Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut Attaveqaqatigiinnermut Inuillu attaveqaqatigiittarfiinut sulisoq

Kalaallit Nunaanni Aalisarnermut, Piniarnermut, Nunalerinermut Imminullu Pilersornermut ingerlatsinerup nukittorsarnissaanut tapersersuisinnaavit, tapersersuillutillu aamma suliffeqarfimmi politikkikkut aqunneqartumi Attaveqaqatigiinnermik Inuillu attaveqatigiittarfiinik suliaqarusuppit? Taava immaqa tassa illit suleqatissarput nutaaq. Sammisanik ajornakusoortunik pisariitsumik paasiuminartumillu saqqummiisinnaassaatit pikkorissuullutillu.

Naalakkersuisoqarfimmi pisortat sulisullu sinneri suleqatigalugit, attaveqaqatigiinnermik suliaqarneq atorfimmi immikkut ukkatarineqassaaq. Suliassat tassaapput naalakkersuisoqarfiup sulinera, ineriartorneq, inatsisiliorneq aamma aalisarnerup, piniarnerup, nunalerinerup, imminut pilersornerup kiisalu uumasunut nakorsaqarneq pillugit attaveqaqatigiinneq paasissutissiinerlu. Tamatuma saniatigut suliassaqarfik tamakkerlugu naalakkersuisoqarfiup pingaarnertut naalakkersuinikkut anguniagai, tulluartumik paasiuminartumillu nittartakkakkoortitsineq ilanngullugu paasissutissiissutigineqassapput atassuteqaatigineqarlutillu. 

Saniatigut qinnuteqartup naleqquttup, suliassaqarfinnit naalakkersuinikkut ingerlatseqqinnermut attaveqarnermut ikiuulluni Naalakkersuisoq atuuffiani naalakkersuinikkut akisussaasoq tapersersussavaa. Taassuma ilannguppaa angalanerni ataatsimiinnernilu naalakkersuisup allattaa sulianullu tunngasunut immikkoortortaqarfiit suleqatigalugit ikiuunneq.

Suliassanut akisussaaffinnullu tunngasut:

• Naalakkersuisoqarfiup akisussaaffeqarfiini naalakkersuinikkut suliniutit pillugit sulianut tunngasunut immikkoortortaqarfiit qanimut suleqatigalugit, paasissutissanik suliaqarneq ingerlatseqqinnerlu.
• Malittarisassat aalajangersakkallu Inatsisartunit Naalakkersuisuniillu akuersissutigineqartut eqqortuunerannik paasiuminartumik ingerlateqqinnissaat qulakkiissallugu.
• Pisortat sulisullu attaveqatigiinnernik suliniutit periusissiallu pillugit siunnersuineq
• Attaveqaqatigiinnermut suliniutit attuumassuteqartut pillugit sulianut tunngasunik immikkoortortaqarfiit suleqatigalugit suliaqarneq siunnersuinerlu.
• Tusagassiorfinnut nalunaarutit, nutaarsiassat, ilanngutassiat, videot paasissutissiinermut atortussat, sullinniakkanut assigiinngitsunut angusassamik toraagallit suliarineri.
• Tusagassiuutinut allanullu soqutigisaqaqatigiinnut naalakkersuisoqarfiup pisortai suleqatigalugit attaveqarnerup isumaginera.
• Inuit attaveqaqatigiittarfiinut, tusagassiorfinnut allanullu siammarterivinnut naleqquttunut tunngatillugu naalakkersuisoqarfiup suliassaqarfiini attaveqaqatigiinnermilu suliniutinik siunnersuineq, pisariaqarnera naapertorlugu nakkutiginninneq qisuariarnerlu.
• Naalakkersuisoqarfiup qarasaasiakkut siammarteriviini, matumani ilanngullugu Sullissivimmi inuillu attaveqaqatigiittarfiini nittartakkat, sulianullu quppernerit ineriartortinnerinut allanngutsaaliornerinullu ikiuunneq.
• Naalakkersuisoqarfiup suliassaqarfiini paasisitsiniaanerinik allanillu attaveqaqatigiinnernik suliaqarneri pilersaarusiorlugit ataqatigissaarlugillu.

Piginnaasat piginnaaneqarfiillu

• Attaveqaqatigiinnerup, tusagassiornerup imaluunniit akunniliulluni sulissussinermik imaluunniit inuiaqatigiilerinermi ilisimatusarnermik sammiveqartumik naapertuuttumik ilinniagaqarneq.
• Pilersaarusiornermut aamma attaveqaqatigiinnermi sulinermi suleriaatsimik misilittagalik – pisortat ingerlatsivianit imaluunniit suliffeqarfinnit naalakkersuinikkut aqutaasuneersoq.
• Allattarissanik oqaatsitigullu pitsaasumik kalaallisut qallunaatullu (tuluttut iluaqutaasaaq) ingerlatseqqissinnaanermik piginnaasaqartutit.
• Inuit attaveqaqatigiittarfiinut tusagassiuutinut, matumani ilanngullugu periuseqarnerup atorneranik attaveqaqatigiinnermut misilittagalik ilisimasaqartorlu.
• Videonut assiliivinnullu atortunik misilittagaqarneq iluaqutaassaaq.
• Nittartakkat aserfallatsaaliornerinik misilittagalik aamma naalakkersuisoqarfimmi pisortat qanimut suleqatigalugit nittartakkanik pitsaanerulersitsineq.
• Namminersorlutik oqartussat sulinermut atortuinik Outlook-imik aamma F2-mik misilittagaqarneq iluaqutaassaaq.
• Kalaallit Nunaanni naalakkersuinikkut inuiaqatigiinnullu tunngasunik pissutsinik ilisimasaqarneq iluaqutaassaaq.
• Aaqqissuussaasumik, nammineersinnaasumik sulinermik suleqatillu qanimut suleqatiginissaannut piginnaasaqarneq.

Inuttut piginnaasat:

• Eqeersimaartumik sallersaallutit suliniutit aallartinnerinit naammassinerinut malinnaasinnaasutit. 
• Suleqatigiinnissamut piginnaasaqarluarneq aamma attaveqarnermik ineriartortitsisinnaassuseqarneq.
• Eqaatsumik suleriuseqarneq peqatigitillugulu suliassarpassuarnik suliaqarsinnaaneq.
• Oqariartuutinik ajornakusoortunik pisariitsumik paasiuminartumillu ingerlatitseqqinnissamut pimoorussilluni sullinniakkanik ukkassilluni suliniartoq.

Atorfik pillugu paasissutissat pissarsiarineqarsinnaasut uannga Immikkoortortaqarfimmi pisortaq Max Heilmann Larsen, mxhl@nanoq.gl, imaluunniit 345212 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk