Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik inatsisilerituumik siunnersortissarsiorpoq

Inatsisilerinermut tunngasunik suliaqarneq nuannarisaraajuk, naalakkersuinikkut aalajangiiniarnermi qanimut peqataarusuppit ? Taamaappat soqutiginarluinnartumik atorfimmik pissaqartippatsigit.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi isumaginninnikkut inatsisit iluanni naalakkersuinikkut anguniakkat, nunat assigiinngitsut akornanni isumaqatigiissutit, periusissat pilersaarutillu piviusunngortinneqarnissaat sulissutigisarpavut. Meeqqat, inuusuttut ilaqutariillu atugarliortut atugaat pitsanngorsarniarlugit aamma suli atualinngitsunut suliassaqarfimmi inatsisiliornerit suliassatta ilaatigut ilagaat.

Naalakkersuisoqarfimmi inatsisitigut siunnersortitut oqartussaaffeqarfimmi nalunaarutinik piareersaaneq kiisalu inatsisinik suliaqarneq Inatsisartunullu siunnersuutinik piareersaaneq peqataaffigisassavatit. Aammattaaq naalakkersuinikkut qaffasissusilimmik kiffartuussisassaatit nalinginnaasumillu inatsimmik qanoq paasinninnissaq inatsiseqarnikkullu apeqqutinik tunngasunik politikerinit, innuttaasunit, kommuninit allaniillu oqartussanit saaffiginnissutit akisassavatit. Naalakkersuisoqarfiup suliassaraa aalajangiinissamut tunngavissat pitsaasut patajaatsullu qulakkiissallugit aammalu politikkikkut salliunneqartut anguniakkallu piviusunngortinneqarnissaat tapersersussallugu.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik aaqqissuussaanikkut sisamanik immikkoortortaqarfeqarpoq: Aqutsisunut Allattoqarfik, Inatsisit Atuutsinneqarnerannut immikkoortortaq, Naligiissitaanermut immikkoortortaq kiisalu Periusissiorneq, Ineriartortitsineq Inatsisilerinermillu immikkoortortaq. Naalakkersuisoqarfimmi kikkulluunniit tamarmik aaqqissuussaanerup ineriartortinneqarneranut isumassarsianillu ilanngussaqartarsinnaanissaannut periarfissaqarnissaat pingaartipparput. Taamaattumik illit inuttut suleqatigiissinnaanermik soqutiginnittuuguit, matumani suleqatinnik ammasumik soqutiginnillutillu naapitsisinnaaguit iluaqutaassaqaaq. Taamatuttaaq tunniusimasunik anguniagaqartunillu, imminnut tapersersorlutillu ataqqisunik suleqateqassaatit.

Suliffissat

Meeqqanut inuusuttunullu suliassaqarfimmi, periusissiornermi iliuusissatullu pilersaarutit meeqqanut inuusuttunullu tunngasuni akisussaaffeqarfiusut, politikikkut akissuteqaatit, politikkikkut suliniutit, inatsisiliornermut atatillugu suliassat il.il. pillugit akisussaaffeqarfiusumi Periusissiorneq, Ineriartortitsineq Inatsisilerinermullu immikkoortortaqarfimmi ilaalissaatit. Immikkoortortaqarfik qulingiluanik sulisullimmi, assigiinngitsunik sulinermi tunuliaqutaqartunik suleqateqassaatit, immikkoortortaqarfimmi pisortap ataani inissisimassallutit.

Taakku saniatigut Naalakkersuisut naalakkersuisoqarfiisa assigiinngitsut akornanni suleqateqartassaatit, taakkunani inatsisilerituut amerlasuut pikkorissullu kiisalu inatsisilerituut pisortaat atorfeqartinneqarput. Maanilu aallaqqaataaniit nammineq suliassaqarlutillu annertuumik sunniuteqassaatit. Suliassat tamatigoortuupput immikkoortortaqarfiillu assigiinngitsut akornanni suliassaqarfinni assigiinngitsuni piorsarsimassutsikkut suleqatigiinnissaq pisariaqarpoq kiisalu nammineq suliassanut suliniutinullu namminersorluni akisussaaffeqarsinnaaneq aamma piumasaqaataalluni.

