KNI-p nioqqutissaqarnermut immikkoortortaqarfia nunatsinni pisiniarfiisa ulluinnarni ingerlanneqarnerisa ataqatigiissaarneqarnerannut sunniuteqarluartumillu ingerlanneqarnerannut peqataarusuppit?
Paasissutissat
Atorfiup suussusaa: KNI A/S tuniniaanermut ataqatigiissaarisumik pissarsiorpoq
Suliffeqarfik: KNI A/S
Qinnuteqarfissamut killigititaq: 29. november 2026
Attavissaq: Jonas Aronsen,
oqarasuaat: 86 23 40,
mobil: 59 03 71 imaluunniit e-mail: joa@kni.gl.
Tuniniaanermut ataqatigiissaarisutut KNI-p pisiniarfiisa ulluinnarni ingerlanneqarnerannut allaffissornikkut, ataqatigiissaarinikkut kiisalu akuersissutinik, kiffartuussinissamik isumaqatigiissutinik pisisartunillu saaffiginnissutinik malinnaaviginninnikkut pingaarutilimmik inissisimassaatit.
Tuniniaanermi pisortaq, nunap immikkoortuini pisortat kiisalu nioqqutissaqarnermut immikkoortortaqarfimmi pisiniarfiit qanimut suleqatigissavatit.
Akisussaaffeqarfiit
Pisiniarfeqarnermut ataqatigiissaarisutut allaffissornikkut suliassat aaq-qissuussaasumik sunniuteqarluartumillu suliarineqarnissaannut kiisalu pisiniarfiit, nunap immikkoortui, suliffeqarfiullu iluani avataanilu suleqa-tigisartakkat akornanni ataqatigiissaarinermut malinnaaviginninnermullu akisussaaqataassaatit.
Tuniniaanermut ataqatigiissaarisutut tuniniaanermi pisortaq qaninnertut aqutsisorissavat.
Tuniniaanermut ataqatigiissaarisutut pingaarnertut suliassatit makkuussapput:
KNI-p pisiniarfiisa akuersissutaannik qinnuteqartarneq, nutarterisarneq malinnaaviginninnerlu ataqatigiissaarlugit.
Pisisartut saaffiginnissutaannik tigooqqaaneq, paasissutissanik pisarialinnik pissarsiniarneq akissutissanillu suliaqarneq.
Nunap immikkoortuini pisortat niuertullu suleqatigalugit pisiniarfinnik ingerlatsinermut tunngasunik ataqatigiissaarineq malinnaaviginninnerlu.
Kiffartuussinissamik isumaqatigiissutinik, attavissanut paasissutissanik allaffissornikkullu uppernarsaatinik nutarterisarneq malinnaaviginninnerlu.
Pisiniarfiit ammasarfiisa nittartakkamut ikkussuivissanullu allanut ikkunnissaannut paasissutissanik katersineq nutarterisarnissarlu.
Pisiniarfiit, suliffeqarfiup iluani immikkoortortaqarfiit avataanilu suleqatigisartakkat akornanni allaffissornikkut suliassanik ataqatigiissaarineq suleqateqarnerullu qulakkeerneqarnissaa.
Atorfik imaattumik inuttalerusupparput:
Allaffissornikkut piginnaasaqarluartutit, ajornanngippallu ataqatigiissaarinermik pisiniarfinnillu ingerlatsinermik misilittagaqartutit.
IT-mik atuilluarsinnaasutit kiisalu allaffissornermi qarasaasiatigut atortunik misilittagaqartutit.
Nammineerlutit aaqqissuussaasumillu sulisinnaasutit kiisalu suliassanik arlalinnik ataatsikkut ingerlatsisinnaasutit.
Attaveqaqateqarnermi suleqateqarnermilu piginnaasaqarluartutit kiisalu kiffartuussilluarusussuseqartutit.
Kalaallit Nunaanni inuiaqatigiinnut, nunaqarfinni pissutsinut kiisalu nunatsinni pilersuinermut pisiniarfinnillu ingerlatsinermut tunngasunut ilisimasaqarnissat iluaqutaassaaq.
Akisussaassuseqartutit, naleqqussarsinnaasutit kiisalu suliassanik malinnaaviginnillaqqillutit piffissaliussanik malinnissinnaasutit.
Atorfinittussamut neqeroorutigaagut:
Piginnaasat naapertorlugit immikkut isumaqatigiissuteqarnikkut akissaateqartitsineq.
Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. akilerneqartassapput, inatsisit malillugit.
Nuunnermi angalanermi kiisalu pequtit angallannerannut akiliunneqarneq.
Atorfik assigiinngisitaartunik suliassalik akisussaaffeqarluartorlu.
Pisiniarfiit, nunap immikkoortui allaffissornikkullu immikkoortortaqarfiit akornanni suleqateqarnissamut periarfissarpassuit.
Nioqqutissaqarnermut immikkoortortaqarfimmi pisiniarfinnik sunniuteqarluartumik ingerlatsinermut pilersuinerullu patajaatsuunissaanut peqataasinnaaneq.
Atorfik pillugu paasisaqarnerorusukkuit tuniniaanermut pisortaq Jonas Aronsen attavigineqarsinnaavoq oqarasuaammut: 86 23 40 mobil: 59 03 71 imaluunniit mailikkut joa@kni.gl.
Qinnuteqaat
Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 29. november 2026.
Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.
Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.
Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.
