Aasianni teknikerissarsiorpugut
Nunatsinni atortulersuutinik aserfallatsaaliuinermi, atuisutsinnullu attavinnik pitsaasunik qulakkeerinninnermi pingaarutilimmik inissisimanissat pilerigisinnaaviuk?
Fakta
Atorfiup suussusaa: Teknikeri
Suliffeqarfik: Tusass
Attavissaq: Mikisuluk Hammeken oqarasuaatikkut +299 389394,
Tusassi Transmissonimut immikkoortortaqarfimmi Aasianniittumi namminersorsinnaasumik, akisussaassusilimmik suliaminullu atatillugu piginnaasaqarluartumik teknikerissarsiorpoq.
Tusassip ineriartortuarneq malinnaavigaa, telemullu tunngatillugu annertusiartuinnartunik piumasaqaateqartoqartarpoq. T&I-mik immikkoortortaqarfik ineriartortitsinermut angusaqarusussusilimmik siunertaqartumillu periusissiorpoq, periusissiarlu suliniutinik arlalinnik naammassinninnissamut piumasaqaateqarpoq.
Atorfik pillugu
Transmission Aasianniittoq ataatsimik aqutsisoqarpoq marlunnillu tele-teknikereqarluni. Immikkoortortaqarfik oqarasuaateqarfinni kiisalu Upernavimmiit Sisimiunut illoqarfinni nunaqarfinnilu oqarasuaateqarnikkut teknikkikkullu atortunik pitsaaliuilluni aserfallatsaaliuinermik, iluarsaassinermik / kukkunernik aaqqiinernik akisussaasuuvoq.
Suleqatitaarigutsigit suliffinnut atatillugu teknikkikkut pisinnaassutsinnik ineriartortitsinissannut periarfissaqarluassaatit, soorlu:
- Ericsson Longhaul/minilink Sakkortusaavinnut atortut aamma XMP-1 Multiplex-imut atortut
- Imaatigut kabelinut attavilersuinermut atortut
- Qaammataasamit nunamit attaveqaatinik tigooraaviit
- Radiomi aallakaatitsissutit, DVB-T-mik nassiussissutit, HF aammalu sinerissami timmisartunut imarsiornermilu radioinut VHF-attaveqaatitigut atortut
- Piffissap ilaani sanaatornermi suliniutini peqataasarneq
- Aasiaat radiomi ingerlatsineq pingaarnertut suliffiuvoq
Pingaartumik qulimiguulimmik umiarsuarmillu attartukkamik sulinermut atatillugu angalasoqartassaaq.
Illit pillutit
Minnerpaamik elektronikfagteknikeritut, Elektronikteknologitut assigisaanilluunniit tunuliaqutaqarnissat piumasaqaatigivarput.
Atorfimmi assingusumi imaluunniit tele-teknikkimi assingusunik misilittagaqassaatit.
Attaveqaqatigiinnermut atortunik ilisimasaqarputit (qaammataasat, imaatigut kabeli, radio, oqarasuaatit) taakkualu ataqatigiissusaannik misissuisinnaallutit kiisalu serverit, routerit switchillu pillugit nalinginnaasumik ilisimasaqassallutit.
Kalaallisut, qallunaatut tuluttullu allallutillu oqalussinnaassaatit.
Taakku saniatigut pingaartipparput:
- namminersorsinnaasutit
- akisussaaffimmik tigusisinnaasutit, peqqissaartuusutit suliassannillu naammassinnissinnaasutit
- suleqatitit suleqatigisinnaagitit – tamannattaaq oqarasuaatikkut pigaluarpat ajornartinngikkit
- suliartortuartartutit sulluinarnilu ulapaarfiusumi sulinissat ajornartinnagu
Neqeroorutigaavut
Suliffik pissanganartoq unammilligassanik ulikkaartoq, ulluinnarnilu suleqatit amerlanngitsut misilittagartuut akornanni immikkoortortaqarfimmi ulapaarfiusumi sulissaatit.
Suleqatit piginnaasallit suliassaminnut tamarmik piumassuseqarluartut attavigisinnaavatit sianerfigeriaannaallugillu.
Kiffaanngissuserujussuaq misigissavat, soorluttaaq suliatigut inuttullu ineriartornissamut periarfissaqarluartoq,
Sulisussap eqqortup piginnaasai naapertorlugit akissarsiaqartinneqassaaq.
Apeqqutit
Paasisaqarnerorusukkuit immikkoortortaqarfimmi aqutsisup Mikisuluk Hammekenip oqarasuaataanut +299 389394-mut attaveqarnissannut tikilluaqqusaavutit.
Qinnuteqarneq oqaloqatiginninnerillu
Qinnuteqaatinik e-mailikkut tigusineq ajorpugut.
Talerpiata tungaani tuugassaq toorlugu qinnuteqaat, CV uppernarsaatillu attuumassuteqartut nassiutikkit.
Oqaloqatiginninnerit ingerlaavartumik ingerlanneqarumaarput, taamaammat qinnuteqaatit sapinngisamik piaartumik nassiutiguk.
Piukkunnartumik nassaarutta atorfik piaartumik inuttalerneqarumaarpoq.
Tusarfiginissat qilanaaraarput.
Qinnuleqarit