Makku neqeroorutigaavut

 Ulluinnaq naalakkersuinikkut sulianik qanimut suliaqarfiusoq

• Suliassat pissanganartut assigiinngissitaartullu

• Ullormi sulileqqaarfimmiit akisussaaffeqarneq sunniuteqaqataanerlu

• Suliffik suleqatitsialannik sulisulik, suliffimmi atugarissaarnissaq qitiutinneqartoq inuppalaasuseqarnerlu

• Inatsisit atornissaannut pikkorinnerulernissamut periarfissaq, nalinginnaasumik kiisalu immikkut inunnik isumaginninnermut tunngasuni

• Inuiaqatigiinni Kalaallini pissutsinik kulturimillu ilisimasaqarneq iluaqutaassaaq, piumasaqaataanngilarli
  

Suliassatit tassaapput

• Inatsisissanik piareersarneq suliassannut ilaassapput, matumani inatsisilerituutut suleqatit suleqatiginerisigut inatsisissatut siunnersuutissanik nalunaarutinillu suliaqaqataaneq.

• Naalakkersuinikkut aqutsisut aalajangiinissaannut tunngavissaannik suliat pitsaassusaannik qulakkeerinneqataaneq aamma naalakkersuinikkut aalajangikkanik atuutilersitsinerit.

• Inatsisitigut siunnersuineq ilitsersuinerlu.

• Inatsisitigut ajornartoorutit pillugit allakkiorneq.

• Naalakkersuinikkut suliassat, soorlu perisissat, iliuusissatut pilersaarutit nassuiaatillu pillugit naalakkersuisoqarfiup immikkoortortaqarfiinik suleqateqarneq.

• Isumaginninnermut Aqutsisoqarfimmik Namminersorlutillu Oqartussat immikkoortortaqarfiinik allanik suleqateqarneq. 

Naatsorsuutigaarput

• Ba.jur., cand.jur., cand.merc.jur. imaluunniit assingusumik ilinniagalik

• Inatsisiliornermi misilittagaqarneq, ajornanngippat isumaginninnermut pisortanilu maleruagassanut atuuttunut suliassaqarfiup iluani, iluaqutaassaaq piumasaqaataanngilarli

• Naalakkersuinikkut aqunneqartumi sulinermik misilittagaqarneq, piumasaqaataanngilarli

• Akisussaaffimmik namminersorluni tigusisinnaanermik piginnaasaqarneq namminersorlunilu sulisinnaaneq

• Suleqatigiissinnaanermik suliallu assigiinngitsut akornanni sulinermik naleqartitsisoq

• Suliffinnut suleqatinnullu ammasumik pitsaasumillu pissuseqarneq

• Piffissaliussat pitsaassuserlu qitiutillugit aaqqissuussamik sulineq

• Allannguinissamut piareersimasoq suleqatikkuminartorlu

Qinnuteqarnissamut killigititaq

Decembarip aappaat 2026, nal. 12:00

Atorfinitsinneqarneq

Februaarip aallaqqaataani imaluunniit isumaqatigiissuteqarnikkut 

Ineqarneq 

Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni sulisunut inissiamik innersuuffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu uninnerani qimanneqassalluni.

Una atorfik soqutigigukku, qinnuteqaativit tigunissaanut qilanaarpugut
Atorfik pillugu apeqqutissaqaruit, immikkoortortaqarfiup pisortarigallagaanut attaveqarnissannut tikilluaqquneqarputit uunga: Jesper Stab Nielsen  jesn@nanoq.gl imaluunniit oqarasuaatikkut sianerlutit: +299 599923.

Qinnuteqartut piukkunnartut oqaloqatigineqarnissamut aggersarneqartassapput. 

Tusarfiginissannut qilanaarpugut.