Aaqqissuussinermi ataqatigiissaarisoq

Kulturikkut Illorsuaq Taseralik, Sisimiut aaqqissuussinermi aammalu ataqatigiissaarisumik atorfinittussamik inuttassarsiorpoq, ulloq 1.marts 2026 atorfinittussamik imaluunniit sukkanerpaamik atorfinittussamik isumaqatigiinnikkut.

Suliassat

Kulturikkut illorsuarmi Pisortap aamma aaqqissuussinermi ataqatigiissaarisutut aqutsisup ataani aammalu suleqatigalugit atorfinittussaq ukunannga suliassaqassaaq:

· Aaqqissuussinikkut ataqatigiissaarineq inaarsaanerlu piorsarsimassutsikkut aammalu kultureqarnikkut ingerlanneqartartut ilaatigut: tusarnaartsinerit, isiginnaartitsinerit, saqqummersitsinerit il. Il.

· Ataatsimeersuarnerit, pikkorissarnerit saaffiginnissutaasut ataqatigiissarneri attartortut qaminut suleqatigalugit

· Inuit ataasiakkaat, peqatigiiffiit aammalu kulturikkut suliaqartartut qanimut suleqatigalugit aaqqissuussineq

· Attaveqaateqarnerit kulturikkut piorsarsimassutisikkullu suliaqartunut aammalu tapiissutinut tunngasutigut suliaqarnerit

· Aningaasateqarfinnut aammalu tapiissutinut qinnuteqartitsivinnut qinnuteqarnerit

· Taseraliup nittartagaa suliaqaqataaffigalugu aammalu aaqqissuussani pilersaarutinilu suliaqarnermi nittarsaassinerit

Piginnaasat

· Isumassarsiullaqqissuusutit aammalu nassaarsiullaqqissoq

· Suleqatikkuminartuullutillu isumaqatigiinniallaqqissuusutit

· Siammasissumik suliassatigut ataqatigiissaarisinnaasutit aammalu ulapaarfiusuni sulisinnaalluarlutit

· Suliumassuseqarluartutit suliffimmillu sulerususermik suleqatinut pilersitseqataasinnaasutit, innuttaasunullu orniginarsaasinnaasutit piffimmi

· Allaffissornermi piginnaasaqartutit aammalu qarasaasiaq atorlugu ajornaquteqanngitsumik suliaqarsinnaasutit

· Kalaallisut danskisullu oqaaseqartuusutit, tuluttullu oqaatsit isumaqatiginninniarnerup qaffasissusaani piginnaasaqartutit

· Ilisimaarinnittutit aningaasaqarnermut attuumassuteqartunik suliaqarsinnaasutit aammalu pilersaarutinik ingerlatsisinnaasutit

· Biilernermut allagartaqassasutit

Akissarsiat aamma atorfeqarnermi atugassat:

Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pequtit nuunneqarneri pillugit Taseraliup siulersuisui isumaqatigiinniussisinnaatitaasup akornanni atorfininnerup nalaani isumaqatigiissutaasut atuuttut naapertorlugit tamakkua isumagineqassapput.

Pineqaatissinneqarsimannginnermut uppernarsaat kiisalu meeqqanut pinerliisimanngiinermut uppernarsaat takutinneqarpat atorfinninneq pissaaq.

Atorfik inuttassarsiorneqartoq inuttalerneqalereersimassaaq 1.marts 2026.

Atorfimmut tunngatillugu inissaqartitsisoqanngilaq.

Qinnuteqarneq aammalu sukumiinerusumik paasissutissat:

Qinnuteqaatit ilinniarsimanermik siusinnerusukkullu suliffigisimasanik paasissutissartallit, ilinniarsimanermik uppernarsaatip assinganik ilalerlugit mailimut uunga: ceo@taseralik.gl nassiutereerneqassapput ikingusinnerpaamik 17.februar 2026 nal.12:00

Atorfik pillugu itinerusumik paasisaqarnerorusukkuit Taseraliup pisortaa Hennie Nielsen Lange, +299 86 28 01 imaluunniit mailimut ceo@taseralik.gl-mut saaffiginnilluni pissarsiarineqarsinnaapput.