoqartarpoq, ilorrisimaarneq, suleqatigiinneq sulianillu inerisaaneq pingaartillugit inerisarneqartarput. Ulluinnarput allanngorartuuvoq, naalakkersuinermik sulialinnik sullissisarluta, innuttaasunik attaveqaqateqartarluta nunalu tamakkerlugu suliniutinik aalajangersimasunik suliaqartarluta.

Illit Sulisoqarnermut Siunnersortitut Naalakkersuisoqarfiup Sulisoqarnermut, Allaffissornermut, Aningaasaqarnermut, Nunalerinermut Imminullu Pilersornermut immikkoortortaqarfittaani katillugit arfinilinnik sulisoqartumi ilaalissaatit, ilinniartut pingasut, immikkoortortaqarfimmi pisortaq ilagalugit. Suliat aaqqiivigineqarnissaannik immitsinnut tapersersortarnissarput sammisarparput aamma suleriutsigut suliagullu pitsanngorsartuarnissaannik sammisaqartarluta, taamaalillutit immikkoortortaqarfimmi ineriartornermut sunniuteqangaatsiarsinnaassaatit. Immikkoortortaqarfimmi persuarsiorpalaanngitsumik oqaloqatigiittarpugut, immikkoortortaqarfimmi ilorrisimaarnissaq suleqatigiinnissarlu pingaartitarivagut.

Paasissutissat amerlanerit.

Paasissutissat amerlanerit uunga saaffiginnilluni pissarsiarineqarsinnaapput: Immikkoortortaqarfimmi pisortaq Max Heilmann Larsen, mail mxhl@nanoq.gl imaluunniit oqarasuaatip normua +299 345212

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.