Aatsitassanut oqartussaqarfiup Teknikkimut Nakkutilliinermullu immikkoortortaqarfia teknikikkut allaffissornermi sulisussanik sulisussarsiorpoq

Suliassaqarfimmi pissanganartumi aamma ineriartortorujussuarmi suliaqassallutit piareeqqavit? Kalaallit Nunaanni Aatsitassanut oqartussani Teknikkimut Nakkutilliinermullu Immikkoortortami marlunnik suleqatissarsiorpugut.

Atorfik pillugu

Uatsinni sulineq tassaapput ingerlatsinermi suliassat kiisalu ineriartortitsinermut suliassat arlalinnit peqataaffigineqartut, oqartussanik allanik, siunnersortinik aatsitassanillu ingerlatseqatigiiffinnik qanimut suleqateqarluni suliarineqartussat. Aatsitassanik suliassaqarfimmi tamarmi sulianik sullissinermi teknikikkullu nalilersuinermi qitiusumik inissisimassaatit aatsitassanik misissuinermi atuinermilu illersorneqarsinnaasumik isumannaatsumillu ingerlanneqarnissaat qulakkeertassallugit.

Atorfik nunatta iluani nunallu tamalaat akornanni suliaqartunik oqaloqatiginninnernik imaqarpoq kiisalu aatsitassarsiorfinnik nakkutilliinermut atatillugu ataatsimiittarnernik angalasarnernillu ilaqarluni.

Suliassatit pingaarnerit

• Misissueqqaarnissamut, aatsitassarsiorfinnik ingerlatsinissamut aamma aatsitassarsiorluni suliassanut qinnuteqaatinik suliarinninneq.

• Akuersissutinik tunniunneqartunik kiisalu sulianik aallartinneqartunik nakkutiginninneq.

• Misissuinernut suliaqarnernut, ingerlatsinissamut pilersaarutinik isumannaallisaanermullu tunngasunik teknikikkut nalilersuinerit

• Suleriaatsinik, malittarisassanik kiisalu oqartussat suleqatigiinnerannik ineriartortitseqataaneq

• Nunatsinni avataanilu ingerlatseqatigiiffinnik, siunnersortinik oqartussanillu oqaloqatiginninnerit ataqatigiissaarinerillu

Illit ilisarnaatitit

Teknikikkut, ingeniøritut imaluunniit assersuutigalugu aatsitassarsiornermi, sanaartornermi, isumannaallisaanermi suliffiullu avatangiisaannik, pinngortitalerinermik ilisimatusarnermi imaluunniit pisortat ingerlatsineranni qaffasissumik ilinniagaqartutit takorloorparput.

Taakku saniatigut makku pingaartissavavut:

• suliassaqarfiit akimorlugit suleqateqallaqqissoq pilersaarusiornermillu isiginnittumik sulisoq

• oqaatsitigut allakkatigullu qallunaatut tuluttullu attaveqarsinnaasoq

• IT-nik atuillaqqissoq, pingaartumik Microsoft Office aamma Teams

• journaliliornernik, ilisimasanik tunngavilinnik paasissutissanik avitseqatigiittarfinnik GIS-imilluunniit misilittagalik

Aatsitassanik suliaqarfik imaluunniit akuersissutinik aqutsineq pisortaniluunniit ingerlatsinermik ilisimasaqaruit iluaqutaassaaq.

Kalaallit oqaasiinik kulturiannillu ilisimasaqarneq iluaqutaassaqaaq. Kalaallit Nunaata avataanit qinnuteqartunut pingaartipparput kulturinut allanut tunngasunik atungassaqarfinni sulisinnaaneq sulerusussuseqarnerlu pingaartipparput.

Immikkoortortaqarfik pillugu

Immikkoortortaqarfik Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfiup ilaaniippoq kiisalu Namminersorlutik Oqartussat aatsitassanut oqartussaqarfiannut ilaalluni. Nuummi allaffeqarpugut tallimanillu sulisoqarluta. Ilaatigut Akuersissuteqarnermut Immikkoortortaqarfik, Nunap Sannaanut Immikkoortortaqarfik kiisalu Aatsitassanut Avatangiisinut Aqutsisoqarfik qanimut suleqatigaavut.

Aatsitassanut oqartussaqarfiup nunarput tamakkerlugu aatsitassarsiornissamut akuersissutit 140-t missaat aqutarai, matumanilu aatsitassarsiornermut misissuinissamullu akuersissutit, ilisimatusarnissamut akuersissutit kiisalu najukkani aatsitassanik suliat soorlu ujaqqeriviit sioqqanillu milluaaviit ilanngullugit.

Piaartumik atorfinitsitsisoqassaaq. Kisiannili atorfimmut piukkunnaatilik eqqortoq utaqqisinnaavarput.

Piffissaq suliffiusussaq aallaaviusumik tassaavoq sapaatip akunneranut akunnerit 40-t. Aatitassasiornermik inuussutissaqarfik piffissap qanoq ilineranik sunnerneqartarpoq aamma taamaattumik piffissami ulapaarfiusumi nikerartumik sulisarnissaq naatsorsuutigineqassaaq.

Qinnuteqartunut kissaatigineqartutut piginnaasaqartunut immikkut siunnersortitut imaluunniit pisortatut tapisiaqarnissaq anguniarneqarsinnaassaaq.

Paasissutissat allat

Atorfik pillugu annertunerusunik paasisaqarusukkuit, attaveqarfigisinnaavat Teknikimut Nakkutilliinermullu Immikkoortortaqarfimmi pisortaq Kim Zinck Jørgensen Oqarasuaat +299 346848 01 imaluunniit mailiatigut kizi@nanoq.gl atorlugu.

Paasissutissat amerlanerit paasisarerusukkukkit uani atuarsinnaavatit: www.naalakkersuisut.gl. Nittartakkatsinni Kalaallit Nunaanni aatsitassat pillugit paasissutissat nassarisinnaavatit www.govmin.gl

Qinnuteqarneq

Qinnuteqarnissamut killigititaq tassaavoq ulloq 10.05.2026, nal 12:00.

Atorfinitsitsiniarneq pillugu ingerlaavartumik oqaloqatiginnittoqartassaaq.

Qinnuteqarnissamut killigititaq:

10. maj 2026 12:00

Attaveqarfissaq:

Kim Zinck Jørgensen

+299 34 68 48

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.