Aallarnisaasunut ingerlatsinermut siunnersorti

Siunissami Kalaallit Nunaanni aallarnisaasunik ineriartortitseqataanissamut peqataarusuppit?

Nalik Ventures-imi Kalaallit Nunaanni nutaaliortunut suliffeqarfinnullu aallarnisaasunut pitsanngorsaasumik suliniutinik ineriartortitsillutalu ingerlatsisuuvugut. Massakkut IKUMA ingerlapparput tamatumalu sanitatigut nutaaliorlutik aallarnisaasunik  aqqutissiuussilluta (inkubatorforløb), suliffeqarfinnik pioreersunik inerisaaqqinnissamut aqqutissiuussilluta (acceleratorforløb) neqeroorutillu allat nutaaliortunut nukittunerusumik ingerlaavartitsinissamut iluaqutaasussat ingerlataraagut. 

Ingerlatsinermut siunnersortissarsiorpugut aallarnisaasunut suliaqarfimmut pikkorissuseqarluni ingerlatsinerup qulakkeernissaanik, peqataasut suleqatigisallu suleqatiginerat pitsaanerulernissaanik kiisalu suliniutit nutaat ineriartortinnerisa tapertaaffigineranik suliaqartussamik.

Atorfik pillugu

Aallarnisaasunik suliaqarfimmi qitiusumik inissisimalissaatit sammisanik ingerlatsinissamut akisussaasunngussallutit, pilersaarusianik kiisalu aaqqiissutinik suliaqaqataanissamut periarfissaqassallutit.

Peqataasut, suliffeqarfiit, suliassaqarfinni sulisut, saqqummiisartut, suleqatigisat Kalaallillu Nunaanni pisortatigoortumik ingerlatsisut suleqatigissavatit. Atassuteqalersitsinissamik tatiginnilersitsinissamillu piginnaasaqarneq ataqatigiissaarinermut pilersaarusiornermullu piginnaasaqarnertuulli pingaaruteqartigipput.

Suliassatit ilaatigut ukuussapput:

·       Aallarnisaasunut pilersaarutinik ingerlatsineq ataqatigiissaarinerlu

·       Attaveqaatitigut isumasioqatigiinnerit, isummersoqatigiinnerit aaqqissuussinerillu

·       Suliassaqarfinni sulisut aamma suliassaqarfinni immikkut ilisimasallit suleqatigineri

·       Sammisanik suleqatigiinnernillu ataqatigiissaarinerit

·       Misilittakkanik, ingerlaatsinik ilinniarnernillu uppernarsaasiornerit

·       Pilersaarutinik suliniutinillu nutaanik inerisaaqataaneq

·       Isumannaannerusumik suleriuseqarnermik pilersitsineq

Tamatuma saniatigut atorfimmut atatillugu angalasarnissat naatsorsuutigineqassapput.

Illit kinaavit?

Ullormi siullermi tamanik piginnaasaqareersuunissaq pisariaqanngilaq. Suleqatissamik piukkunnassusilimmik, alapernaassusilimmik suliassaqarfimmillu ineriartoqataarusuttumik ujartuivugut.

Pingaarnerpaavoq illit:

·       Alapernaatsuusutit ineriartorusussuseqartutillu

·       Aaqqissugaasumik suleriuseqartutit sulianillu ataatsikkut ingerlasuni tamakkiisumik isiginnissinnaassuseqartutit

·       Akisussaaffimmik tigusisinnaasutit suliniuteqarsinnaasutillu

·       Ataqatigiisitsilersinnaasutit suleqatiserinissinnaasutillu

·       Nutaanik ilikkagaqarusussuseqartuusutit

·       Isumassarsiat piviusunngortinnerini ilinnut kajumissuseqalersitsisartoq

·       Ingerlatsineq ineriartornerlu suliaqarfigilluarsinnaagitit

Aallarnisaaneq, inuussutissarsiornermi ineriartortitsineq, suliniutinik aqutsineq imaluunniit aaqqissuussineq misilittagaqarfigigukkit iluaqutaassaaq, taamaakkaluartoq piginnaasavit piukkunnaateqarnerillu ataatsimut naliliivigineri pingaarnertut tunngavilersuutigissavagut.

Oqaatsit

Suliassaqarfitsinni oqaatsit qassiit atorneqartuupput.

·       Kalaallisut oqaatsit assut pingaartinneqarput.

·       Danskisut oqalussinnaaneq pisariaqarpoq

·       Tuluttut oqalussinnaaneq iluaqutaassaaq

Kikkuuvugut?

Alapernaatsuuneq, iliuuseqarusussuseqarneq suleqatigiinnerlu upperisaraagut.

Isumassarsiat misileraavigisarpagut, aqqutaani ilinniartarpugut aammalu Kalaallit Nunaanni nutaaliortunut suliffeqarfinnullu iluaqutaasussamik aaqqiissusiornissamik suliaqartuulluta.

Piviusunngortitsineq nuannaraarput tulluusimaarutigisinnaasatsinnillu tunniussisinnaanissarput pingaartitaralugu.

Aallarnisaanermik suliassaqarfimmik ineriartorfiusumik suliaqartuuvugut ingerlaaqatissatullu suleqatigisassatsinnik ujartuilluta.

Neqeroorutigaagut

·       Nalik Ventures-ip aallarnissaasunut suliassaqarfianik inerisaanermi qitiusumik suliaqaqataaneq

·       Akisussaassusilikkamik kiffaanngissuseqarneq

·       Suliniutinik pilersaarutinillu nutaanik sunniuteqaqataanissamik periarfissaqarneq

·       Aallarnisaanerup, suliniuteqarnerup suliffeqarfimmillu inerisaanerup iluani suliatigut ineriartorneq

·       Suleqatit, suliffeqarfiit suleqatigisallu tunniusimasut suleqatigineri

·       Suliassaqarfiup ineriartornera ilutigalugu annertusiartuaartumik akisussaaffeqalerneq

Atorfimmut paasissutissat

Piffissaq tamakkerlugu atorfiuvoq, immikkullu isumaqatigiissuteqarnikkut atorfinitsitsisoqassaaq.

Akissarsiat atorfininnermilu pissutsit piginnaasat aamma misilittakkat aallaavigalugit aalajangerneqassapput.

Qinnuteqarnissamut piffissaliussaq: Oktobarip 22-at 2026

Atorfininneq: Sapinngisamik piaarnerpaamik.

Qinnuteqaat aamma CV nalik@nalik.gl-imut nassiukkit.

Atorfik aallanisaanermut pisortap, Augusta Lundbladip ataaniippoq. Atorfik pillugu sukumiinerusumik paasisaqarusukkuit Augustamut allagaqarit uunga, all@nalik.gl

Tusarfiginissat qilanaaraarput.