Aasianni Ado Lyngep Atuarfiata pisortaa

Isumassuineq tunngavigalugu aqutsineq, attaveqaqatigiinnermut piginnaasaqarneq kulturimillu tunngaveqartumik ingerlatsineq.

Ilinniartitaanermut Aqutsisoqarfik Ado Lyngep Atuarfianut Aasianniittumut atuarfiup pisortaatut piumassusilimmik, tamakkiisumik isiginnissinnaasumik atorfinittussamik pissarsiorpoq ulloq 1. september 2026 imaluunniit isumaqatigiissuteqarnikkut atorfinittussamik.

Ado Lyngep Atuarfia pillugu

Ado Lyngep Atuarfia tassaavoq, immikkut ittumik najugaqarfiutigaluni atuarfik, meeqqat inuusuttullu 16-it 14-20-llu akornanni ukiullit, tarnikkut ineriartornermikkullu innarluuteqartut Kalaallit Nunaanni tamarmeersut atuarfigisaat. Atuarfik amerlanertigut angerlarsimaffimminniit ungasissumiit aggersunit, ilinniartitsiviullunilu angerlarsimaffiuvoq, atuartullu najugaqarfinnit kulturikkut assigiinngitsorujussuarneersunit.

Atuarfiup ulluinnarni ingerlatsinera toqqissisimaneq, attaveqarluarneq, aaqqissuussaaneq atuartullu ataasiakkaat inuunerminni atugaat, oqaasii kulturikkullu tunuliaqutaat ataqqillugit toqqammaveqarpoq. Atuarfik katillugit 21-nik sulisoqartoq, susassaqarfiit akimorlugit ataatsimullu isiginneriaaseqarluni, atuartitsineq, isumassuineq ulluinnarlunilu inuunermut piginnaanngorsarneq ataqatigiisillugit suleriaaseqarpoq.

Atorfik pillugu

Atuarfiup pisortaatut, Ado Lyngep Atuarfiani perorsaanikkut, aqutsinikkut allaffissornikkullu tamakkiisumik pisussaaffiit akisussaaffigissavatit. Naatsorsuutigineqassaatit aqutsisutut qanilaartumik, ersarissumik ataqqinnittumillu aqutsisuussasutit, ulluinnarni pisuni assigiinngitsunik pisoqarfiusartuni eqqissisimanermik, siunnerfilimmik isumaqarluartumillu pilersitsisinnaasoq.

Atorfik kalaallit kulturiannut inuiaqatigiinnilu aaqqissuussaanikkut paasinnilluarsimasuunissamik , sumiiffiillu ataasiakkaat kulturiinut ataqqinninnermik piumasaqaateqarpoq. Taamattaaq inuit akornanni attaveqariaatsit, tatigeqatigiinnerit allanngorarnerillu aalajangiisuulluinnartut aqutsiffigisinnaallugit – atuartunut, sulisunut, angajoqqaanut nunalu tamakkerlugu suleqatigisanut atatillugu.

Pingaarnertut akisussaaffissatit:

Atuarfiup pisortaatut makku akisussaaffigissavatit:

• Najugaqarfimmi atuarfiup neqeroorutaata, susassaqarfiit akimorlugit tamakkiisumillu isiginnilluni ineriartortinnissaa aqunnissaalu, atuarfiup najugaqarfiullu akornanni suleqatigiinnerup ataqatigiisinnerisigut

• Atuartut ataasiakkaat pisariaqartitaat pisinnaasaallu tulluarsaavigalugit, aaqqissuulluakkamik toqqissisimanartumik ineriartorluarnartumillu ilikkartitsiviusinnaasutullu avatangiiseqarnissaanut qulakkeerinninneq.

• Tatigeqatigiinneq ataqqeqatigiinneq, paaseqatigiinnerlu aallaavigalugit erseqqissumik, akuersaartumik oqaloqatigiissinnaanerlu aallaavigalugu aqutsineq

• Aqutsisoqatigiit nukittuumik pitsaasumillu suleqatiilluarnissaannik pilersitsinissaq

• Suliffeqarfiup ingerlannerata isumannaatsuunissaa qulakkeerlugu, patajaatsumillu ingerlaneq, ilinniartitsinikkut sulisoqarnikkullu ingerlatsinermi

• Angajoqqaanik qanilaartumik suleqateqarneq, naak ungasissumi najugaqarsinnaagaluartut

• Kommunit, ingerlatsiviit kiisalu suleqatigisat allat suleqatiginerisa pitsaasumik ingerlanissaa qulakkiissallugu

Illit pissarsiorneqartumut naleqquttutit:

• Immikkut ittumik ilinniartitsinermut tunngasumik ilisimasaqarlutillu misilittagaqarnissat

• Kalaallit Nunaanni kulturikkut inuiaqatigiinnullu atugassarititaasunik paasinnissinnaallutillu ataqqinnittuunissat

• Aqutsisutut ersarissumik, misiginneqataasinnaasumik akisussaaffimmillu tigusisinnaasumik ingerlatsisinnaanissat

• Ilinniartut atugarissaarnissaat, ineriartornissaat inuunermullu piareersarnissaat anguniarlugu sullissisinnaanissat

• Attaveqaqatigiinnikkut piginnaaneqarluarlutillu tatigeqatigiinnermik pilersitsisinnaanissat

• Akuersaartumik, peqataatitsinermik inunnillu isiginneriaatsimik ineriartortitsinermik isiginnittuunissat

• Aqutsisutut ilinniarsimaneq iluaqutaassaaq, piumasaqaataanngilarli

Neqeroorutigaagut:

• Kalaallit Nunaanni ilinniartitaanerup iluani pisortatut atorfik isumaqarluartoq inuiaqatigiinnilu pingaarutilik

• Namminersorluni sulinissamut periarfissaqarluarneq aammalu atuarfiup ineriartortinnissaanut sunniuteqarsinnaalluartoq

• Suliffeqarfik piumassusilinnik, tunniusimasunik, qaffasissumik piginnaasaqarlutillu sulianut attuumassuteqarluartunik sulisulik

• Suliffik suleqatigiinnermik, ataatsimoornermik ataqqeqatigiinnermillu pingaartitsisoq

• Suliffimmi avatangiisit pitsaasut tapersersoqatigiinnermik tunngavillit

• Kalaallit Nunaanni meeqqat inuusuttullu immikkut pisariaqartitsisut akornanni allannguinissamut periarfissaqarluartoq

Akissarsiat atorfinitsitaanerlu

Atorfinitsitsineq, “Naalakkersuisut Ilinniartitsisullu Meeqqat Atuarfianneersut Kattuffiat, IMAK-ip akornanni Meeqqat atuarfianni ilinniartitsisut pillugit isumaqatigiissutaat” malillugu pissaaq. Qinnuteqartoq Kalaallit Nunaanni pisortat tjenestemandit pillugit inatsisaat malillugu tjenestemanditut atorfeqareersoq, tjenestemandinut atugassarititaasut atorlugit atorfinitsinneqarsinnaavoq.

Atorfik akissaateqarfimmi LR 36-mi maanna inissisimavoq.  1. april 2024 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut  Kr. 51.463 ukiumullu Kr. 617.559.

Akissarsiat atorfeqarnermullu atukkat, taassuma iluani aamma atorfininnermut soraarnermullu atatillugu angalasinnaanermut pisinnaatitaanerit, atorfininnerup nalaani isumaqatigiissutip Kalaallit Nunaanni Namminersortut kattuffiullu isumaqatiginninniarsinnaatitaasup akornanni pissapput.

Ineqarneq

Atorfimmut atatillugu inissaqartitsisoqanngilaq. Qinnuteqartoq siusinnerusukkut Namminersorlutik Oqartussat aqqutigalugit ineqareersimappat tamatumunnga pisinnaatitaaffik atuutiinnassaaq. Inissaq atorfininnissamut attuumassuteqarpoq, atorfik qimakkaanni inigisimasaq taamaatinneqassaaq.

Atorfinitsitsineq

1.september 2026 imaluunniit isumaqatigiissuteqarnikkut.

Qinnuteqaat

Qinnuteqaat CV-lu nutartigaq allallu ilanngussatassatut attuumassutillit ilanngullugit nassiunneqassapput “Nassiuguk” aqqutigalugu. Qinnuteqarfissamut killigititaq tassaavoq 6. juli 2026.

Atorfik pillugu annertunerusumik paasissutissat pissarsiarineqarsinnaapput Aqutsisoqarfimmi pisortaq Kaali Olsen attavigalugu oqarasuaat +299 34 61 58, e-mail: kaol@nanoq.gl imaluunniit teamleder Naya Pedersen Lyberth oqarasuaat +299 34 62 13, e-mail: nasp@nanoq.gl aqqutigalugit.

Kalaallit Nunaanni Namminersorlutik Oqartussat pillugit paasissutissat sukumiinerusut nittartakkami atuarneqarsinnaapput. Ilinniartitaanermut Aqutsisoqarfik e-mailikkut qinnuteqaatinik tigusissanngilaq.