Aasiaani ikummatissaasivimmi sulisoq

KNI A/S Aasianni ikummatissanik imikkoortortaqarfia, ikummatissaasivimmi sulisumik pissarsiorpoq piaartumik imaluunniit isumaqatigiissuteqarnikkut sulilersussamik.

Ikummatissaasivimmi sulisup qaninnertut pisortarissavaa ikummatissaasiviup pisortaa.

Ikummatissaasivimmi sulisutut pingaarnertut suliassatit makkuussapput:

·       Ullormut ikummatissamik orsersuineq, kilisaatinut umiarsuarnullu

·       Ullormut ikummatissamik tunisineq

·       Ullormut perrassaatinik gas-inillu tunisineq

·       Ikummatissaasivimmi atortuutinik angallannermullu atortunik nalinginnaasumik aserfallatsaaliineq

·       Ikummatissanik pajuttoqarnerani sinerissamut pajuttuisartup usingiarnerani immernerani ulloq unnuarlu ikiortaaneq

Atorfik imaattumik inuttalerusupparput:

·       Sullisserusussuseqartoq

·       Nutaanik pilersitsisinnaassuseqartoq

·       Ulapiffiup nalaani paatsiveerunnani malinnaasinnaassuseqartoq

·       Akisussaassusilik

·       Ammasoq ilakkuminartorlu

·       Naatsorsuuserinermik ilisimasaqarneq iluaqutaassaaq

·       Biilinut allagartaqarnissaq, piumasaqaataavoq

Atorfinittussamut neqeroorutigaagut:

·       Piginnaasat naapertorlugit isumaqatigiissuteqarnikkut akissaateqartitaaneq

·       Atorfimmut atatillugu inissaqartitsisoqanngilaq

·       Atorfik pissanganartoq ulluinnarni ulapaarfiusoq

·       Piginnaanngorsaqqinnissamut periarfissat pitsaasut

Atorfik pillugu paasisaqarnerorusukkuit ingerlatsinermi pisortaq Gerth Jack Storer attavigineqarsinnaavoq 86 23 08, mobil: 48 51 77 imaluunniit mail-ikkut: gjs@kni.gl

Qinnuteqaat

Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattuk-kanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 2. juli 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.