Fakta
Atorfiup suussusaa: AC-fuldmægtigi / Biskoppeqarfik
Suliffeqarfik: Kalaallit Nunaanni Ilagiit
Qinnuteqarfissamut killigititaq: 20. maj
Attavissaq: Paneeraq Siegstad Munk uunga attavigisinnaavat, e-mail: pasm@ilagiit.gl, oqarasuaat normua: 321134
AC-fuldmægtigi / Biskoppeqarfik
Namminersorlutik Oqartussat ataanni Biskoppip allaffiani Nuummi ac-fuldmægtigitut atorfik inuttassarsiorneqarpoq 1. juni 2026 imaluunniit tamatuma kinguninnguatigut inuttalerneqarusulluni.
Biskoppip allaffiani ilagiinnut tunngasut kiisalu allaffissornikkut suliassat Kalaallit Nunaanni Ilagiitnut tunngassuteqartut suliarineqartarput.
Biskoppip allaffianut saaffiginnissutit assigiinngiiaartorujussuusinnaapput, pisortanit, palasinit, ajoqinit, ilagiinnit, allarpassuarnillu.
Allaffimmi sulisuupput biskoppi, biskoppeqarfimmi allaffimmi pisortaq, allaffimmi aqutsisoq, ac-fuldmægtig aammalu kontorfuldmægtigi.
Fuldmægtigip suliassaasa ilagaat ilagiit iluanni sulisut ilinniartinneqarnerat ataqatigiissaassallugu, tassunga ilaallutik ajoqit pattattullu ilinniartinneqarnerat, kisianni aamma palasit ajoqillu ilinniarteqqinneqartarnerat pimoorunnerusumik suliamut ilaatinneqassalluni.
Allaffimmi sulisut ikittuararsuummata fuldmægtiginngortussap piareersimaffigissavaa ulluinnarni suliat/nalinginnaasumik suliassat suliarineqarneri ilinniakkanut aalajangersimasunut atasuunngikkaluartut suleqataaffigisassallugit.
Atorfik ilinniagartuumik inuttalerusunneqarpoq ilagiinnut sulianullu ilagiinnut tunngassuteqartunut ilisimasaqarlunilu soqutigisaqartumik, teologitut ilinniagaqartuusinnaavoq. Nammineersinnaanermik, eqaatsumik sulisinnaanermik susoqarneranillu malussarissumik inuttut piginnaaneqarnissaq pingaartinneqassaaq. Kalaallit Nunaanni pissutsinik ilisimasaqarneq iluaqutaassaaq.
Kalaallisut/qallunaatut marluinnik oqaasilik perusunneqarneruvoq.
Meeqqanik pinerliisimannginnermut uppernarsaateqarnissaq piumasaqaataavoq.
Attavissaq aamma qinnuteqaat:
Atorfik pillugu annertunerusumik paasisaqarusukkuit Biskoppi Paneeraq Siegstad Munk uunga attavigisinnaavat, e-mail: pasm@ilagiit.gl, oqarasuaat normua: 321134.
Kalaallit Nunaanni ilageeqarneq annertunerusumik paasisaqarfigerusukkukku
nittartagarput alakkarsinnaavat: www.ilagiit.gl
Qinnuteqarnissamut piffissaliunneqarpoq ulloq: 20. Maj 2026.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
